ក្រសួងអប់រំ​ និង UNESCO ពិភាក្សាលើវិធីសាស្ត្រសម្រាប់ការអនុវត្តកម្មវិធី STEP Cam II

ក្រោមការដឹកនាំដោយ បណ្ឌិតសភាចារ្យ ណាត ប៊ុនរឿន រដ្ឋលេខាធិការ ក្រសួងអប់រំ យុវជន និងកីឡា និងលោក Sardar Umar Alam តំណាងអង្គការ UNESCO ប្រចាំប្រទេសកម្ពុជា បានប្រជុំពិភាក្សា ស្ដីពី កម្មវិធីមូលនិធិភាពជាដៃគូសកលសម្រាប់ការអប់រំលើកទី៥។

កិច្ចប្រជុំពិភាក្សានាថ្ងៃទី៥ ខែមិថុនា ឆ្នាំ២០២៤ នេះ មានការចូលរួម ពីសំណាក់ រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង និងអង្គភាពជំនាញក្រសួង អប់រំ យុវជន និង កីឡា ប្រមាណ ១០០រូប។

កិច្ចប្រជុំនេះ មានគោលបំណង ដើម្បីពិភាក្សា និងឯកភាពលើវិធីសាស្ត្រសម្រាប់ការអនុវត្តកម្មវិធី STEP Cam II ។ ការលើកផែនការការងារ ការលើកផែនការថវិកា សកម្មភាពសំខាន់ៗសម្រាប់ឆ្នាំដំបូង នៃ IPAs និងពិភាក្សាលើជំហានបន្ទាប់សម្រាប់គ្រោង។

កម្មវិធីមូលនិធិភាពជាដៃគូសកលសម្រាប់ការអប់រំលើកទី៥ បានផ្ដោតសំខាន់ទៅលើការអប់រំ គ្រូបង្រៀនការអភិវឌ្ឍវិជ្ជាជីវៈជាប្រចាំ ការអភិវឌ្ឍសមត្ថភាពលើកញ្ចប់សម្ភារបង្រៀន និងរៀនថ្នាក់ដំបូង និងបរិវត្តកម្មឌីជីថលសម្រាប់គ្រូបង្រៀនដោយរួមមាន ការផ្លាស់ប្ដូរទៅជាប្រព័ន្ធអប់រំបណ្ដុះបណ្ដាល ១២+៤ ការអភិវឌ្ឍសមត្ថភាពលើកកញ្ចប់សម្ភារបង្រៀន និងរៀនថ្នាក់ដំបូងការរៀបចំក្របខ័ណ្ឌសមត្ថភាព ICT សម្រាប់គ្រូបង្រៀនការពិនិត្យ និងកែសម្រួលការបណ្ដុះបណ្ដាល ICT សម្រាប់គរុសិស្ស គរុនិស្សិតស្របទៅនឹងក្របខ័ណ្ឌសមត្ថភាព ICT សម្រាប់គ្រូបង្រៀន៕