សេដ្ឋកិច្ច
នាយករដ្ឋមន្ត្រី អំពាវនាវឱ្យវិនិយោគិនសិង្ហបុរី ស្វែងរកឱកាសវិនិយោគនៅកម្ពុជា
មានប្រសាសន៍នៅក្នុងវេទិកាធុរកិច្ចកម្ពុជា-សិង្ហបុរី នៅព្រឹកថ្ងៃទី ២៩ ខែមិថុនា សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវឱ្យអ្នកវិនិយោគសិង្ហបុរី ស្វែងរកឱកាសវិនិយោគនៅកម្ពុជា។
សម្ដេច ហ៊ុន ម៉ាណែត មានប្រសាសន៍ថា កម្ពុជា កំពុងបង្កើនការអភិវឌ្ឍធនធានមនុស្សដើម្បីធានាថា កម្លាំងពលកម្មរបស់ខ្លួនមានជំនាញ និងចំណេះដឹងស្របតាមតម្រូវការសេដ្ឋកិច្ចក្នុងសម័យទំនើប។
![](https://www.kampucheathmey.com/wp-content/uploads/2024/06/photo_2024-06-19_10-07-00-1024x682.jpg)
សម្ដេចនាយករដ្ឋមន្ត្រីបន្តថា កម្ពុជាមានគន្លងសេដ្ឋកិច្ច គួឱ្យស្ញប់ស្ញែង ជាមួយនឹងអត្រាកំណើនសេដ្ឋកិច្ចជាមធ្យម ៧ ភាគរយក្នុងមួយឆ្នាំនៅក្នុងរយៈពេលជាង ២ ទសវត្សរ៍ មុនពេលជំងឺរាតត្បាតកូវីដ១៩។
ទោះបីជាមានការថមថយបន្តិច នៅឆ្នាំ ២០២០ សេដ្ឋកិច្ចកម្ពុជាបានស្ទុះងើបឡើងវិញយ៉ាងឆាប់ និងបង្ហាញភាពធន់គួរឱ្យកត់សម្គាល់នៅឆ្នាំ ២០២១ និងឈានទៅសម្រេចអត្រាកំណើន ៥ ភាគរយ នៅឆ្នាំ ២០២៣ ជាមួយនឹងការព្យាករណ៍កំណើន ៦ ភាគរយ នៅក្នុងឆ្នាំ ២០២៤។
សម្ដេចធិបតីបានបញ្ជាក់ថា កំណើនសេដ្ឋកិច្ចនេះ គួបផ្សំនឹងការវិនិយោគពីបរទេស បានជំរុញឱ្យកម្ពុជាក្លាយជាប្រទេសឈានមុខមួយក្នុងទីផ្សារអាស៊ីអាគ្នេយ៍។
![](https://www.kampucheathmey.com/wp-content/uploads/2024/06/photo_2024-06-19_10-04-28-1024x682.jpg)
រាជរដ្ឋាភិបាលកម្ពុជាបានប្ដេជ្ញាចិត្ត ក្នុងការកសាងបរិយាកាសអំណោយផលដល់ភាពជោគជ័យនៃសហគ្រាសដែលត្រូវបានបង្កើតឡើងគ្រប់វិស័យ។
បើតាមសម្ដេចនាយករដ្ឋមន្ត្រី រាជរដ្ឋាភិបាលកំពុងកែទម្រង់ស៊ីជម្រៅ ដើម្បីសម្រួលបទបញ្ញត្តិ និងនីតិវិធី ក្នុងការបង្កើតអាជីវកម្ម និងផ្ដល់ការលើកទឹកចិត្តដ៏ទាក់ទាញ។
ច្បាប់ថ្មីស្ដីពីការវិនិយោគនៅកម្ពុជា ផ្ដល់ការលើកទឹកចិត្តផ្នែកពន្ធដារ រហូតដល់ ១៥ ឆ្នាំ សម្រាប់វិស័យអាទិភាពជាច្រើន រួមជាមួយនឹងការធានា និងការការពារវិនិយោគិន ដោយមិនមានការរើសអើងរវាងវិនិយោគិនក្នុងស្រុក និងបរទេស និងមិនមានការដាក់កម្រិតលើការផ្ទេរប្រាក់ចំណេញ និងដើមទុន។
![](https://www.kampucheathmey.com/wp-content/uploads/2024/06/photo_2024-06-19_10-04-27-1024x682.jpg)
សម្ដេចធិបតី ហ៊ុន ម៉ាណែត បញ្ជាក់ថា ដើម្បីពង្រឹងបន្ថែមទៀតនូវគំនិតផ្ដួចផ្ដើមសម្រាប់សម្ព័ន្ធភាពផលិតកម្មនៃរដ្ឋាភិបាលសិង្ហបុរី កម្ពុជាឈររឹងមាំ ជាគោលដៅវិនិយោគដ៏ទាក់ទាញបំផុត ក្នុងតំបន់អាស៊ាន ជាមួយនឹងសន្តិភាព ស្ថិរភាពសេដ្ឋកិច្ច និងនយោបាយ ការគាំទ្រដ៏រឹងមាំរបស់រាជរដ្ឋាភិបាល កម្លាំងពលកម្មវ័យក្មេង ទីតាំងយុទ្ធសាស្ត្រក្នុងតំបន់ និងធនធានធម្មជាតិសម្បូរបែប។
សម្ដេចធិបតី ហ៊ុន ម៉ាណែត លើកឡើងថា៖ «ខ្ញុំសុំអញ្ជើញវិនិយោគិនសិង្ហបុរីទាំងអស់ មកស្វែងរកកាលានុវត្តភាពដ៏សម្បូរបែបនៅទីផ្សារកម្ពុជា ដែលកំពុងរីកចម្រើនប្រកបដោយជវភាព កាលានុវត្តភាពដ៏ធំសម្បើម សម្រាប់កំណើនតម្លៃបន្ថែម បច្ចេកវិទ្យាឌីជីថល សេដ្ឋកិច្ចបៃតង និងកសិឧស្សាហកម្ម»។
សូមជំរាបថា រាជរដ្ឋាភិបាលនីតិកាលទី៧ កំពុងបន្តនូវការទាក់ទាញវិនិយោគិនបរទេស តាមរយៈការរៀបចំវេទិកាធុរកិច្ច ក្នុងគោលដៅផ្សព្វផ្សាយ អំពីសក្តានុពលវិនិយោគនៅកម្ពុជា ក៏ដូចជាយន្តការលើកទឹកចិត្តដល់វិនិយោគិន រួមទាំងច្បាប់ នៃការវិនិយោគរបស់កម្ពុជា ដើម្បីបញ្ជ្រាបការយល់ដឹងបន្ថែមអំពីកម្ពុជាដល់វិនិយោគិនគ្រប់រូប ក្នុងការសិក្សា ឈ្វេងយល់បន្ថែមអំពីឱកាសវិនិយោគ និងវិស័យសក្តានុពលដែលទីផ្សារកម្ពុជាកំពុងត្រូវការ ជាមួយនឹងកម្លាំង ពលកម្មយុវជន ដែលមានអត្រាប្រមាណ ៦៥% នៃប្រជាជនសរុប ដោយពោរពេញដោយសក្តានុពល និងចំណេះដឹង៕
អត្ថបទ៖ ឡេង ដេត
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ