ព័ត៌មានជាតិ
អភិបាលរងខេត្តកោះកុង ជំរុញឱ្យប្រជានេសាទប្រើប្រាស់លេខប្រកាសអាសន្ន ១២៩៤ ឥតគិតថ្លៃ
អ្នកស្រី អ៊ី នារីនេត អភិបាលរងខេត្តកោះកុង នៅថ្ងៃទី២១ ខែមិថុនា ឆ្នាំ២០២៤ នេះ បានជំរុញឱ្យប្រជានេសាទរស់នៅក្នុងឃុំជ្រោយប្រស់ ស្រុកកោះកុង ចូលរួមភ្ជាប់ការប្រើប្រាស់លេខ ១២៩៤ ដែលអាចប្រកាសអាសន្នទុកជាមុន នៃគ្រោះមហន្តរាយនានា។ អ្នកស្រីអភិបាលរងខេត្តកោះកុង អះអាងថា លេខ១២៩៤ នេះមានសារៈសំខាន់ដែលវាអាចផ្តល់ព័ត៌មានរាល់ពេលមានគ្រោះមហន្តរាយផ្សេងៗរួមជា៖ គ្រោះទឹកជំនន់ ឬគ្រោះធម្មជាតិផ្សេងៗដែលនឹងកើតមាន ជូនដល់ប្រជាពលរដ្ឋបានដឹងជាមុន។
![](https://www.kampucheathmey.com/wp-content/uploads/2024/06/photo_2024-06-21_15-04-01.jpg)
ក្នុងពិធីប្រគល់បណ្ណសម្គាល់ជលយាន និងផ្តល់ល់សៀវភៅត្រួតពិនិត្យលក្ខណៈបច្ចេកទេសជិត ១០០ បណ្ណដល់ប្រជាពលរដ្ឋឃុំជ្រោយប្រស់ លោកស្រីអភិបាលរងខេត្ត បានបន្តថា តាមរយៈសារប្រកាសឱ្យដឹងជាមុន វាអាចសង្រ្គោះអាយុជីវិតក្រុមគ្រួសារប្រកបដោយទំនុកចិត្តខ្ពស់ និងទាន់ហេតុការណ៍។ រាល់ការភ្ជាប់សេវាលេខ ១២៩៤ នេះ គឺមិនគិតតម្លៃសេវាអ្វីនោះទេ ដោយប្រជាពលរដ្ឋគ្រប់រូបអាចប្រើប្រាស់បានដោយសេរី។ ដូច្នេះលោកស្រី សូមអំពាវនាវដលប្រជាពលរដ្ឋចូលរួមតភ្ជាប់សេវាមួយនេះឱ្យបានគ្រប់ៗគ្នា។
![](https://www.kampucheathmey.com/wp-content/uploads/2024/06/photo_2024-06-21_15-04-12-1024x682.jpg)
អ្នកស្រី ជឹម ចាន់ណាវិ និងលោក យ៉ែម ញឿន ជាពលរដ្ឋរស់នៅក្នុងឃុំជ្រោបប្រស់ អះអាងថា ពួកគាត់បានភ្ជាប់បណ្តាញលេខ ១២៩៤ នេះរួចរាល់ហើយ ដើម្បីដឹងរាល់ព័ត៌មានអំពីការប្រែប្រួលអាកាសធាតុផ្សេងៗ ពិសេសខ្យល់ព្យុះភ្លៀងអំឡុងពេលរដូវវស្សានេះ។
![](https://www.kampucheathmey.com/wp-content/uploads/2024/06/photo_2024-06-21_15-04-03-1024x682.jpg)
តំណាងប្រជាពលរដ្ឋទាំង២ បន្ថែមថា ពួកគាត់នឹងផ្តល់ព័ត៌មាននេះទៅកាន់ប្រជាពលរដ្ឋមិនទាន់ប្រើប្រាស់ឱ្យចូលរួមអនុវត្តទាំងអស់គ្នា។ កន្លងទៅ ពួកគាត់ដឹងព័ត៌មានព្យុះភ្លៀងតាមរយៈហ្វេសប៊ុក ឬវិទ្យុទាក់ទងគ្នា។
![](https://www.kampucheathmey.com/wp-content/uploads/2024/06/photo_2024-06-21_15-04-01-2-1024x682.jpg)
គួរបញ្ជាក់ថា លោកអ្នកអាចចុះឈ្មោះដោយឥតគិតថ្លៃទៅកាន់ប្រព័ន្ធប្រកាសឱ្យដឹងមុន ១២៩៤ តាមជំហាន៖ ១. ទូរស័ព្ទទៅកាន់លេខ ១២៩៤ ដោយឥតគិតថ្លៃ ២. ស្តាប់តាមការណែនាំដែលបានផ្តល់ឱ្យជាសារសំលេង និង ៣. ជ្រើសរើសខេត្ត ស្រុក ឃុំ របស់លោកអ្នក ជាការស្រេច៕
អត្តបទ៖ សិរីវឌ្ឍនៈ
![](https://www.kampucheathmey.com/wp-content/uploads/2024/06/photo_2024-06-21_15-28-38-1024x682.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ