ព័ត៌មានជាតិ
អាជ្ញាធរកោះកុង បំផុសស្មារតីចូលបរិច្ចាថវិកាជូនមន្ទីរពេទ្យគន្ធបុប្ផា
អាជ្ញាធរខេត្តកោះកុង បានបន្តអំពាវនាវ និងបំផុសស្មារតីដល់មន្រ្តីរាជការ កងកម្លាំង និងប្រជាពលរដ្ឋទូទាំងខេត្ត ចូលរួមបរិច្ចាថវិការបស់ខ្លួនទៅតាមលទ្ធភាព ដើម្បីទ្រទ្រង់ មន្ទីរពេទ្យគន្ធបុប្ផាកម្ពុជា ឱ្យមាននិរន្តរភាពទៅអនាគត។
![](https://www.kampucheathmey.com/wp-content/uploads/2024/06/photo_2024-06-19_14-32-32-1024x682.jpg)
លោក ឈេង សុវណ្ណដា អភិបាលរងខេត្តម្នាក់នៃខេត្តកោះកុង តំណាង លោកស្រី មិថុនា ភូថង អភិបាលខេត្ត បានឱ្យដឹងរសៀល ថ្ងៃទី១៩ ខែមិថុនា ឆ្នាំ២០២៤ ថា គោលបំណងរបស់អាជ្ញាធរខេត្ត គឺចង់ឃើញការចូលរួមជាសាមគ្គីភាពរបស់មន្រ្តីរាជការ កងកម្លាំងប្រដាប់ ក៏ដូចជាប្រជាពលរដ្ឋស្មោះចិត្តបរិច្ចាថវិកាពី ១ ម៉ឺនរៀល ឬទៅតាមលទ្ធភាពរបស់ពួកគាត់ ចូលមន្ទីរពេទ្យគន្ធបុប្ផាកម្ពុជា។
![](https://www.kampucheathmey.com/wp-content/uploads/2024/06/photo_2024-06-19_14-32-34.jpg)
លោកអភិបាលរងខេត្ត ចាត់ទុកថា ថវិកាទៅតាកម្លាំងលទ្ធភាពរបស់មន្រ្តីរាជការ កងកម្លាំងប្រដាប់ និងប្រជាពលរដ្ឋ ជាមហាសាមគ្គីដ៏ថ្លៃថ្លាមួយរបស់ប្រជាជាតិកម្ពុជា ហើយអត្ថប្រយោជន៍ធំធេងណាស់សម្រាប់គាំទ្រដល់ក្រុមគ្រូពេទ្យកំពុងជួយសង្រ្គោះព្យាបាលកុមារ ឬទារក្នុងមន្ទីរពេទ្យគន្ធបុប្ផាកម្ពុជាសព្វថ្ងៃនេះ។
![](https://www.kampucheathmey.com/wp-content/uploads/2024/06/photo_2024-06-19_14-32-39-1024x1024.jpg)
តាមការសន្និដ្ឋានរបស់ លោក ឈេង សុវណ្ណ មើលឃើញថា ល្បឿននៃការចូលរួមយុទ្ធនាមូលនិធិគន្ធបុប្ផា មានសប្បុរសជនគ្រប់ទិសទីចូលរួមយ៉ាងសកម្ម មិនថាថវិកាទាំងនោះតិចក្តី ឬច្រើនក្តី សុទ្ធតែក្នុងន័យមនុស្សធម៌។
![](https://www.kampucheathmey.com/wp-content/uploads/2024/06/photo_2024-06-19_14-32-35-818x1024.jpg)
ក្នុងសន្និសីទសារព័ត៌មាន ព្រឹកថ្ងៃទី១៩ ខែមិថុនា នេះដែរ លោក ឃាន តួក អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិគាំពារសង្គម និងជាប្រធានផ្នែកទំនាក់ទំនងសាធារណៈ នៃមូលនិធិគន្ធបុប្ផាកម្ពុជា បានថ្លែងថា គិតត្រឹមព្រឹកថ្ងៃនេះ មានសប្បុរសជនសរុបចំនួនប្រមាណ ១៦ ម៉ឺន ៤ ពាន់នាក់ បានចូលរួមបរិច្ចាគក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៤ នេះ ដោយទទួលបានថិកាបរិច្ចាគសរុបសមមូលជាប្រាក់ដុល្លារអាម៉រិកចំនួនប្រមាណ ២ លាន ៧៣ ម៉ឺនដុល្លារ។
![](https://www.kampucheathmey.com/wp-content/uploads/2024/06/photo_2024-06-19_14-32-36-642x1024.jpg)
ក្រៅពីចូលរួមបរិច្ចាគ សប្បុរសជនមួយចំនួនក៏បានចូលរួមផ្សព្វផ្សាយបន្ត ទាំងក្នុងលក្ខណៈជាបុគ្គលផ្ទាល់ និងតំណាងអង្គភាពនីមួយៗ។ ការផ្សព្វផ្សាយពីយុទ្ធនាការនេះ ក៏មានការចូលរួមយ៉ាងសកម្មពីសំណាក់អង្គភាពសារព័ត៌មានានា ក្រុមហ៊ុន-សហគ្រាស ធនាគារដៃគូរបស់មូលនិធិ បុគ្គលមានប្រជាប្រិយ និងតារាសម្ដែងផងដែរ៕
អត្តបទ៖ សិរីវឌ្ឍនៈ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ