ជីវិតកម្សាន្ដ

ពូ ណុយ ចេញមុខស្បថ ក្រោយគេចោទថា ដណ្តើមតួមកថត

បានផុស

៨ ខែ មុន

នៅ

ថ្ងៃព្រហស្បតិ៍ ២០ មិថុនា ២០២៤

ដោយ

លោក បាន សំណាង ហៅ ពូ ណុយ ដែលជាតារាកំប្លែងស្ងួតកំពុងតែល្បីក្នុងបណ្ដាញសង្គមហ្វេសប៊ុក និងTikTok បានប្រតិកម្មហាក់ហួសចិត្តខ្លាំងរហូតចេញមកស្បថដាក់ជីវិតក្រោយមានគេចោទថា លោកដណ្តើមតួមកថត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែង ពូ ណុយ បានបញ្ចេញខ្លឹមសារបញ្ជាក់ថា លោកមិនបានដណ្ដើមតួពីនណាគេទេ ពោលគឺដោយ សារតែមនោសញ្ចេតនាដែលខាងភាគីតួដោយខ្លួនឯងបានទាក់ទងសុំលោកថតប៉ុណ្ណោះ។ ម្យ៉ាងទៀត ពូណុយ ស្នើឲ្យតួដែលសុំលោកថតចេញមុខជួយបកស្រាយពាក់ព័ន្ធការចោទប្រកាន់នេះផង។

លោក បាន សំណាង ហៅ ពូ ណុយ បាននិយាយថា “ស្បថឲ្យក្រឡាប់ឡាន តួដែលគេចោទថាខ្ញុំដណ្តើមមកថតគឺ ពួកគាត់ឆាតមកសុំរាប់សិបដងបានឲ្យថតនុងព្រោះមនោសញ្ចេតនា ហើយតួដែលមកថតនុងជួយបកស្រាយផងឆាតមកសុំមែនអត់?”។ ទោះបីយ៉ាង តារាកំប្លែង ពូ ណុយ មិនបានបញ្ចេញឈ្មោះអ្នកដែលបង្កបញ្ហាជាមួយលោកទេ។

ដោយឡែកលោក អ៉ឹម ជីវ៉ា បានបញ្ចេញមតិលើកទឹកចិត្តដែរថា «ប្អូនកុំគិតច្រើនទម្លាប់សិល្បៈគឺអ៊ីចឹងឯង សំខាន់បើតួណាមកថតឲ្យប្អូនហើយប្អូនឲ្យគេមានលុយចាយនោះមានន័យថាប្អូនបាចូលរួមចំណែកជួយគេឲ្យមានការងារធ្វើហើយ សិល្បៈដែលមើលឃើញចង្ខុវិស័យវែងឆ្ងាយគឺគេចិត្តមិនចង្អៀតទេ»។

លោកបន្តថាបងគិតថា «ទាំងនេះវាមិនមែនប៉ះតែប្អូនមួយទេគឺ ជាទម្លាប់តាំងពីឆ្នាំ២០០០ ម្លេះ ដែលបងឮបែបនេះ សំខាន់សុទ្ធតែគ្នាយើងទេនិយាយគ្នា និងអភ័យឲ្យគ្នាទៅសិល្បៈដូចកង់រទទេះអ៊ីចឹងទៅណាក៏ជួបគ្នាដែរសំខាន់រឿងធំធ្វើរឿងតូចឯរឿងតូចធ្វើឲ្យអត់រឿងកុំប្រកែកគ្នារៀនអភ័យឲ្យគ្នា»៕

អត្ថបទ៖ ចាន់រ៉ា

Related Topics:តារាកំប្លែង