ព័ត៌មានអន្ដរជាតិ
កូរ៉េខាងត្បូង ឲ្យនាវាចម្បាំងចាស់ទៅឥណ្ឌូណេស៊ី តែថ្លៃជួសជុលអស់មិនចេះតិច
កូរ៉េខាងត្បូង នឹងបញ្ជូននាវាចម្បាំងវ័យចំណាស់មួយគ្រឿងឲ្យទៅរដ្ឋាភិបាលឥណ្ឌូណេស៊ី ក្រោមរូបភាពជាការបរិច្ចាគរបស់ក្រុងសេអ៊ូលសម្រាប់កងកម្លាំងជើងទឹករដ្ឋធានីចាកាតា។ នេះបើផ្អែកតាមការអនុម័តរបស់សភាឥណ្ឌូណេស៊ី យល់ព្រមទទួលសំណើបរិច្ចាគពីកូរ៉េខាងត្បូង កាលពីថ្ងៃទី៦ ខែមិថុនាកន្លងទៅ។
នាវាចម្បាំងដែលត្រៀមយកទៅឲ្យឥណ្ឌូណេស៊ី មានអាយុកាលប្រើប្រាស់ ៣៦ឆ្នាំ ជាប្រភេទនាវាចម្បាំង Bucheon 773 Corvette ប្រវែង៨៨,៣ម៉ែត្រ។ ត្បិតទទួលបានដោយទទេក៏ពិតមែន តែឥណ្ឌូណេស៊ីនឹងត្រូវចំណាយថ្លៃជួសជុលថែទាំនាវាមួយគ្រឿងនេះក្នុងទំហំទឹកប្រាក់ប្រមាណជា ៨៥លានដុល្លារ មុនអាចយកប្រើប្រាស់នៅក្នុងកងកម្លាំងជើងទឹកបាន។
លោក Herindra អនុរដ្ឋមន្ត្រីក្រសួងការពារជាតិឥណ្ឌូណេស៊ី បានរៀបរាប់ថា វាជារឿងល្អ បើឥណ្ឌូណេស៊ីអាចទិញនាវាចម្បាំងថ្មី ប៉ុន្តែការចំណាយរបស់រដ្ឋនឹងអស់ច្រើន ត្បិតអីតម្លៃនាវាចម្បាំងថ្មីមួយគ្រឿងហោចណាស់ក៏ចន្លោះពី ៣០០ ដល់ ៥០០លានដុល្លារនោះដែរ។ លោកបន្តថា ការទទួលយកការបរិច្ចាគគឺជារឿងល្អ ជាងការដែលមិនទទួលបានអ្វីទាំងអស់។ មន្ត្រីជាន់ខ្ពស់រូបនេះ បានបន្ថែមថា នាវាដែលកូរ៉េខាងត្បូងឲ្យ នឹងអាចប្រើប្រាស់ក្នុងរយៈពេល១០ ទៅ១៥ឆ្នាំខាងមុខទៀត បន្ទាប់ពីការជួសជុលរួច។
ទោះជាបែបនេះក្ដី សមាជិកសភាមួយចំនួនរបស់ឥណ្ឌូណេស៊ី បានបង្ហាញពីភាពចម្រូងចម្រាស់ពាក់ព័ន្ធនឹងការទទួលយកនាវាពីកូរ៉េខាងត្បូងថាតើវានឹងផ្ដល់ជាគុណប្រយោជន៍ ឬក៏បង្កើតជាបញ្ហាសម្រាប់ឥណ្ឌូណេស៊ី។ លោក TB Hasanuddin ដែលជាសមាជិកសភាឥណ្ឌូណេស៊ីមួយរូប បានលើកឡើងជាសំណួរថា “តើនាវានោះនឹងជួយពង្រឹងសមត្ថភាពកងទ័ពជើងទឹក ឬក៏ជាការដាក់បន្ទុក?”។
គួរបញ្ជាក់ថា ឥណ្ឌូណេស៊ីនាពេលបច្ចុប្បន្ន កំពុងជំរុញការធ្វើទំនើបកម្មយោធារបស់ខ្លួន ដោយគ្រោងចំណាយទុនរាប់ពាន់លានដុល្លារទិញយន្តហោះចម្បាំង និងនាវាជ្រមុជទឹកថ្មីៗ ជាដើម។ យ៉ាងណាមិញ គម្រោងទាំងនេះបានជួបប្រទះនឹងភាពរាំងស្ទះមួយចំនួន ជាពិសេសគឺកញ្ចប់ថវិកាជាតិលើវិស័យការពារ ហាក់នៅមានកម្រិតនៅឡើយ។
ពាក់ព័ន្ធនឹងរឿងនេះ លោក Prabowo Subianto រដ្ឋមន្ត្រីក្រសួងការពារជាតិ ដែលនឹងក្លាយជាប្រធានាធិបតីថ្មីរបស់ឥណ្ឌូណេស៊ីនាពេលខាងមុខ បានលើកឡើងពីគម្រោងទិញសព្វាវុធយោធាដែលគេប្រើប្រាស់រួច។ ប៉ុន្តែ គម្រោងនេះត្រូវទទួលរងការជំទាស់ ដែលជាហេតុនាំលោកបានបោះបង់គម្រោងទិញយកយន្តហោះចម្បាំងមួយតឹកពីប្រទេសកាតា ក្រោយការរិះគន់ថាយន្តហោះទាំងនោះមានវ័យចំណាស់ខ្លាំងពេក៕
ដោយ៖ ឈាង
អាមេរិកប្រកាសជុំថ្មីនៃពន្ធលើបន្ទះស្រូបពន្លឺព្រះអាទិត្យពីអាស៊ីអាគ្នេយ៍
ក្រុមបញ្ជាការដ្ឋានអង្គរក្ស A ដាក់គោលដៅយកជើងឯក ក្រោយហាត់នៅឥណ្ឌូណេសុី
តុលាការខេត្តកណ្តាល ផ្តន្ទាទោសស្រ្តីជនជាតិហ្វីលីពីន១៣នាក់ និងស្រ្តីខ្មែរម្នាក់ពាក់ព័ន្ធការពពោះជំនួស
មហាជនចោទថា Dispatch ជាខ្សែរបស់ HYBE ខណៈតារាក្រោមទ្រនំនេះ មិនដែលលេចធ្លាយចចាមអារ៉ាមសោះ
មន្ត្រីជាន់ខ្ពស់ ស្នើគ្រប់ភាគី ចែករំលែកឧត្តមានុវត្តន៍ឱ្យបានគ្រប់ជ្រុងជ្រោយ ដើម្បីពង្រឹងប្រព័ន្ធសន្តិសុខសង្គមកម្ពុជាកាន់តែប្រសើរ
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
តារាថៃល្បីៗ ៤គូ ត្រៀមចូលរោងការនៅដើមឆ្នាំថ្មីនេះ
នាយ តាក់ស៊ី មានសង្ឃឹមខ្លះហើយ ខណ:ថ្នាក់ដឹកនាំនិងសប្បុរសជន ឧបត្ថម្ភថវិកាសង្គ្រោះជីវិត
រឿងអស្ចារ្យមួយទៀត! ក្រុមនារីកម្ពុជា ទទួលបានកៅអី ASEAN Women’s Championship 2025
Royal Group Funds នឹងកៀរគរទុន២០០លានដុល្លារតាមរយៈគម្រោងវិនិយោគរួម
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ព័ត៌មានជាតិ១ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
បច្ចេកវិទ្យា៧ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា