ព័ត៌មានអន្ដរជាតិ
ប្រធានាធិបតីតៃវ៉ាន់ តាំងចិត្ត មិនឱនក្បាលដាក់ ចិន
ស្របពេលរដ្ឋាភិបាលក្រុងប៉េកាំង កំពុងដាក់សម្ពាធកាន់តែខ្លាំងឡើង លើទីក្រុងតៃប៉ិនោះ ប្រធានាធិបតីតៃវ៉ាន់ លោក Lai Ching-te បានតាំងចិត្តថា តៃវ៉ាន់ នឹងមិនឱនក្បាលដាក់ចិនឡើយ ទោះមានការបង្ខិតបង្ខំបែបណាក៏ដោយចុះ។
![](https://www.kampucheathmey.com/wp-content/uploads/2024/06/image-1054.png)
ថ្លែងក្នុងសន្និសីទសារព័ត៌មាននៅថ្ងៃពុធទី១៩ខែមិថុនាឆ្នាំ២០២៤ លោក Lai និយាយថា “ការកាត់យកកោះតៃវ៉ាន់ គឺជាគោលនយោបាយជាតិរបស់សាធារណៈរដ្ឋប្រជាមានិតចិន។ ក្រៅពីការគំរាមប្រើកម្លាំងយោធា ពួកគេតែងប្រើប្រាស់វិធីសាស្ត្រសម្លុតកំហែង ដើម្បីព្យាយាមបង្ខំឲ្យតៃវ៉ាន់ ចុះចូល។ ប៉ុន្តែទោះបីជាយ៉ាងណាក៏ដោយ តៃវ៉ាន់នឹងមិនឱនក្បាលចំពោះសម្ពាធនោះឡើយ។ ប្រជាជនតៃវ៉ាន់ នឹងការពារយ៉ាងម៉ឺងម៉ាត់នូវអធិបតេយ្យជាតិ ក៏ដូចជាបន្តរស់នៅតាមបែបប្រជាធិបតេយ្យ និងដោយសេរី ហើយតៃវ៉ាន់ មិនចង់មានជម្លោះទេ”។
ការតាំងចិត្តរបស់លោក Lai កើតឡើងបន្ទាប់ពី នាវាមុជទឹកនុយក្លេអ៊ែរថ្នាក់ Type-094 របស់កងទ័ពជើងទឹកចិន លេចវត្តមាននៅខ្សែបន្ទាត់កណ្តាលជិតឆ្នេរសមុទ្រតៃវ៉ាន់ ជាហេតុធ្វើឲ្យកងកម្លាំងស្វ័យការពារទីក្រុងតៃប៉ិ ប្រុងខ្លួន និងតាមដានស្ថានការណ៍យ៉ាងយកចិត្តទុកដាក់ជាទីបំផុត។
![](https://www.kampucheathmey.com/wp-content/uploads/2024/06/image-1055.png)
កាសែត Liberty Times បានដកស្រង់សម្តីអ្នកនេសាទម្នាក់ដែលនិយាយថា នាវាមុជទឹកស្រាប់តែងើបក្បាលឡើងមកបណ្តែតខ្លួន ហើយក៏មាននាវាកងទ័ពជើងទឹកចិនមួយគ្រឿងនៅផ្ទៃខាងលើ បានចូលទៅជិត រួចនាវាទាំងពីរក៏បែរក្បាល ឆ្ពោះដំណើរទៅចិនដីគោកវិញ។
ទោះបីជាយ៉ាងណាក៏ដោយ នាវាមុជទឹកនុយក្លេអ៊ែរមួយគ្រឿងនេះត្រូវបានគេសន្មត់ថា មានបញ្ហាបច្ចេកទេស ព្រោះវាមិនជ្រមុជទឹកទេ តែបែរជាងើបឡើងរយៈពេលយូរ បណ្តែតខ្លួនទៅវិញ។
![](https://www.kampucheathmey.com/wp-content/uploads/2024/06/image-1056-1024x682.png)
សូមបញ្ជាក់ថា ប៉ុន្មានថ្ងៃបន្ទាប់ពីលោក Lai ឡើងកាន់តំណែងជាប្រធានាធិបតីតៃវ៉ាន់ នៅថ្ងៃទី ២០ខែឧសភា ប្រទេសចិនក៏ធ្វើសមយុទ្ធ Joint Sword-2024A ដែលខ្លួន ចាត់ទុកជាការដាក់ទណ្ឌកម្ម ចំពោះសុន្ទរកឯករាជ្យភាពដ៏គឃ្លើនរបស់លោក និងជាការសាកល្បងសមត្ថភាពរបស់ទីក្រុងប៉េកាំង ក្នុងការដណ្តើមកាន់កាប់កោះនេះ។
ក្រោយសមយុទ្ធបញ្ចប់ ទីក្រុងប៉េកាំងប្តេជ្ញាចិត្តថា សម្ពាធយោធានឹងនៅតែបន្តដរាបណា តៃវ៉ាន់ មិនចោលគំនិតចង់ប្រកាសឯករាជ្យ៕
អត្ថបទ៖ សុខ សុវណ្ណ
ចុចអាន៖ តៃវ៉ាន់ ប្រុងខ្លួន ក្រោយនាវាមុជទឹកនុយក្លេអ៊ែរចិន ចូលកៀក
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ