កីឡា
ឯកឧត្ដម ហ៊ុន ម៉ានី អំពាវនាវពលរដ្ឋ ចូលរួមលេងកីឡាឲ្យបានគ្រប់ៗ គ្នា ដើម្បីសុខភាព និងសាមគ្គីភាព
ឯកឧត្ដម ហ៊ុន ម៉ានី បានអំពាវនាវដល់ប្រជាពលរដ្ឋខ្មែរ សូមចូលរួមលេងកីឡាឲ្យបានគ្រប់ៗ គ្នា ដើម្បីសុខភាព និងសាមគ្គីភាព។
ការអំពាវនាវនេះ ក្នុងឱកាស ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា អមដំណើរដោយ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញជាគណៈអធិបតីក្នុងកម្មវិធីបើកការប្រកួតបាល់ទាត់ពានរង្វាន់ SOCCER LEAGUE លើកទី ៧ ឆ្នាំ ២០២៤ នៅពហុកីឡដ្ឋានជាតិអូឡាំពិក កាលពីរសៀលថ្ងៃទី ០៩ ខែមិថុនា ឆ្នាំ ២០២៤ ម្សិលមិញ។
នាឱកាសនោះ ឯកឧត្ដម ហ៊ុន ម៉ានី មានប្រសាសន៍ថា «បេះដូងអ្នកកីឡា ដើម្បីកុមារកម្ពុជា» ម្សិលមិញ ក្រុមគ្រួសារ ស.ស.យ.ក បានបន្តបេសកកម្មលើការងារសង្គម មនុស្សធម៌ ការងារស្ម័គ្រចិត្ត ការកសាងមិត្តភាព ភាតរភាព សាមគ្គីភាព ក៏ដូចជាការលើកកម្ពស់កិត្យានុភាពជាតិ។
ឯកឧត្ដម ហ៊ុន ម៉ានី មានប្រសាសន៍បន្តថា ការប្រកួតបាល់ទាត់ពានរង្វាន់ SOCCER LEAGUE លើកទី ៧ ឆ្នាំ ២០២៤ មិនត្រឹមតែជាវេទិកាដែលបានផ្តល់ឱកាសដល់យុវជនកម្ពុជា ក្នុងការជួបជុំ រឹតចំណងមិត្តភាព សាមគ្គីភាព និងបង្កើនកិច្ចសហប្រតិបត្តិការរវាងគ្នា និងគ្នា តែប៉ុណ្ណោះទេ ថែមទាំងបានក្លាយជាកម្មវិធីមនុស្សធម៌ដ៏ប្រពៃផងដែរ។ ជាក់ស្ដែង ការប្រកួតមិត្តភាពរវាង «ក្រុម ស.ស.យ.ក អលស្តារ» ជាមួយ «ក្រុមផ្ការីកគ្រប់រដូវ» កាលពីម្សិលមិញនេះ ជាការប្រកួតចូលរួមរៃអង្គាសថវិកាសម្រាប់បរិច្ចាគជូនដល់មន្ទីរពេទ្យកុមារនានា នៅកម្ពុជា ដែលកំពុងមានការខ្វះខាត។
ឯកឧត្ដម ហ៊ុន ម៉ានី មានប្រសាសន៍បន្តទៀតថា ឯកឧត្ដម សូមយកឱកាសនេះ លើកទឹកចិត្តដល់កីឡាករ កីឡាការិនី ដែលចូលរួមប្រកួត ត្រូវប្រកាន់ខ្ជាប់នូវវិធាន និងលក្ខន្តិកៈ នៃការប្រកួត ក្នុងស្មារតីសប្បាយរីករាយ មិត្តភាព សាមគ្គីភាព ភាតរភាពជាបងប្អូន និងស្មារតី អធ្យាស្រ័យគ្នា។
ទន្ទឹមនេះ ឯកឧត្ដម ក៏សូមអំពាវនាវដល់ប្រជាពលរដ្ឋខ្មែរ រួមទាំងសមាជិក សមាជិកា ស.ស.យ.ក គ្រប់ៗ រូប ចូលរួមលេងកីឡាឲ្យបានគ្រប់ៗ គ្នា ដើម្បីសុខភាព និងសាមគ្គីភាព ព្រមទាំងបានចូលរួមជាមួយគ្នា តាមរយៈកីឡានេះ កើនបានជាផល ផ្តល់ជាប្រយោជន៍ជូនដល់សង្គមជាតិតាមលទ្ធភាពរៀងៗ ខ្លួន។
គួរជម្រាបថា កម្មវិធីបើកការប្រកួតបាល់ទាត់ពានរង្វាន់ SOCCER LEAGUE លើកទី ៧ ឆ្នាំ ២០២៤ កាលពីម្សិលមិញនេះ ក៏មានការអញ្ជើញចូលរួមពី ឯកឧត្ដម អនុប្រធាន ស.ស.យ.ក ឯកឧត្ដម លោកជំទាវ ថ្នាក់ដឹកនាំ ស.ស.យ.ក. ឯកឧត្ដម លោកជំទាវ លោក លោកស្រី តំណាងក្រសួង-ស្ថាប័ន ក្រុមហ៊ុនឯកជន ភ្ញៀវកិត្តិយស និងទស្សនិកជនជាច្រើនកុះករផងដែរ៕
អត្ថបទ ៖ ពិសី
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា