ព័ត៌មានជាតិ
សម្ដេច ហ៊ុន សែន ជំរុញឱ្យឥណ្ឌូណេស៊ីវិនិយោគដោយផ្ទាល់នៅកម្ពុជា ពិសេសការនាំចេញស្រូវអង្ករ
សម្ដេចតេជោ ហ៊ុន សែន ជំរុញឱ្យឥណ្ឌូណេស៊ីចាប់យកកសិកម្មជាវិស័យស្នូលសម្រាប់កិច្ចសហប្រតិបត្តិការវិនិយោគជាមួយកម្ពុជា ពិសេសការនាំចេញស្រូវអង្ករ។ សម្ដេចតេជោ ក៏ជំរុញឱ្យឥណ្ឌូណេស៊ី ពិចារណាក្នុងការវិនិយោគដោយផ្ទាល់នៅក្នុងប្រទេសកម្ពុជាតែម្ដង។
![](https://www.kampucheathmey.com/wp-content/uploads/2024/06/image-310-edited.png)
ការជំរុញរបស់សម្ដេចតេជោទៅកាន់ឥណ្ឌូណេស៊ីបែបនេះ តាមរយៈឯកអគ្គរដ្ឋទូតឥណ្ឌូណេស៊ីប្រចាំកម្ពុជា នៅក្នុងជំនួបសម្ដែងការគួរសមកាលពីថ្ងៃទី៥ ខែមិថុនា ឆ្នាំ២០២៤ នៅវិមានព្រឹទ្ធសភា រាជធានីភ្នំពេញ។ ក្នុងជំនួបនេះ លោក សាន់តូ ដាម៉ូស៊ូម៉ាតូ ឯកអគ្គរដ្ឋទូតឥណ្ឌូណេស៊ីប្រចាំកម្ពុជា បានលើកឡើងពីសក្ដានុពលក្នុងវិស័យកសិកម្ម ដែលនៅឆ្នាំ២០២៣ កន្លងមក ប្រទេសឥណ្ឌូណេស៊ី បានចាប់ផ្ដើមនាំចូលស្រូវអង្ករពីប្រទេសកម្ពុជា ហើយជាពិសេស គឺចាប់អារម្មណ៍លើការ វិនិយោគផលិតស្រូវនៅកម្ពុជា។
![](https://www.kampucheathmey.com/wp-content/uploads/2024/06/image-312-1024x683.png)
ស្របជាមួយនឹងការលើកឡើងរបស់ទូតឥណ្ឌូណេស៊ី សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា បានលើកឡើង ថា កិច្ចសហប្រតិបត្តិការវិនិយោគរវាងកម្ពុជា និងឥណ្ឌូណេស៊ី ត្រូវចាប់យកវិស័យកសិកម្មជាស្នូល នាពេលខាងមុខនេះ ដោយកម្ពុជាមានសន្តិសុខស្បៀង ដោយនៅសល់ស្រូវច្រើន ខណៈឥណ្ឌូណេស៊ីដែលមានប្រជាជនច្រើនត្រូវការស្បៀង។
សម្ដេចតេជោ សង្កត់ធ្ងន់ថា កម្ពុជា ជាទីកន្លែងដែលអាចផ្គត់ផ្គង់ស្បៀងប្រកបដោយស្ថិរភាព ដែលជាឱកាសល្អអាចឱ្យឥណ្ឌូណេស៊ី ពិចារណាក្នុងការវិនិយោគដោយផ្ទាល់នៅប្រទេសកម្ពុជាតែម្ដង។ ក្នុងន័យនេះ សម្ដេចតេជោ បានជំរុញឱ្យភាគីឥណ្ឌូណេស៊ី វិនិយោគលើការរៀបចំជាប្រព័ន្ធផលិត ស្តុកទុក កិន ហើយអាចវេចខ្ចប់ ដើម្បីនាំចេញទៅកាន់ប្រទេសឥណ្ឌូណេស៊ី ឬបណ្ដាប្រទេសផ្សេងៗទៀត។
![](https://www.kampucheathmey.com/wp-content/uploads/2024/06/image-313-edited.png)
សម្ដេចតេជោ ប្រធានព្រឹទ្ធសភា បានចាត់ទុកការវិនិយោគដោយត្រង់នេះ នឹងផ្ដល់ផលប្រយោជន៍ជាច្រើនបំពេញឱ្យគ្នាទៅវិញទៅមក ដោយអាចជួយឱ្យកសិករកម្ពុជាមានទីផ្សារ ហើយឥណ្ឌូណេស៊ីខ្លួនឯងមានប្រភពធានានូវសន្តិសុខស្បៀងរយៈពេលយូរអង្វែង។
គួរបញ្ជាក់ថា ឆ្នាំ២០២៣កន្លងទៅ កម្ពុជាបានយល់ព្រមផ្គត់ផ្គង់អង្ករប្រមាណ២៥ម៉ឺនតោនក្នុងមួយឆ្នាំដល់ ឥណ្ឌូនេស៊ី ដើម្បីរក្សាបានសុវត្ថិភាពស្បៀង និងការប្រើប្រាស់ក្នុងប្រទេសនេះ។ នៅក្នុងជំនួបរវាងលោក ចូកូ វីដូដូ ប្រធានាធិបតីឥណ្ឌូនេស៊ី និងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅទីក្រុងហ្សាកាតា លោក ចូកូ វីដូដូ បានបង្ហាញការពេញចិត្តដែលកម្ពុជាបានព្រមព្រៀងផ្គត់ផ្គង់អង្ករដល់ឥណ្ឌូនេស៊ីចំនួន២៥ម៉ឺនក្នុងមួយឆ្នាំនេះ៕
![](https://www.kampucheathmey.com/wp-content/uploads/2024/06/image-311.png)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ