ជីវិតកម្សាន្ដ
ជីវិតកាន់តែដុនដាប ! តារាជើងចាស់ គង់ ប៊ុនសុន ធ្លាក់ខ្លួនឈឺដេកដួលលើកន្ទេលគួរឲ្យអាណិត
មហាជន និងអ្នកគាំទ្រ មានការចាប់អារម្មណ៍ បន្ទាប់ពី តារាសម្តែងជើងចាស់អ្នកស្រី គង់ ប៊ុនសុន បានធ្លាក់ខ្លួនឈឺដេកដួលនៅលើកន្ទេលក្នុងបន្ទប់ជួលតែម្នាក់ឯង គួរឲ្យអាណិត និងសង្វេគបំផុត។
អតីតតារាភាពយន្តជើងចាស់អ្នកស្រី គង់ ប៊ុនសុន ពេលនេះជីវិតកាន់តែជួបការលំបាកខ្លាំង ខណៈរបរលក់នំនៅតាមចិញ្ចើមផ្លូវមិនសូវលក់ដាច់ ពោលគឺ រកបានព្រឹកខ្វះល្ងាច។ យ៉ាងណាមិញ តារាជើងចាស់រូបនេះ នៅតែប្រឹងខំត្រដរលក់នំ ដើម្បីចិញ្ចឹមជីវិត ទោះហាលក្តៅ ខ្យល់ ភ្លៀង….។
តាមការបញ្ជាក់របស់ តារាសម្តែងជើងចាស់អ្នកស្រី គង់ ប៊ុនសុន បានឲ្យដឹងដូច្នេះថា “ខ្ញុំឈឺជើងខាងឆ្វេងខ្លាំង ចុកចាប់ ដើរមិនបានយូរថ្ងៃហើយ ពិបាកក្នុងការដើរ ខ្ញុំមិនបានដើរលក់នំដូចមុនទេ ជីវភាពខ្វះខាតខ្លាំងណាស់”។
កន្លងមក តារាសម្តែងជើងចាស់ គង់ ប៊ុនសុន ធ្លាប់បានបញ្ជាក់ប្រាប់កម្ពុជាថ្មីដែរថា “ខ្ញុំឈឺចុកទ្រូងខ្លាំង ឈឺក្រោមក្លៀកខាងស្ដាំ ហើមជើងខាងឆ្វេង”។ ជាការកត់សម្គាល់ តារាសម្តែង គង់ ប៊ុនសុន ត្រូវបានអ្នកធ្វើដំណើរប្រទះឃើញអង្គុយលក់នំហាលខ្យល់ភ្លៀងរងាញ័រខ្លួន ដើម្បីរកប្រាក់ចិញ្ចឹមជីវិត ព្រោះរាល់ថ្ងៃគាត់មានវ័យកាន់តែចាស់ទៅហើយ។ តាមរយៈរូបភាពបង្ហោះនៅលើបណ្ដាញសង្គមហ្វេសប៊ុក បានបង្កការចាប់អារម្មណ៍ និងក្តីអាណិតអាសូរពីមហាជនអ្នកគាំទ្រ ពិសេសអ្នកដែលធ្វើដំណើរឆ្លងកាត់។
អ្នកស្រី គង់ ប៊ុនសុន គឺជាសិល្បការិនីម្នាក់ ក្នុងចំណោមអ្នកសិល្បៈវ័យជរាមួយចំនួនទៀតដែលកំពុងមានជីវភាពខ្វះខាត និងជំងឺប្រចាំកាយ។ ប៉ុន្តែអ្វីដែលអភ័ព្វជាងគេទៀតនោះ គឺពុំមានកូនចៅដែលមានដៃរឹងស្មាមាំជួយជ្រោមជ្រែងនោះទេ ដោយគាត់ត្រូវដើររាល់ថ្ងៃ ដើម្បីលក់នំតាមផ្លូវ ឬ បាំងឆត្រអង្គុយលក់នំពេលមេឃកំពុងរលឹមជាដើម៕
អត្ថបទ ៖ ចាន់រ៉ា
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
រដ្ឋមន្ត្រីថាកម្ពុជាមានទឹកស្ដុកសម្រាប់ខែប្រាំងជិត៤លានម៉ែត្រគូបខណៈស្នើកសិករធ្វើស្រែតែមួយដង
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
អគារសិក្សាថ្មថ្មី ១ ខ្នង ៥ បន្ទប់ ជាក្តីសង្ឃឹមកុមារតំបន់ដាច់ស្រយាល ក្នុងស្រុកអូរគ្រៀងសែនជ័យ
ធនាគារកណ្តាលកម្ពុជានឹងបន្តសហការជាមួយចិនលើវិស័យហិរញ្ញវត្ថុ
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ