ព័ត៌មានជាតិ
ខេត្តសៀមរាបបើកវគ្គបណ្តុះបណ្តាលស្តីពីការត្រៀមឆ្លើយតប និងការឆ្លើយតបគ្រោះមហន្តរាយ
នៅថ្ងៃទី ១៩ ខែ មិថុនា ឆ្នាំ២០២៤ បានបើកវគ្គបណ្តុះបណ្តាលស្តីពីការត្រៀមបម្រុងឆ្លើយតប និង ការឆ្លើយតបគ្រោះមហន្តរាយ នៃគម្រោងការត្រៀមបង្កាស្ថានភាពបន្ទាន់ខេត្តសៀមរាប ក្រោមកិច្ចសហការពីសមាគមអន្តរជាតិ អភិបាលក្រុងប្រើប្រាស់ភាសាបារាំង (AIMF) ក្រោមកិច្ចវត្តមានលោក ចឹក គឹមជុន នាយករងរដ្ឋបាលសាលាខេត្ត តំណាងលោក អ៉ឹង គឹមលាង អភិបាលរងខេត្ត ទទួលបន្ទុកគម្រោង ។
វគ្គបណ្តុះបណ្តាល នេះដោយមានការចូលរួមពីសមាជិកពាក់ព័ន្ធ សមាជិកគណៈកម្មាធិការគ្រប់គ្រងគ្រោះមហន្តរាយ ថ្នាក់ខេត្ត ក្រុង ស្រុក និង ចៅសង្កាត់ ស្មៀន ទាំង១២សង្កាត់ក្នុងក្រុងសៀមរាប ប្រមាណ ៧៥នាក់ចូល រួម ។ ក្នុងវគ្គបណ្តុះបណ្តាលនេះ លោក ចឹក គឹមជុន បានគូសបញ្ជាក់ថា វគ្គបណ្តុះបណ្តាលស្តីពីការត្រៀមបម្រុងឆ្លើយតប និង ការឆ្លើយតបគ្រោះមហន្តរាយ នៃគម្រោងត្រៀមបង្ការស្ថានភាពបន្ទាន់ខេត្តសៀមរាប ក្រោមកិច្ចសហការពីសមាគមអន្តរជាតិ អភិបាលក្រុងប្រើប្រាស់ភាសាបារាំង (AIMF)។ វគ្គបណ្តុះបណ្តាលនេះមាន គោលបំណង ដើមី្បអភិវឌ្ឍន៍សមត្ថភាព អំពីការងារត្រៀមបម្រុងឆ្លើយតប និង ការឆ្លើយតបគ្រោះមហន្តរាយ និង រៀបចំផែនការហានីភ័យត្រៀមបង្ការ ដើមី្បឆ្លើយតបទៅនឹងស្ថានភាពកើតឡើងបន្ទាន់នៅតាមបណ្តាសង្កាត់ទាំង១២ នៃក្រុងសៀមរាប។
លោកបានបន្តទៀតថា ដើមី្បឲ្យការងារនេះទទួលបាននូវប្រសិទ្ធិភាព ក៏ត្រូវមានគ្រប់សមាសភាពពាក់ព័ន្ធ ចូលរួមក្នុងវគ្គបណ្តុះបណ្តាលនេះ ដោយមានការ អញ្ជើញគ្រូឧទ្ទេស នៃអគ្គលេខាធិការដ្ឋាន គណៈកម្មាធិការជាតិគ្រប់គ្រងគ្រោះមហន្តរាយ ធ្វើការបណ្តុះបណ្តាលដល់ លោក លោកស្រី ។ លោក ចឹក គឹមជុន បានគូសបញ្ជាក់ថា ក្នុងវគ្គបណ្តុះបណ្តាលរយៈពេលពីរថ្ងៃនេះ ដោយផ្តោតការយកចិត្តទុកដាក់ខ្ពស់ ចំពោះសង្កាត់ទាំង១២ នៃក្រុងសៀមរាប ដើមី្បឲ្យចេះចងក្រងសៀវភៅ ដោយក្រុមលេខាធិការដ្ឋាន គម្រោងថ្នាក់ខេត្ត ជាអ្នកជួយមើល ជួយបន្ថែម និង តម្រង់ទិស ។ ដូច្នេះសង្កាត់ទាំង១២ នៃក្រុងសៀមរាប ក៏ត្រូវត្រៀម សៀវភៅសរសេរ ត្រៀមបង្កា ឆ្លើយតបថ្នាក់ក្រុងសៀមរាប និង ការធ្វើបច្ចុប្បន្នភាពទៅថ្នាក់ខេត្ត សម្រាប់ឆ្នាំ២០២៥ ដើម្បី សម្រាប់ការអនុវត្តនៅឆ្នាំ២០២៥ ហើយធ្វើនៅក្នុងសង្កាត់ទាំង១២ ត្រៀមបង្កាទប់ស្កាត់ នៃគ្រោះមហន្តរាយឆ្នាំ២០២៥ ។ ក្រៅពីសង្កាត់ទាំង១២ក្នុងក្រុងសៀមរាប នៅពេលទទួលបានគម្រោងនោះ លេខាធិការដ្ឋានថ្នាក់ខេត្ត និង បន្តទៅតាមបណ្តាក្រុង ស្រុកទាំង១២បន្តទៀត លើការរៀបចំសៀវភៅ ចងក្រងឯកសារទៅតាមបណ្តាក្រុង ស្រុកនីមួយៗ លើការត្រៀមបង្ការ ឆ្លើយតបនៅថ្នាក់ក្រុង ស្រុក ទៀតផង ៕
ដោយ៖ គឿនវេត
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២០ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ