ព័ត៌មានជាតិ
ប្រមុខដឹកនាំកម្ពុជាឲ្យរដ្ឋបាលខេត្តក្រុង ត្រៀមបម្រុងដី ២០០ ហិកតា បង្កើតឧទ្យានបៃតង
ប្រមុខដឹកនាំកម្ពុជាបានណែនាំឲ្យរដ្ឋបាលរាជធានីខេត្តក្រុង ត្រៀមបម្រុងដីចាប់ពី ១០០ ហិកតា ទៅ ២០០ ហិកតា ជុំវិញរាជធានីខេត្តរៀបចំជាឧទ្យានសាធារណៈ ដើម្បីបង្កើតលំហបៃតងសម្រាប់ផ្តល់ផាសុកភាពរស់នៅដល់ប្រជាពលរដ្ឋ។
ប្រជាជនចង់រស់នៅប្រកបដោយផាសុកភាព មានលំហធម្មជាតិបៃតង ដូច្នេះអាជ្ញាធររដ្ឋបាលខេត្តក្រុងត្រូវគិតគូរទុកមុនត្រៀមបម្រុងដីបង្កើតជាឧទ្យានសាធារណៈសម្រាប់ពេលអនាគត។ នេះបើតាមការថ្លែងរបស់សម្តេចធិបតី ហ៊ុន ម៉ាណែត។
នៅក្នុងពិធីបើកការដ្ឋានសាងសង់ស្ពានអាកាសភ្លោះ ស្ថិតនៅចំណុចប្រសព្វមហាវិថីសម្តេចតេជោ ហ៊ុន សែន និងផ្លូវជាតិលេខ ២ ព្រំប្រទល់រវាងរាជធានីភ្នំពេញ និងខេត្តកណ្តាល សម្តេចធិបតី ហ៊ុន ម៉ាណែត បានបញ្ជាក់ថា ដើម្បីមេត្រីភាពនៃការរស់នៅរបស់ប្រជាពលរដ្ឋ មិនមែនគិតតែពីការសាងសង់សំណង់អគារ និងអគារបេតុងនោះទេ ត្រូវគិតគូរបរិស្ថានជុំវិញ និងផាសុកភាពដល់ប្រជាពលរដ្ឋ។
«តំបន់បៃតងត្រូវតែមាន ត្រូវតែអភិវឌ្ឍឲ្យបាន មិនអាចរស់នៅ ១០ ទៅ ២០ ឆ្នាំទៀត ងាកទៅណាសុទ្ធតែអាគារ សុទ្ធតែបេតុងទាំងអស់នោះទេ។ តំបន់ផ្លូវ ៦០ ម៉ែត្រ ក៏ដូចគ្នា ត្រូវតែរៀបចំឲ្យមានតំបន់បៃតង រៀបចំបង្កើតជាសួនឧទ្យានសម្រាប់ពលរដ្ឋកម្សាន្ត»។
សម្ដេចបានឲ្យរដ្ឋបាលខេត្តក្រុង ត្រូវលៃលកដីទំហំចាប់ពី ១០០ ទៅ ២០០ ហិកតា បង្កើតជាឧទ្យានសាធារណៈដែលជាការគិតគូរបែបបុរេសកម្មសម្រាប់ថ្ងៃអនាគត។
សម្តេចធិបតីហ៊ុន ម៉ាណែត បញ្ជាក់ថា បរិបទរស់នៅឥលូវខុសពីមុន។ កាលនៅក្រលំបាកប្រជាពលរដ្ឋគិតពីការរកទទួលទានឲ្យបានឆ្អែតសិន ប៉ុន្តែនៅពេលប្រទេសជាតិវិវឌ្ឍន៍រីកចម្រើន ពលរដ្ឋគិតពីសុខភាព សុវត្ថិភាព ដូច្នេះយើងត្រូវរៀបចំទីក្រុងឲ្យបានល្អ ដែលមានផាសុកភាព សុវត្ថិភាពសម្រាប់បម្រើការរស់នៅរបស់ប្រជាពលរដ្ឋ៕
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១១ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានអន្ដរជាតិ៧ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ