សេដ្ឋកិច្ច
ចិនបញ្ជាឱ្យធនាគារតូចៗកាត់បន្ថយអាជីវកម្មផ្ដល់សេវាកម្មគ្រប់គ្រងទ្រព្យសម្បត្តិអតិថិជន
និយតករធនាគាររបស់ប្រទេសចិន បានបញ្ជាឱ្យធនាគារតូចៗកាត់បន្ថយ ហើយបញ្ឈប់នូវអាជីវកម្មដែលផ្ដល់សេវាកម្មគ្រប់គ្រងទ្រព្យសម្បត្តិដល់អតិថិជនត្រឹមឆ្នាំ ២០២៦ លុះត្រាតែពួកគេមានក្រុមហ៊ុនបុត្រសម្ព័ន្ធគ្រប់គ្រងទ្រព្យសម្បត្តិដាច់ដោយឡែកមួយផ្សេងទៀត។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ដែលស្រង់សម្ដីជាអនាមិកពីប្រភព៣រូប ដែលបាននិយាយថា គោលការណ៍របស់និយតករចិនមានគោលបំណងទប់ស្កាត់ហានិភ័យហិរញ្ញវត្ថុ។
បទប្បញ្ញត្តិឆ្នាំ ២០១៨ និងសេចក្ដីណែនាំពីមុនៗ បានតម្រូវឱ្យធនាគារផ្សេងៗបង្កើតក្រុមហ៊ុនបុត្រសម្ព័ន្ធគ្រប់គ្រងទ្រព្យសម្បត្តិ ដែលផ្ដល់សេវាកម្មបែបនេះដល់អតិថិជន ប៉ុន្តែនិយតករមិនបានកំណត់ពេលវេលាឱ្យធនាគារត្រូវអនុវត្តតាមនោះទេ។ ប្រភពទាំង៣ បាននិយាយថា បន្ថែមពីលើកាលកំណត់ឆ្នាំ ២០២៦ សេចក្ដីណែនាំចុងក្រោយបង្អស់ តម្រូវឱ្យធនាគារតូចៗមួយចំនួន កាត់បន្ថយសកម្មភាពអាជីវកម្មគ្រប់គ្រងទ្រព្យសម្បត្តិនៅចុងឆ្នាំនេះ។
ប្រភពបន្តថា ធនាគារផ្តល់ប្រាក់កម្ចីតាមតំបន់តូចៗនៅក្នុងខេត្ត Shandong ខេត្ត Guangdong និងខេត្ត Zhejiang ស្ថិតក្នុងចំណោមធនាគារ ដែលទទួលបានការណែនាំឱ្យកាត់បន្ថយអាជីវកម្មគ្រប់គ្រងទ្រព្យសម្បត្តិរបស់ខ្លួន ពីរដ្ឋបាលនិយតកម្មហិរញ្ញវត្ថុជាតិចិន (NFRA) ។
សេចក្ដីណែនាំនេះមិនទាន់ចេញផ្សព្វផ្សាយជាសាធារណៈ ហើយ NFRA ក៏មិនទាន់ចេញសេចក្ដីប្រកាសយ៉ាងណានៅឡើយដែរ។
គួរគូសបញ្ជាក់ថា សេចក្ដីណែនាំថ្មី គឺជាកិច្ចខិតខំប្រឹងប្រែងចុងក្រោយបង្អស់របស់រដ្ឋាភិបាលចិន ក្នុងការប្រយុទ្ធប្រឆាំងនឹងហានិភ័យក្នុងវិស័យគ្រប់គ្រងទ្រព្យសម្បត្តិធនាគារទូទៅ ដែលរងការកំណត់ជាគោលដៅក្នុងការបង្ក្រាបតាមរយៈបទប្បញ្ញត្តិលើសកម្មភាពធនាគារស្រមោល ក្នុងរយៈពេលប៉ុន្មានឆ្នាំចុងក្រោយនេះ។ ការណ៍នេះ នឹងធ្វើឲ្យធនាគារផ្សេងៗកំណត់អាជីវកម្មគ្រប់គ្រងទ្រព្យសម្បត្តិរបស់ខ្លួនឱ្យមានស្ដង់ដារ ក៏ដូចជាវិនិយោគមូលនិធិទៅក្នុងទីផ្សារមូលធនដែលអនុវត្តតាមការគ្រប់គ្រងត្រឹមត្រូវ។
វាក៏មានគោលបំណងបង្កើតការបែងចែកគ្នាឱ្យបានច្បាស់លាស់ផងដែរ រវាងប្រតិបត្តិការអាជីវកម្មគ្រប់គ្រងទ្រព្យសម្បត្តិរបស់ធនាគារ និងអាជីវកម្មផ្សេងៗទៀតរបស់ពួកគេ ដើម្បីលុបបំបាត់ការធានាមិនច្បាស់លាស់ដែលថា ធនាគារនឹងធានាសេវាកម្មវិនិយោគរបស់ខ្លួន ប្រសិនបើវាមិនដំណើរការ៕
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី