កម្ពុជា ជាប់លេខ២ នៅអាស៊ីអាគ្នេយ៍ ជាប្រទេសមានថ្ងៃឈប់សម្រាកបុណ្យជាតិ ច្រើនបំផុត

ជាមួយនឹងបុណ្យជាតិចំនួន២២ថ្ងៃក្នុងឆ្នាំ២០២៤នេះ កម្ពុជា បានគ្រងតំណែងលេខ២ ជាប្រទេសដែលសម្បូរថ្ងៃឈប់សម្រាកបុណ្យជាតិ ជាងគេ ប្រចាំនៅតំបន់អាស៊ីអាគ្នេយ៍។

យោងតាមទិន្នន័យចេញផ្សាយដោយ ASEAN Main Portal, ប្រទេសដែលមានថ្ងៃឈប់សម្រាកបុណ្យជាតិច្រើនបំផុតនៅអាស៊ាន គឺ ឥណ្ឌូណេស៊ី ដែលមានសរុប ២៧ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីកម្ពុជា ឈរនៅលំដាប់ទី២ ប្រទេសដែលគ្រងតំណែងលេខ៣ បានទៅលើ មីយ៉ាន់ម៉ា ដែលមានថ្ងៃឈប់សម្រាក ១៩ថ្ងៃ។

ចំណែក លេខ៤ បានទៅលើហ្វីលីពីន មានថ្ងៃឈប់សម្រាក ១៨ថ្ងៃ, លេខ៥ ថៃ មាន១៨ថ្ងៃដូចហ្វីលីពីនដែរ, លេខ៦ ព្រុយណេ មាន១៦ថ្ងៃ និងលេខ៧ ម៉ាឡេស៊ី មាន១៦ថ្ងៃដូចគ្នា។

ដោយឡែក ចំណាក់ថ្នាក់លេខ៨ បានទៅលើវៀតណាម មាន ១៥ថ្ងៃ, លេខ៩ សិង្ហបុរី មាន១១ថ្ងៃ និងចុងក្រោយគេ គឺ ឡាវ មាន៩ថ្ងៃ៕

អត្ថបទ៖ សុខ សុវណ្ណ