ព័ត៌មានជាតិ
សម្ដេចធិបតី៖ បញ្ញាសិប្បនិម្មិតផ្ដល់វឌ្ឍនភាពសង្គម តែក៏នាំបញ្ហាប្រឈមគួរឱ្យកត់សម្គាល់
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា បញ្ញាសិប្បនិម្មិតបានផ្ដល់នូវកំណើនសេដ្ឋកិច្ច និងវឌ្ឍនភាពនៅក្នុងសង្គម ក៏ប៉ុន្តែបញ្ញាសិប្បនិម្មិតនេះ ក៏បាននាំមកនូវបញ្ហាប្រឈមគួរឱ្យកត់សម្គាល់ផងដែរ។
ថ្លែងបើកកិច្ចប្រជុំរដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ លើកទី២០ នៅព្រឹកថ្ងៃទី៧ ខែមិថុនា ឆ្នាំ ២០២៤នេះ នាខេត្តសៀមរាប សម្ដេចធិតបី ហ៊ុន ម៉ាណែត បានសង្កត់ធ្ងន់លើតម្រូវការទាំងការយកមកប្រើប្រាស់ និងការត្រួតពិនិត្យយ៉ាងយកចិត្តទុកដាក់លើបច្ចេកវិទ្យាលេចឡើងថ្មីៗ ដែលកំពុងផ្លាស់ប្តូរទិដ្ឋភាពនៃការអភិវឌ្ឍ។ សម្ដេចធិបតី បានថ្លែងថា បច្ចេកវិទ្យាដើរតួនាទី ជាឧបករណ៍សម្រាប់ការវិវត្តរបស់មនុស្ស ដូច្នេះជាការចាំបាច់ដែលយើងជំរុញវឌ្ឍនភាពបច្ចេកវិទ្យាក្នុងលក្ខណៈមួយដែលផ្តល់អាទិភាពដល់បរិយាបន្ន ការអភិវឌ្ឍប្រកបដោយចីរភាព និងភាពធន់សម្រាប់តម្រូវការរបស់មនុស្ស។
សម្ដេចធិបតី បានគូសបញ្ជាក់ថា នៅក្នុងយុគសម័យមួយដែលបានកំណត់ដោយបច្ចេកវិទ្យាឈានមុខរីកចម្រើនយ៉ាងឆាប់រហ័ស និងការធ្វើសមាហរណកម្មបញ្ញាសិប្បនិម្មិត ទៅក្នុងសង្គម មានការជាប់ពាក់ព័ន្ធយ៉ាងជ្រៅសម្រាប់អនាគតរបស់អាស៊ាន និងដៃគូរបស់យើង។
សម្ដេចធិបតី សង្កត់ធ្ងន់ថា បញ្ញាសិប្បនិម្មិតបានបង្ហាញពីឱកាសដែលមិនធ្លាប់មានពីមុនមកសម្រាប់កំណើនសេដ្ឋកិច្ច នវានុវត្តន៍ និងវឌ្ឍនភាពសង្គមនៅក្នុងតំបន់។ តែទោះជាយ៉ាងណាក៏ដោយ វាក៏នាំមកនូវបញ្ហាប្រឈមគួរឱ្យកត់សម្គាល់ផងដែរ រួមមាន ការគិតគូរលើក្រមសីលធម៌ បរិយាបន្ន តម្លាភាព ភាពយុត្តិធម៌ ការព្រួយបារម្ភអំពីឯកជនភាពទិន្នន័យ និងតម្រូវការសម្រាប់ការរៀបចំកម្លាំងពលកម្មឡើងវិញ៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា