ព័ត៌មានជាតិ
បណ្ឌិត យង់ ពៅ ៖ គួរបញ្ឈប់ការផ្សាយ ព័ត៌មានឃាតកម្មរបស់ឧកញ៉ា គ្មានចំណេញអ្វីដល់នយោបាយកម្ពុជាទេ
លោកបណ្ឌិត យង់ ពៅ អគ្គលេខាធិការ នៃរាជបណ្ឌិត្យសភាកម្ពុជា និងជាអ្នកតាមដានស្ថានការណ៍នយោបាយ នៅថ្ងៃទី២១ ខែមិថុនា ឆ្នាំ២០២៤ នេះ បានលើកឡើងនៅលើគណនីហ្វេសប៊ុករបស់ខ្លួនថា «គួរបញ្ឈប់ជញ្ជ្រំផ្សាយ ព័ត៌មានឃាតកម្មរបស់ឧកញ៉ាហ្នឹងទៅ វាគ្មានចំណេញអ្វីដល់នយោបាយកម្ពុជា ជាអន្តរជាតិទេ»។
ការលើកឡើងនេះ គឺបន្ទាប់ពីមានករណីដ៏កក្រើកមួយ កាលពីរសៀលថ្ងៃទី១៧ ខែមិថុនា ឆ្នាំ២០២៤ នៅខណ្ឌច្បារអំពៅ រាជធានីភ្នំពេញ បង្កឡើងដោយខ្មាន់កាំភ្លើងម្នាក់ ដែលត្រូវបានគេស្គាល់ថា ជាឧកញ៉ា ស្រី ស៊ីណា បានបាញ់ប្រហារទៅលើមនុស្សចំនួន ៤នាក់ ក្នុងនោះបុរសម្នាក់ និងនារីម្នាក់ ដែលជាគូដណ្ដឹងនឹងគ្នា បានស្លាប់បាត់បង់ជីវិត ខណៈរងគ្រោះធ្ងន់ស្រាល ២នាក់។ ករណីនេះ បានបង្កការភ្ញាក់ផ្អើលយ៉ាងខ្លាំង និងធ្វើឱ្យមហាជនផ្ទុះការជជែកវែកញែក ជាហូរហែ ព្រមទាំងមានការផ្សព្វផ្សាយយ៉ាងផុលផុសនៅលើបណ្តាញសង្គម។
ជុំវិញករណីនេះ លោកបណ្ឌិត យង់ ពៅ ថា គួរបញ្ឈប់ជញ្ជ្រំផ្សាយ ព័ត៌មានឃាតកម្មរបស់ឧកញ៉ាហ្នឹងទៅ វាគ្មានចំណេញអ្វីដល់នយោបាយកម្ពុជា ជាអន្តរជាតិទេ។ លើសពីនេះ លោកក៏បានសំណូមពរ ដល់ទាំងព័ត៌មានអាជីព ទាំងព័ត៌មាន MMO និងទាំងព័ត៌មានពលរដ្ឋ គួរមកងាកធ្វើមាតិកាព័ត៌មានខ្លីៗពីផលិតផលជាតិ ឬការអប់រំ ឬគតិបណ្ឌិតវិញ ទើបល្អ ចំពោះជាតិ ដែលកំពុងរងនឹងវិបត្តិសេដ្ឋកិច្ចសកល។ លោកបណ្ឌិត បានសង្កត់ធ្ងន់ថា «ប្រទេសកម្ពុជា មិនមែនជាសម្បុកឃាតកម្មនោះទេ។ ហេតុអ្វី យើងជាពលរដ្ឋខ្មែរ ត្រូវផ្សាយអាក្រក់ពីខ្លួនឯងច្រើនជាងការផ្សាយមាតិកាល្អៗ»?
គួរជម្រាបដែរថា ឧកញ៉ា ស្រី ស៊ីណា ដែលបាញ់សម្លាប់មនុស្សនៅបុរីប៉េងហួតបឹងស្នោនោះ ត្រូវបានព្រះមហាក្សត្រចេញព្រះរាជក្រឹត្យបញ្ចប់គោរមងារពី ឧកញ៉ា កាលពីថ្ងៃទី២០ ខែមិថុនា ឆ្នាំ២០២៤ រួចមកហើយ៕
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព