សន្តិសុខសង្គម
ក្រុមក្មេងទំនើង៦នាក់ នឹងត្រូវកសាងសំណុំរឿងបញ្ជូនទៅតុលាការ ពាក់ព័ន្ធករណីហិង្សានៅមុខអាកាសយានដ្ឋានអន្តរជាតិភ្នំពេញ
កម្លាំងការិយាល័យព្រហ្មទណ្ឌកម្រិតសា្រលនៃស្នងការដ្ឋាននគរបាលរាជធានីភ្នំពេញ បានសហការណ៍ជាមួយកម្លាំងនគរបាលខណ្ឌពោធិ៍សែនជ័យ កាលពីថ្ងៃទី១៨ ខែមិថុនា ចុះស្រាវជ្រាវ និងឃាត់ខ្លួនជនសង្ស័យជាក្មេងទំនើងចំនួន៦នាក់ ក្រោយពីបើកការដេញវាយគ្នាទៅវិញទៅមកនៅបណ្ដោយផ្លូវសហព័ន្ធរុស្សី មុខអាកាសយានដ្ឋានអន្តរជាតិភ្នំពេញ ក្នុងមូលដ្ឋានខណ្ឌពោធិ៍សែនជ័យ រាជធានីភ្នំពេញ។
![](https://www.kampucheathmey.com/wp-content/uploads/2024/06/M-SVDB-1024x614.jpg)
លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានឲ្យដឹងនៅរសៀលថ្ងៃទី២០មិថុនា នេះថា ការឃាត់ខ្លួនក្រុមកម្មេងទំនើងទាំង៦នាក់នេះ បានធ្វើឡើងនៅចំណុចបន្ទប់ជួលមួយកន្លែងក្នុងសង្កាត់ចោមចៅទី៣ ខណ្ឌពោធិ៍សែនជ័យ ដោយឃាត់ខ្លួនបានចំនួន១៤នាក់ តែពាក់ព័ន្ធគឺ៦នាក់។ អ្នកនាំពាក្យស្នងការដ្ឋាននគរបាលរាជធានីភ្នំពេញបន្ថែមថា ការអនុវត្តបង្ក្រាបក្មេងទំនើងនេះ គឺនឹងធ្វើឡើងជាបន្ទាប់ចំពោះមុខសញ្ញាដែលនៅសេសសល់។
បើតាមលោកវរសេនីយ៍ឯក សំ វិច្ឆិកា ក្នុហេតុការណ៍ហិង្សាកាលពីថ្ងៃទី១៨នោះ គឺបង្កឡើងដោយក្រុមក្មេងទំនើងចំនួន៣ក្រុម ដោយក្រុមទី១មានគ្នា៦នាក់ ក្រុមទី២មានគ្នា១៥មនាក់ និងក្រុមទី៣មានគ្នា២០នាក់ជិះម៉ូតូ១០គ្រឿង។
លោកបញ្ជាក់ថា ក្រុមជនសង្ស័យក្មេងទំនើងទាំង៦នាក់ដែលត្រូវឃាត់ខ្លួននេះ នឹងត្រូវកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនីតិវិធីច្បាប់៕
![](https://www.kampucheathmey.com/wp-content/uploads/2024/06/photo_2024-06-20_17-31-47-576x1024.jpg)
![](https://www.kampucheathmey.com/wp-content/uploads/2024/06/photo_2024-06-20_17-31-40-576x1024.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ