ព័ត៌មានអន្ដរជាតិ
លោក បៃដិន នឹងហាមឃាត់ក្រុមហ៊ុនKaspersky ជុំវិញទំនាក់ទំនងជាមួយរុស្ស៊ី
យោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី ២១ ខែ មិថុនានេះ លោក ចូ បៃដិន នឹងហាមឃាត់ការប្រតិបត្តិការលក់របស់ក្រុមហ៊ុន Kaspersky Lab នៅសហរដ្ឋអាមេរិក ជុំវិញទំនាក់ទំនងជាមួយរុស្ស៊ីដែលអាចបង្កហានិភ័យដល់រដ្ឋាភិបាលអាមេរិក។
![](https://www.kampucheathmey.com/wp-content/uploads/2024/06/biden-1.jpg)
Kaspersky Lab គឺជាក្រុមហ៊ុនផ្តល់សេវាសន្តិសុខតាមអ៊ីនធឺណិត និងកម្មវិធីកម្ចាត់មេរោគសកលរបស់រុស្ស៊ី ដែលមានទីស្នាក់ការកណ្តាលនៅទីក្រុងមូស្គូ និងដំណើរការដោយក្រុមហ៊ុនម្ចាស់កម្មសិទ្ធិនៅចក្រភពអង់គ្លេសដែលត្រូវបានបង្កើតឡើងក្នុងឆ្នាំ១៩៩៧ ។
ការហាមឃាត់នេះ ធ្វើឡើងបន្ទាប់ពីទំនាក់ទំនងជិតស្និទ្ធរបស់ក្រុមហ៊ុនជាមួយរដ្ឋាភិបាលរុស្ស៊ីត្រូវបានរកឃើញថាអាចបង្កហានិភ័យធ្ងន់ធ្ងរ ដោយសារការចូលប្រើសិទ្ធិរបស់កម្មវិធីទៅកាន់ប្រព័ន្ធកុំព្យូទ័រអាចអនុញ្ញាតឱ្យវាលួចព័ត៌មានរស៉ើបពីកុំព្យូទ័រអាមេរិក ដំឡើងមេរោគ ឬរក្សាការអាប់ដេតសំខាន់ៗ។ លើសពីនេះ ផែនការហាមឃាត់នេះក៏រួមបញ្ជូលជាមួយច្បាប់ថ្មីដែលបង្កើតឡើងដោយរដ្ឋបាលលោក ដូណាល់ ត្រាំ ដើម្បីបន្ថែមក្រុមហ៊ុនទៅក្នុងបញ្ជីរឹតបន្តឹងពាណិជ្ជកម្ម ។
រដ្ឋាភិបាលអាមេរិកបានឲ្យដឹងថារុស្ស៊ីមានចេតនាកេងប្រវ័ញ្ចក្រុមហ៊ុនរុស្ស៊ីដូចជា Kaspersky ដើម្បីប្រមូល និងប្រើប្រាស់ព័ត៌មានផ្ទាល់ខ្លួនរបស់ជនជាតិអាមេរិក ដែលបង្ខំឱ្យអាមេរិកត្រូវចាត់វិធានការនេះ។ ខណៈKaspersky ថាការសម្រេចចិត្តរបស់សហរដ្ឋអាមេរិកគឺផ្អែកលើ បរិយាកាសភូមិសាស្ត្រនយោបាយបច្ចុប្បន្ន និងការព្រួយបារម្ភខាងទ្រឹស្តី ជាជាងការវាយតម្លៃអំពីសុចរិតភាពនៃផលិតផល និងសេវាកម្មរបស់ Kasperskyទៅវិញ។
![](https://www.kampucheathmey.com/wp-content/uploads/2024/06/10f5b586-83ca-4bc0-abeb-8b6fa8baf08c.jpg)
ចំណាត់ការនេះបង្ហាញថា រដ្ឋបាលកំពុងព្យាយាមលុបបំបាត់ហានិភ័យនៃការវាយប្រហារតាមអ៊ីនធឺណិតរបស់រុស្ស៊ីដែលកើតចេញពីកម្មវិធី Kaspersky ហើយបន្តច្របាច់កទីក្រុងមូស្គូ ខណៈដែលកិច្ចខិតខំប្រឹងប្រែងសង្គ្រាមរុស្ស៊ីនៅអ៊ុយក្រែនទទួលបានសន្ទុះឡើងវិញ ដោយសារសហរដ្ឋអាមេរិកមានឥទ្ធិពលតិចតួចលើទណ្ឌកម្មថ្មីៗលើរុស្ស៊ី។
មួយវិញទៀតវាក៏បង្ហាញផងដែរថារដ្ឋបាលលោក បៃដិន ប្រើប្រាស់សិទ្ធិអំណាចថ្មីដ៏មានឥទ្ធិពលដែលអនុញ្ញាតឱ្យខ្លួនហាមឃាត់ ឬរឹតបន្តឹងប្រតិបត្តិការរវាងក្រុមហ៊ុនអាមេរិក និងក្រុមហ៊ុនអ៊ីនធឺណិត ទូរគមនាគមន៍ និងបច្ចេកវិទ្យាពីប្រទេសសត្រូវបរទេសដូចជារុស្ស៊ី និងចិន។
![](https://www.kampucheathmey.com/wp-content/uploads/2024/06/QGK2BGLIHZMWBEVZBR2XURGJII.jpg)
ពាក់ព័ន្ធនឹងបញ្ហានេះអ្នកនាំពាក្យក្រសួងពាណិជ្ជកម្មបានបដិសេធមិនធ្វើអត្ថាធិប្បាយទេ ខណៈដែល Kaspersky Lab និងស្ថានទូតរុស្ស៊ីមិនបានឆ្លើយតបនឹងសំណើសុំការអត្ថាធិប្បាយដូចគ្នា។ ទោះបីជាយ៉ាងណាកន្លងមក Kaspersky ធ្លាប់បាននិយាយថាជាក្រុមហ៊ុនខ្លួនគ្រប់គ្រងដោយឯកជនមិនមានទំនាក់ទំនងជាមួយរដ្ឋាភិបាលរុស្ស៊ីនោះទេ។
គួរបញ្ជាក់ថា សម្ពាធលើជំនួញនៅអាមេរិករបស់ក្រុមហ៊ុន Kaspersky Lab បានកើនឡើង បន្ទាប់ពីចំណាត់ការរបស់ទីក្រុងមូស្គូប្រឆាំងនឹងទីក្រុងកៀវ។ រដ្ឋាភិបាលសហរដ្ឋអាមេរិកបានផ្ដល់ជាសញ្ញាព្រមានជាសម្ងាត់ដល់ក្រុមហ៊ុនអាមេរិកមួយចំនួន បន្ទាប់ពីរុស្ស៊ីបានឈ្លានពានអ៊ុយក្រែនក្នុងខែកុម្ភៈ ឆ្នាំ២០២២ ដោយថាទីក្រុងមូស្គូអាចរៀបចំកម្មវិធីដែលរចនាដោយ Kaspersky ដើម្បីបង្កគ្រោះថ្នាក់៕
![](https://www.kampucheathmey.com/wp-content/uploads/2024/06/getty_1522587614_rgdm4y.webp)
អត្ថបទ៖ ប៊ុន សុភាព
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ