ព័ត៌មានជាតិ
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជិត ៥ ម៉ឺនកន្លែង សម្រាប់បម្រើលើវិស័យធំៗ ៣
ក្រសួងការងារ និងបណ្តុះបណ្តាលវិជ្ជាជីវៈ បានប្រកាសពីតម្រូវការកម្លាំងពលកម្មក្នុងស្រុកប្រមាណជិត ៥ ម៉ឺនកន្លែង សម្រាប់បម្រើទៅលើវិស័យធំៗ ចំនួន ៣ រួមមានវិស័យឧស្សាហកម្ម សេវាកម្ម និងកសិកម្ម។
![](https://www.kampucheathmey.com/wp-content/uploads/2024/06/01-113-1.jpg)
បើតាមក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា បច្ចុប្បន្ននេះក្រសួងមានតម្រូវការកម្លាំងពលកម្មចំនួន ៤៩ ៧៩៨ កន្លែង សម្រាប់បម្រើទៅលើវិស័យធំៗ ចំនួន ៣ ក្នុងនោះ វិស័យឧស្សាហកម្មមានតម្រូវការចំនួន ៣៦ ៧២៣ កន្លែង វិស័យសេវាកម្មមានចំនួន ៣ ០៨២ កន្លែង និងវិស័យកសិកម្មមានចំនួន ៩ ៩៩៣ កន្លែង។
ក្នុងនោះនៅខេត្តរតនគីរី មានតម្រូវការផ្នែកកសិកម្មចំនួន ៥ ៦៨៦ កន្លែង ខេត្តកំពង់ស្ពឺ មានតម្រូវការកម្លាំងពលកម្មផ្នែកឧស្សាហកម្ម ១១ ៤៨៧ កន្លែង។ ខេត្តក្រចេះមានតម្រូវការផ្នែកកសិកម្ម ៤ ០០០ កន្លែង។ រាជធានីភ្នំពេញមាន ៨ ៦៦៨ កន្លែង ក្នុងនោះផ្នែកឧស្សាហកម្ម ៨ ១២៣ កន្លែង និងផ្នែកសេវាកម្ម ៥៤៥ កន្លែង។
![](https://www.kampucheathmey.com/wp-content/uploads/2024/06/02-99-1.jpg)
ខេត្តស្វាយរៀងមានចំនួន ១០ ៧៨៥ កន្លែង ក្នុងនោះវិស័យឧស្សាហកម្មមាន ៩ ៧០៧ កន្លែង និងសេវាកម្ម ១ ០៧៦ កន្លែង។ ខេត្តពោធិ៍សាត់មានតម្រូវការកម្លាំងពលកម្ម ៧៥៩ កន្លែង ក្នុងនោះវិស័យឧស្សាហកម្មមាន ៥៥៧ កន្លែង និងសេវាកម្មចំនួន ២០២ កន្លែង។ ខេត្តកណ្តាលមានតម្រូវការកម្លាំងពលកម្មវិស័យឧស្សាហកម្ម ២ ៨៥០ កន្លែង។ ខេត្តតាកែវមាន ២ ២៣៩ កន្លែង ក្នុងនោះវិស័យឧស្សាហកម្ម ២ ២០១ កន្លែង និងសេវាកម្ម ៣៨ កន្លែង។ កំពង់ចាមមានតម្រូវការ ៧២៥ កន្លែង ក្នុងនោះវិស័យឧស្សាហកម្ម ៦៤០ កន្លែង សេវាកម្ម ៨១ កន្លែង និងកសិកម្ម ៤ កន្លែង។ ខេត្តបន្ទាយមានជ័យមានតម្រូវការកម្លាំងពលកម្ម ៨៤៩ កន្លែង ក្នុងនោះផ្នែកវិស័យឧស្សាហកម្ម ២២៥ កន្លែង និងសេវាកម្ម ៦២៤ កន្លែង និងខេត្តផ្សេងៗ មាន ១ ៧៥០ កន្លែង ក្នុងនោះឧស្សាហកម្មមាន ៩៣១ កន្លែង សេវាកម្ម ៥១៦ កន្លែង និងកសិកម្ម ៣០៣ កន្លែង។
ក្រសួងការងារ បានបន្តទៀតថា កម្លាំងពលកម្មជិត ៥ ម៉ឺនកន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន អ្នកបញ្ជាម៉ាស៊ីនដេរចំនួន ២ ៧៣៧ កន្លែង កម្មករចម្ការដំណាំចំនួន ៩ ៩៨៦ កន្លែង កម្មករក្នុងផលិតកម្មចំនួន ៧ ៤៤៩ កន្លែង កម្មករវេចខ្ចប់ដោយដៃចំនួន ១ ៤២០ កន្លែងអ្នកបញ្ជាម៉ាស៊ីនធ្វើស្បែកជើង ៨៣០ កន្លែង មន្ត្រីឥណទាន និងកម្ចីប្រាក់ ៤៤៧ កន្លែង អ្នកបញ្ជាម៉ាស៊ីនរៀបចំវាយ និងផ្លុំសរសៃអំបោះ ៤១០ កន្លែង អ្នកប្រមូលបំណុល និងអ្នកធ្វើការពាក់ព័ន្ធ ៣១៥ កន្លែង អ្នកចែកបៀរ អ្នកបញ្ជីទឹកប្រាក់ អ្នកស៊ីសង និងអ្នកដែលធ្វើការខាងល្វែងពាក់ព័ន្ធ ៣០៥ កន្លែង និងមុខរបរផ្សេងៗ ៣ ៣៣៤ កន្លែង៕
អត្ថបទ ៖ សំអឿន
![](https://www.kampucheathmey.com/wp-content/uploads/2024/06/218083672_4653877081310867_5686600008075288468_n-1024x542211121-1.jpg)
![](https://www.kampucheathmey.com/wp-content/uploads/2024/06/1641376370-1024x682211121-1.jpg)
![](https://www.kampucheathmey.com/wp-content/uploads/2024/06/photo_2024-06-17_17-35-05-718x1024.jpg)
![](https://www.kampucheathmey.com/wp-content/uploads/2024/06/photo_2024-06-17_17-35-05-2-718x1024.jpg)
![](https://www.kampucheathmey.com/wp-content/uploads/2024/06/photo_2024-06-17_17-35-05-3-718x1024.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៨ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២៣ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី