សេដ្ឋកិច្ច
ការបន្ថយពន្ធនាំចូលអង្កររបស់ហ្វីលីពីន ផ្ដល់ប្រយោជន៍ដល់វៀតណាម ជាជាងប្រជាកសិករក្នុងស្រុក
ហ្វីលីពីន ដែលជាប្រទេសនាំចូលអង្ករលំដាប់កំពូលមួយរបស់ពិភពលោក កាលពីថ្ងៃអង្គារ បានប្រកាសបន្ធូរបន្ថយពន្ធលើការនាំចូលអង្ករពីបរទេស ពី ៣៥ ភាគរយ មកត្រឹម ១៥ភាគរយ រហូតដល់ឆ្នាំ ២០២៨ ក្នុងជំហានដើម្បីបន្ថយសម្ពាធអតិផរណារបស់ប្រទេស។
យ៉ាងណាមិញ អ្នកវិភាគបានមើលឃើញថា ការបោះជំហានបែបនេះ អាចផ្តល់ប្រយោជន៍ដល់ផលិតករស្រូវអង្ករបរទេស ដូចជាវៀតណាម ហើយធ្វើឱ្យកសិករក្នុងស្រុកហ្វីលីពីន ជួបការលំបាកក្នុងការប្រកួតប្រជែង។ នេះបើតាមការចុះផ្សាយរបស់កាសែត Nikkei Asia។
លោក Arsenio Balisacan ប្រធានអាជ្ញាធរសេដ្ឋកិច្ច និងអភិវឌ្ឍន៍ជាតិហ្វីលីពីន បានក្នុងសេចក្តីថ្លែងការណ៍មួយថា ការសម្រេចចិត្តបន្ថយពន្ធ ដែលប្រកាសឡើងក្រោយកិច្ចប្រជុំនៃក្រុមអន្តរទីភ្នាក់ងារដឹកនាំដោយប្រធានាធិបតីហ្វីលីពីន លោក ហ្វឺរឌីណង់ ម៉ាកូសជូនៀ (Ferdinand Marcos Jr.) នោះ មានគោលបំណងកាត់បន្ថយតម្លៃអង្ករ ដោយធ្វើឱ្យវាកាន់តែមានតម្លៃសមរម្យ។
អង្ករបានរួមចំណែក ៩ ភាគរយក្នុងសន្ទស្សន៍តម្លៃទំនិញប្រើប្រាស់របស់ហ្វីលីពីន ប៉ុន្តែសេចក្តីថ្លែងការណ៍បាននិយាយថា អង្កររួមចំណែកច្រើនជាងពាក់កណ្តាលនៃអត្រាអតិផរណាសរុបក្នុងរយៈពេល៣ខែមកនេះ។
លោក Balisacan បានគូសបញ្ជាក់ថា៖ «ការកាត់បន្ថយពន្ធអង្ករ រំពឹងថានឹងធ្វើឱ្យតម្លៃអង្ករធ្លាក់ចុះសម្រាប់អ្នកប្រើប្រាស់ ខណៈគាំទ្រដល់ផលិតកម្មក្នុងស្រុកតាមរយៈពន្ធ និងការបង្កើនការគាំទ្រផ្នែកថវិកា ដើម្បីបង្កើនផលិតភាពកសិកម្ម ជាពិសេសនៅពេលដែលតម្លៃអង្ករពិភពលោកនៅតែកើនឡើង»។ លោកបន្តថា រដ្ឋាភិបាលនឹងព្យាយាមរក្សាតម្លៃអង្ករសម្រាប់ប្រជាជនហ្វីលីពីនក្រីក្រ ដោយកាត់បន្ថយពន្ធលើអង្ករនាំចូលឱ្យនៅត្រឹម ០,៤៩ ដុល្លារ/គីឡូក្រាម ពេញមួយឆ្នាំ។
យ៉ាងណាមិញ អ្នកជំនាញមើលឃើញថា វិធានការបន្ថយពន្ធនឹងធ្វើឱ្យអង្ករនាំចូល មានតម្លៃថោកជាងផលិតផលក្នុងស្រុក ដែលពិតជានឹងជះឥទ្ធិពលអវិជ្ជមានដល់ប្រាក់ចំណូលរបស់កសិករ ទោះបីជាវាបន្ថយអតិផរណាក៏ដោយ។ ផ្ទុយទៅវិញ ការណ៍ដដែល នឹងក្លាយជាអត្ថប្រយោជន៍ដ៏ធំ សម្រាប់ប្រទេសនាំចេញអង្ករនៅអាស៊ី ដូចជាវៀតណាម និងថៃជាដើម។
អ្នកជំនាញខ្លះលើកឡើងថា ការបន្ថយពន្ធនាំចូលលើអង្ករ នឹងធ្វើឱ្យកសិករប្រឈមនឹងការប្រកួតប្រជែងខ្លាំង ពីការនាំចូលតម្លៃថោកៗ ហើយវាអាចនឹងជំរុញឱ្យកសិករខ្លះផ្លាស់ប្ដូរមុខដំណាំ ដែលរំខានដល់ការអនុវត្តកសិកម្មដែលមានស្រាប់។
ទោះយ៉ាងណាក៏ដោយ អ្នកជំនាញខ្លះលើកឡើងថា យន្តការរបស់រដ្ឋាភិបាលហ្វីលីពីន អាចធ្វើឲ្យប្រទេសនាំចេញអង្ករ គិតឡើងវិញពីសំណាងរបស់ខ្លួន ដោយប្រទេសដូចជាវៀតណាម អាចមើលឃើញពីការលក់អង្ករក្នុងតម្លៃថោកនៅហ្វីលីពីន ហើយការណ៍នេះ គ៏អាចជំរុញឱ្យពួកគេស្វែងរកទីផ្សារថ្មីៗផងដែរ៕
ខេត្តរតនគិរី បន្តចុះត្រជាក់ដល់ ១៤ អង្សាសេ
មុនចូលកាន់តំណែង លោក ត្រាំ ឆ្លៀតពេលនិយាយទូរស័ព្ទជាមួយលោក ស៊ី
ក្រសួងសុខាភិបាលណែនាំពលរដ្ឋអនុវត្តវិធី៤យ៉ាងដើម្បីការពារខ្លួនពីជំងឺទឹកនោមផ្អែមប្រភេទទី២
កម្ពុជា-ឡាវ គ្រោងសាងសង់ស្ពានទន្លេរពៅ-សេឡាំផាវ និងផ្លូវតភ្ជាប់រវាងខេត្តព្រះវិហារ និងខេត្តចម្ប៉ាសាក់
យុវជនដែលពលីជីវិតក្នុងពេលប្រតិបត្តិការបោសសម្អាតមីន! អ្នកឧកញ៉ា ឡេង ណាវ៉ាត្រា ដឹកនាំក្រុមយុវជនបូជាការពារយុត្តិធម៌ ចូលរួមគោរពវិញ្ញាណក្ខន្ធសព
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
ចុងសប្តាហ៍នេះ អាមេរិក ជួបព្យុះព្រឹលធ្ងន់ធ្ងរ ប៉ះពាល់ពលរដ្ឋជាង ៣០០លាននាក់
សុខភាពរបស់ជំទាវទីមួយ Kim Keon Hee កាន់តែយ៉ាប់យ៉ឺន ក្រោយនៅតែឯងក្នុងវិមានប្រធានាធិបតី
ពិធីឡើងកាន់តំណែងលោក ត្រាំ ផ្លាស់ប្ដូរទៅធ្វើនៅក្នុងវិមានវិញ ព្រោះតែព្យុះព្រិលធ្ងន់ធ្ងរ
រោងចក្រកាត់ដេរសម្លៀកបំពាក់ម៉ាក Adidas តម្លៃ ៩០ លានដុល្លារ ត្រៀមដំណើរការផលិតកម្មឆាប់ៗនៅកម្ពុជា
-
ចរាចរណ៍៥ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៧ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៥ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២៤ ម៉ោង agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៤ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ១ សប្តាហ៍ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៧ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ