ព័ត៌មានជាតិ
លោក ទៀ សីហា ៖ អភិបាលខេត្ត និងក្រុមប្រឹក្សាខេត្ត ត្រូវតែធ្វើការឱ្យស្មើដៃគ្នា
លោក ទៀ សីហា ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ បានណែនាំអភិបាលខេត្តកោះកុង និងក្រុមប្រឹក្សាខេត្តអាណត្តិទី ៤ ត្រូវតែធ្វើការងារឱ្យស្មើដៃគ្នា ដោយរួមគ្នាអភិវឌ្ឍន៍ ព្រមទាំងពិនិត្យដោះស្រាយបញ្ហានានាជូនប្រជាពលរដ្ឋ។
![](https://www.kampucheathmey.com/wp-content/uploads/2024/06/photo_2024-06-17_13-47-48-1024x898.jpg)
ក្នុងពិធីប្រកាសតែងតាំងក្រុមប្រឹក្សាខេត្តកោះកុង អាណត្តិទី ៤ លោក ទៀ សីហា រដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្ត បានប្រាប់ទៅ លោកស្រី មិថុនា ភូថង អភិបាលខេត្ត និងលោក ថុង ណារុង ប្រធានក្រុមប្រឹក្សាខេត្ត គប្បីធ្វើការឱ្យស្របគ្នា សហការពិនិត្យដោះស្រាយផែនការអភិវឌ្ឍន៍ និងដោះស្រាយរាល់ការប្រឈម សំណើពីប្រជាពលរដ្ឋ ក្នុងន័យទទួលបានការអភិវឌ្ឍបន្ត។
ចំណោមកិច្ចការជាច្រើន លោក ទៀ សីហា ទាមទារឱ្យរដ្ឋបាលខេត្ត ពិនិត្យធ្វើបច្ចុប្បន្នប្រជាសាស្ត្រចំនួនប្រជាពលរដ្ឋឡើងវិញ ខណៈរបាយការណ៍ការបង្ហាញប្រជាជនកើនឡើងពី ១ ឆ្នាំ ទៅ ១ ឆ្នាំ ហើយធ្វើបែបនេះ ដើម្បីឱ្យខេត្តមានភាពទាក់ទាញកំណើនអ្នកវិនិយោគទុន ភ្ញៀវទេសចរ និងពន្លឿន នៃការអភិវឌ្ឍប្រកបដោយនិរន្តរភាព។
![](https://www.kampucheathmey.com/wp-content/uploads/2024/06/photo_2024-06-17_13-47-16-2-1024x995.jpg)
លោក ទៀ សីហា បន្តថា នៅពេលដែលមានចំនួនប្រជាពលរដ្ឋខេត្តកោះកុងកើនលើសពី ១៥ ម៉ឺននាក់ ទៅ ២០ ម៉ឺននាក់ អាចមានលទ្ធភាពសេដ្ឋកិច្ចប្រាក់ចំណូលបានល្អប្រសើរជាងមុន ផ្អែកលើការជំរុញអភិវឌ្ឍន៍វិស័យផ្សេងៗ ដើម្បីប្រកួតប្រជែងជាមួយនឹងខេត្តព្រះសីហនុ កំពត និងកែប គ្រាខេត្តមានសក្ដានុពលធម្មជាតិច្រើនដែលមិនទាន់កែច្នៃ។
ទន្ទឹមនឹងផែនការអភិវឌ្ឍន៍នេះដែរ លោកឧបនាយករដ្ឋមន្ត្រី ស្នើសុំដល់រដ្ឋបាលខេត្ត និងក្រុមប្រឹក្សាខេត្ត រួមគ្នាថែរក្សាសុខសន្តិភាពឱ្យគង់វង្ស សំដៅធានាបានការរីកចម្រើនសេដ្ឋកិច្ចប្រទេសទៅអនាគត។
![](https://www.kampucheathmey.com/wp-content/uploads/2024/06/photo_2024-06-17_13-47-15-2-979x1024.jpg)
លោកស្រី មិថុនា ភូថង អភិបាលខេត្តកោះកុង លើកឡើងថា រយៈពេលអាណត្តិទី ៣ នៃក្រុមប្រឹក្សាខេត្ត ដឹកនាំដោយ លោក កាយ សំរួម សន្ទុះសេដ្ឋកិច្ចផែនការអភិវឌ្ឍន៍ទទួលបានផ្លែផ្កាជាច្រើន និងគួរមោទនភាពក្នុងខេត្ត។
លោកស្រី ជឿជាក់ថា សម្រាប់អាណត្តិទី ៤ នៃក្រុមប្រឹក្សាខេត្ត នឹងបន្តរួមសហការពិនិត្យរាល់ផែនការអភិវឌ្ឍន៍លើវិស័យនានា និងកសាងហេដ្ឋារចនាសម្ព័ន្ធសំខាន់ៗ បន្ថែមទៀត ដើម្បីភាពរុងរឿង នៃខេត្តកោះកុង ដែលជាខេត្តមានសក្ដានុពលមួយខាងផ្នែកទេសចរណ៍ ឧស្សាហកម្ម និងកសិកម្ម។
![](https://www.kampucheathmey.com/wp-content/uploads/2024/06/photo_2024-06-17_13-47-15-3-726x1024.jpg)
ដោយឡែក លោក ថុង ណារុង ប្រធានថ្មីក្រុមប្រឹក្សាខេត្តកោះកុង តាំងចិត្តថា នឹងបន្តពុះពារធ្វើគ្រប់បែបយ៉ាង ដើម្បីដោះស្រាយ និងគាំទ្ររាល់គម្រោងអភិវឌ្ឍន៍សេដ្ឋកិច្ចខេត្តកាន់តែលេចធ្លោបន្តទៀត។ រួមគ្នាបន្តការពារសុខសន្តិភាព សន្តិសុខសណ្ដាប់ធ្នាប់ ព្រមទាំងការកៀរគរអ្នកវិនិយោគមកបណ្ដាក់ទុនកាន់តែច្រើនបម្រើដល់ប្រយោជន៍ប្រជាពលរដ្ឋ៕
អត្ថបទ ៖ សិរីវឌ្ឍនៈ
![](https://www.kampucheathmey.com/wp-content/uploads/2024/06/photo_2024-06-17_13-47-15-1024x644.jpg)
![](https://www.kampucheathmey.com/wp-content/uploads/2024/06/photo_2024-06-17_13-47-16-1024x682.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ