ព័ត៌មានជាតិ
ក្រុមហ៊ុនអភិវឌ្ឍព្រលានតេជោតាខ្មៅ បានត្រៀមបម្រុងដី សាងសង់ផ្លូវរថភ្លើងមករាជធានីភ្នំពេញ
មន្រ្តីជាន់ខ្ពស់ក្រុមហ៊ុនអភិវឌ្ឍព្រលានយន្តហោះអន្តរជាតិតេជោតាខ្មៅបានគូសបញ្ជាក់ថា ក្រុមហ៊ុនបានត្រៀមបម្រុងដីសម្រាប់គម្រោងសាងសង់ផ្លូវរថភ្លើង តភ្ជាប់ពីព្រលានយន្តហោះតេជោតាខ្មៅមករាជធានីភ្នំពេញ។
លោក ឆារស៍ វ៉ាន់ អភិបាលក្រុមហ៊ុន Cambodia Airport Investment (CAIC)
ឆ្លើយតបសំណួរបស់កម្ពុជាថ្មីក្នុងដំណើរទស្សនកិច្ចពីតំណាងក្រុមហ៊ុនអាកាសចរណ៍ជាតិនិងអន្តរជាតិ ព្រមទាំងក្រុមហ៊ុនផ្តល់សេវាគាំទ្រការដឹកជញ្ជូនតាមផ្លូវអាកាសជាង ១៥០ នាក់ ដើម្បីសិក្សាស្វែងយល់ពីដំណើរការវិវឌ្ឍការសាងសង់ព្រលានយន្តហោះអន្តរជាតិតេជោក្រុងតាខ្មៅនៅព្រឹកមិញនេះ លោក ឆារស៍ វ៉ាន់ អភិបាលក្រុមហ៊ុន Cambodia Airport Investment (CAIC) និងជាអភិបាលក្រុមហ៊ុនកាណាឌីយ៉ាគ្រុបបានឲ្យដឹងថា ខណៈដែលដំណើរការសាងសង់ព្រលានយន្តហោះតេជោតាខ្មៅសម្រេចបានជាង ៧០ ភាគរយ ក្រុមហ៊ុនបានដាក់ផែនការជាច្រើនដើម្បីគាំទ្រដល់ការអភិវឌ្ឍហេដ្ឋារចនាសម្ព័ន្ធព្រលានយន្តហោះតេជោតាខ្មៅ។ ក្នុងនោះក្រុមហ៊ុនបានបម្រុងដីសម្រាប់គម្រោងសាងសង់ផ្លូវរថភ្លើង តភ្ជាប់ពីព្រលានយន្តហោះតេជោតាខ្មៅមករាជធានីភ្នំពេញ។
លោក ឆារស៍ វ៉ាន់ បានបញ្ជាក់យ៉ាងដូច្នេះថា «នៅតាមបណ្តោយផ្លូវ ៦០ ម៉ែត្រ ដែលក្រុមហ៊ុនកំពុងសាងសង់ចេញពីព្រលាន យើងបានត្រៀមបម្រុងទីតាំងដីសម្រាប់អភិវឌ្ឍជាផ្លូវរថភ្លើងនៅថ្ងៃអនាគត»។
លោក ឆារស៍ វ៉ាន់ បន្ថែមថា «ដោយសារគម្រោងស្ថិតនៅក្នុងការសិក្សាជាផែនការនៅថ្ងៃអនាគត ហើយដំណើរការនឹងចាប់ផ្តើមនៅពេលណាអាស្រ័យលើរដ្ឋាភិបាល»។
យ៉ាងណាមិញ បើតាមលោក ឆារស៍ វ៉ាន់ ដំណើរការសាងសង់អាចចាប់ផ្តើម ក្រោយពេលដែលព្រលានយន្តហោះតេជោតាខ្មៅបានបញ្ចប់ និងដាក់ឲ្យដំណើរការពេញលេញ។
កាលពីពេលថ្មីៗនេះ ក្រុមហ៊ុនជំនាញផ្លូវដែករបស់ចិនចំនួនពីរ បានទទួលភ្លើងខៀវពីរាជរដ្ឋាភិបាលកម្ពុជាក្នុងការសិក្សាគម្រោងសាងសង់ផ្លូវរថភ្លើងក្រោមដីក្នុងរាជធានីភ្នំពេញ និងរថភ្លើងធុនស្រាលតភ្ជាប់រវាងរាជធានីភ្នំពេញ និងព្រលានយន្តហោះអន្តរជាតិតេជោតាខ្មៅ។
បន្ទាប់ពីទទួលបានភ្លើងខៀវពីរាជរដ្ឋាភិបាលកម្ពុជា ថ្នាក់ដឹកនាំក្រុមហ៊ុនឆាយណាមេត្រូ និងហ្គ័ងចូវមេត្រូ បានធ្វើដំណើរមកដល់ប្រទេសកម្ពុជា និងបានជួបពិភាក្សាការងារជាមួយមន្រ្តីរដ្ឋាភិបាលដើម្បីសិក្សាគម្រោងនេះ។
ក្នុងនោះគណៈប្រតិភូក្រុមហ៊ុនអភិវឌ្ឍផ្លូវដែករបស់ចិន បានចូលរួមកិច្ចប្រជុំជាមួយមន្រ្តីកម្ពុជា ក្រោមការដឹកនាំពីលោកឧបនាយករដ្ឋមន្ត្រី ស៊ុន ចាន់ថុល អនុប្រធានទី ១ ក្រុមប្រឹក្សាអភិវឌ្ឍន៍កម្ពុជា ។
លោក ស៊ុន ចាន់ថុល បានគូសរំលេចថា ការរៀបចំប្រព័ន្ធដឹកជញ្ជូនក្នុងរាជធានីភ្នំពេញឱ្យបានល្អប្រសើរ គឺជាកិច្ចការដ៏សំខាន់ ដែលទទួលបានការយកចិត្តទុកដាក់ខ្ពស់ពីរាជរដ្ឋាភិបាល។ ផ្លូវរថភ្លើងក្រោមដីក្នុងរាជធានីភ្នំពេញ និងរថភ្លើងធុនស្រាលតភ្ជាប់រវាងរាជធានីភ្នំពេញ និងព្រលានយន្តហោះអន្តរជាតិតេជោ មានសារៈសំខាន់ខ្លាំងណាស់សម្រាប់សម្រួលការធ្វើដំណើរគ្រាដែលការចរាចរណ៍ក្នុងរាជធានីភ្នំពេញកាន់តែកកស្ទះ។
បើតាមលោក ស៊ុន ចាន់ថុល ការធ្វើផ្លូវរថភ្លើងក្រោមដីក្នុងរាជធានីភ្នំពេញ និងរថភ្លើងធុនស្រាលភ្ជាប់រវាងភ្នំពេញ និងព្រលានយន្តហោះអន្តរជាតិតេជោ បានជួយដល់សេដ្ឋកិច្ចកម្ពុជា និងផ្នែកបរិស្ថានថែមទៀតផង។
ជាមួយគ្នានេះ លោកឧបនាយករដ្ឋមន្ត្រី ស៊ុន ចាន់ថុល ក៏បានណែនាំក្រុមហ៊ុនអភិវឌ្ឍផ្លូវដែករបស់ចិនពន្លឿនការសិក្សាឱ្យបានលឿន ដើម្បីដាក់ជូនរាជរដ្ឋាភិបាលពិនិត្យសម្រេច។
គួរបញ្ជាក់ថា នៅព្រឹកមិញនេះ មានដំណើរទស្សនកិច្ចពីតំណាងក្រុមហ៊ុនអាកាសចរណ៍ជាតិនិងអន្តរជាតិ ព្រមទាំងក្រុមហ៊ុនផ្តល់សេវាគាំទ្រការដឹកជញ្ជូនតាមផ្លូវអាកាសជាង ១៥០ នាក់ ដើម្បីសិក្សាស្វែងយល់ពីដំណើរការវិវឌ្ឍជុំវិញការសាងសង់ព្រលានយន្តហោះអន្តរជាតិតេជោក្រុងតាខ្មៅ។ គិតត្រឹមថ្ងៃទី ០៦ ខែមិថុនា ឆ្នាំ ២០២៤ ដំណើរការសាងសង់អាកាសយានដ្ឋានអន្តរជាតិតេជោ (TIA) សម្រេចការសាងសង់បានជាង ៧៥% និងចំណាយថវិកាអស់ជាង ១ ១០០ លានដុល្លារអាមេរិក៕
កសិករចាប់ផ្តើមប្រមូលផលស្រូវប្រចាំរដូវ ខណៈស្រូវស្រាលមានតម្លៃប្រកៀកប្រកិតគ្នា
នាយ ព្រីង ទុំ បានធូរស្បើយខ្លះ ក្រោយកាត់ជើងដោយសារជំងឺទឹកនោមផ្អែម
ល្អហួស អះអាងថា ការផ្តល់កម្លាំងចិត្តពីប្រជាជនកម្ពុជា ធ្វើឲ្យនាងអាចតស៊ូបានគ្រប់យ៉ាង
៧មករា គឺជាថ្ងៃកំណើតទី២ របស់ប្រជាជនកម្ពុជា បើគ្មានថ្ងៃនោះទេ ក៏គ្មានថ្ងៃនេះដែរ នេះជាសច្ចធម៌ប្រវត្តិសាស្ត្រ គ្មានជនណាមកបំភ្លៃ និងបំផ្លាញបាន
លោក លី ធុជ អំពាវនាវឱ្យប្រជាជនបន្តរួបរួមគ្នា និងសម្លឹងមើលទៅរកអនាគតមួយកាន់តែល្អប្រសើរឡើងសម្រាប់ប្រទេសជាតិ ក្រោមការដឹកនាំរបស់គណបក្សប្រជាជនកម្ពុជា
នាយ ព្រីង ទុំ បានធូរស្បើយខ្លះ ក្រោយកាត់ជើងដោយសារជំងឺទឹកនោមផ្អែម
លោក ប៊ុន ភក្ដី ចេញមកបកស្រាយ ក្រោយការចោទប្រកាន់ថា ខ្លួនជាជនជាតិវៀតណាម មានតំណែងជាមន្ត្រីនគរបាល
រញ្ជួយដីកម្រិតធ្ងន់ វាយប្រហារតំបន់ទីបេ បណ្តាលឲ្យមានមនុស្សស្លាប់
នារីម្នាក់បានស្លាប់និងម្នាក់ទៀតរងរបួសធ្ងន់បន្ទាប់ពីបើកម៉ូតូទៅកៀរទ្រូងផ្លូវ
អាជ្ញាធរសម្រេចផ្អាកការសាងសង់សំណង់នានារបស់លោក ធាន វុទ្ធី ព្រោះគ្មានបច្ចេកទេស
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៥ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ