ព័ត៌មានអន្ដរជាតិ
លោក សេដ្ឋា សល់ពេល ១៥ថ្ងៃ ដើម្បីសង្គ្រោះតំណែងនាយករដ្ឋមន្ត្រី
តាមការចុះផ្សាយរបស់ Bangkok Post, តុលាការធម្មនុញ្ញកាលពីថ្ងៃអង្គារទី១៨ខែមិថុនាឆ្នាំ២០២៤ បានបញ្ជាឲ្យគ្រប់ភាគីពាក់ព័ន្ធក្នុងសំណុំរឿងក្រមសីលធម៌របស់លោកនាយករដ្ឋមន្ត្រី សេដ្ឋា ថាវីស៊ីន យកព័ស្តុតាងមកបង្ហាញក្នុងរយៈពេល១៥ថ្ងៃ ខណៈតុលាការ នឹងពិចារណាលើសំណុំនេះរឿងម្តងទៀតនៅថ្ងៃទី ១០ខែកក្កដា។ ដូច្នេះមានន័យថា ជោគវាសនាជានាយករដ្ឋមន្ត្រីរបស់លោក ថាវីស៊ីន គឺត្រូវកំណត់ក្នុងរយៈពេល១៥ថ្ងៃនេះហើយ។
![](https://www.kampucheathmey.com/wp-content/uploads/2024/06/image-1002.png)
ត្បិតតែតុលាការនឹងត្រូវជួបពិភាក្សាជាថ្មីម្តងទៀតនៅថ្ងៃទី១០ ខែកក្កដាក៏ដោយ ប៉ុន្តែគេនៅមិនទាន់ដឹងច្បាស់ថាតើ តុលាការនឹងចេញសាលក្រមនៅថ្ងៃនោះមែនឬក៏អត់នោះទេ។
រម្លឹកទៅកាលពីសប្តាហ៍មុន, តុលាការធម្មនុញ្ញថៃ បានទទួលយកបណ្តឹងរបស់សមាជិកព្រឹទ្ធសភាទាមទារឲ្យដកលោក សេដ្ឋា ចេញពីតំណែងជានាយករដ្ឋមន្ត្រី ដោយសារតែរឿងតែងតាំងអតីតមេធាវីដែលជាប់រឿងក្ដីក្ដាំព្រហ្មទណ្ឌ មកកាន់តំណែងជារដ្ឋមន្ត្រី។
![](https://www.kampucheathmey.com/wp-content/uploads/2024/06/image-1003.png)
សមាជិកព្រឹទ្ធសភាចំនួន៤០រូបដែលដាក់ញត្តិទៅតុលាការ និយាយថា លោក សេដ្ឋា បានបំពានរដ្ឋធម្មនុញ្ញ បន្ទាប់ពីនាយករដ្ឋមន្ត្រីរូបនេះ តែងតាំងលោក Pichit Chuenban ធ្វើជារដ្ឋមន្ត្រីទីស្តីការនាយករដ្ឋមន្ត្រីកាលពីខែមុន ដោយសារតែអតីតមេធាវីរូបនេះខ្វះសុចរិតភាព និងបទដ្ឋានសីលធម៌ដែលតម្រូវដោយរដ្ឋធម្មនុញ្ញ ជាពិសេសលោកជាប់ពាក់ព័ន្ធទោសព្រហ្មទណ្ឌ ។
យ៉ាងណា លោក Pichit បានលាលែងពីតំណែងរួចទៅហើយ ក្នុលគោលបំណងដើម្បីការពារលោក សេដ្ឋា មិនឲ្យទាក់ទិននឹងសំណុំរឿងរបស់តុលាការ។
![](https://www.kampucheathmey.com/wp-content/uploads/2024/06/image-1004-1024x682.png)
លោក Pichit ត្រូវបានផ្តន្ទាទោសឲ្យជាប់ពន្ធនាគាររយៈពេល ៦ ខែកាលពីឆ្នាំ ២០០៨ ពីបទមិនគោរពតុលាការ ក្រោយមានការចោទប្រកាន់ថា បានប៉ុនប៉ងសូកប៉ាន់មន្ត្រីតុលាការចំនួន ២ លានបាត (៥៥,២១៨ ដុល្លារ) ដោយលាក់លុយនៅក្នុងថង់គ្រឿងទេសមួយ ខណៈអាជ្ញាប័ណ្ណច្បាប់របស់លោកត្រូវបានក្រុមប្រឹក្សាមេធាវីនៃប្រទេសថៃព្យួររយៈពេល ៥ ឆ្នាំ បន្ទាប់ពីមានករណីនេះ។
គួរបញ្ជាក់ថា សេចក្តីសម្រេចរបស់តុលាការធម្មនុញ្ញ នឹងក្លាយជាការរង្គោះរង្គើដល់រាជរដ្ឋាភិបាលថៃ ព្រោះថាមានរដ្ឋមន្ត្រី ៣រូបក៏បានលាលែងរួចទៅហើយ ស្របពេលបច្ចុប្បន្ន សេដ្ឋកិច្ចថៃក៏មិនទាន់ដំណើរការល្អនៅឡើយដែរ ជាពិសេសពាក់ព័ន្ធនឹងកិច្ចសន្យាផ្ដល់សាច់ប្រាក់ដល់ប្រជាជន ៥០ លាននាក់ តែម្តង៕
អត្ថបទ៖ សុខ សុវណ្ណ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ