ព័ត៌មានជាតិ
ថៃប្រកាសមិនយកកម្រៃ យានយន្តធ្វើដំណើរឆ្លងកាត់លើស្ពានមិត្តភាព ស្ទឹងបត់-បាងណងអៀង
នៅក្នុងជំនួបពិភាក្សាទ្វេភាគីរវាងថ្នាក់ដឹកនាំក្រសួងសាធារណការ និងដឹកជញ្ជូននៃកម្ពុជា និងក្រសួងដឹកជញ្ជូននៃព្រះរាជាណាចក្រថៃ តាមប្រព័ន្ធវីដេអូ នារសៀលថ្ងៃទី១៧ ខែមិថុនា ម្សិលមិញ ភាគីថៃបានសន្យារក្សាគោលការណ៍មិនយកកម្រៃទៅលើយានយន្តដែលឆ្លងកាត់ស្ពានមិត្តភាព កម្ពុជា-ថៃ (ស្ទឹងបត់-បាងណងអៀង) ស្របតាមការស្នើសុំរបស់ភាគីកម្ពុជា។
![](https://www.kampucheathmey.com/wp-content/uploads/2024/06/448562252_783073150670348_3326361655330900590_n-1024x768.jpg)
តាមរយៈជំនួបពិភាក្សាទ្វេភាគីស្តីពីការគ្រប់គ្រង ថែទាំ និងប្រើប្រាស់សា្ពនមិត្តភាពកម្ពុជា-ថៃ (ស្ទឹងបត់-បាងណងអៀង) លោក ស៊ុរិយៈ ជឹងរ៊ុងរឿងគីត (Suriya Jungrungreangkit) ឧបនាយករដ្ឋមន្រ្តី រដ្ឋមន្រ្តីក្រសួងដឹកជញ្ជូននៃព្រះរាជាណាចក្រថៃ បានបញ្ជាក់ជូនកម្ពុជាថា ភាគីថៃនឹងរក្សាគោលការណ៍មិនយកកម្រៃសេវាចំពោះយានយន្តដែលឆ្លងកាត់ស្ពានមិត្តភាពនេះស្របតាមការស្នើសុំរបស់ភាគីកម្ពុជា។
ទន្ទឹមនឹងនេះ ភាគីទាំងពីរក៏បានឯកភាពគ្នាក្នុងការពិនិត្យមើលពេលវេលាសមស្របមួយ រៀបចំកិច្ចប្រជុំក្នុងក្របខណ្ឌកិច្ចសហប្រតិបត្តិការដឹកជញ្ជូនទ្វេភាគី និងកម្មវិធីចុះទៅពិនិត្យទីតាំងជាក់ស្ដែងនៅច្រកទ្វារព្រំដែនអន្តរជាតិស្ទឹងបត់-បាណងអៀន នាពេលខាងមុខ។
![](https://www.kampucheathmey.com/wp-content/uploads/2024/06/81b439ada38ed1ca166449d3e2bffdb01d4f60c3-1024x682.jpg)
![](https://www.kampucheathmey.com/wp-content/uploads/2024/06/1Update-File-Thumbnail___-For-Webside-final11-07-2023-1-26-1024x538.jpg)
ស្ពានស្ទឹងបត់-បានណងអៀន មានប្រវែងស្ពានសរុបចំនួន៦២០ម៉ែត្រ (ផ្នែកខាងកម្ពុជា ២១៥ ម៉ែត្រ + ផ្នែកខាងថៃ ៤០៥ ម៉ែត្រ) និងទទឹងស្ពានប្រវែង ១៧ម៉ែត្រ។ ស្ពានឆ្លងកាត់ព្រំដែននេះ ចាប់ផ្ដើមពីក្រុងប៉ោយប៉ែត ទៅបញ្ចប់នៅច្រកព្រំដែន ប៉ោយប៉ែត-ថៃ ដែលបើកការដ្ឋានសាងសង់កាលពីថ្ងៃទី២០ ខែមីនា ឆ្នាំ ២០១៧ និងបញ្ចប់ការសាងសង់ កាលពីថ្ងៃទី ១៥ ខែមករាឆ្នាំ ២០១៩កន្លងទៅ។ ស្ពាននេះ បានចំណាយថវិកាសាងសង់អស់ប្រមាណ ៦៧០លានបាត ស្មើនឹងប្រមាណ ១៩ លានដុល្លារអាមេរិក សាងសង់ដោយកងវិស្វកម្ម នៃកងទ័ពភូមិន្ទព្រះរាជាណាចក្រថៃ និងត្រួតពិនិត្យដោយនាយកដ្ឋានហាយវ៉េ (DOH) របស់ក្រសួងដឹកជញ្ជូនថៃ។
ក្រោយស្ថាបនារួចជាស្ថាពរ ស្ពានមិត្តភាពកម្ពុជា-ថៃ នេះ នឹងផ្តល់អត្ថប្រយោជន៍យ៉ាងធំធេងដល់សេដ្ឋកិច្ចជាតិ តាមរយៈការធ្វើពាណិជ្ជកម្មឆ្លងកាត់ព្រំដែន ការបង្កើតការងារ និងការទាក់ទាញភ្ញៀវទេសចរ ក៏ដូចជាការសម្រេចឱ្យបាននូវចក្ខុវិស័យរបស់អាស៊ាន ក្នុងការតភ្ជាប់ ប្រទេសនៅក្នុងតំបន់អាស៊ានទាំងមូល (Asean Connectivity)៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៥ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី