សេដ្ឋកិច្ច
ធនាគារជាតិចាប់ដៃគូជាមួយមន្ទីរពេទ្យអុីនធ័រឃែរលើកកម្ពស់សុខភាពបុគ្គលិក និងក្រុមគ្រួសារ
ធនាគារជាតិ នៃកម្ពុជា ថ្មីៗនេះ បានចុះកិច្ចព្រមព្រៀងសហប្រតិបត្តិការជាមួយ មន្ទីរពេទ្យ អុីនធ័រឃែរ ក្នុងគោលបំណងពង្រឹងសុខភាព និងសុខុមាលភាពរបស់មន្រ្តីបុគ្គលិកធនាគារជាតិ នៃកម្ពុជា ព្រមទាំងក្រុមគ្រួសារ។
![](https://www.kampucheathmey.com/wp-content/uploads/2024/06/photo_2024-06-21_15-15-20-2-1024x682.jpg)
ពិធីចុះហត្ថលេខាលើកិច្ចព្រមព្រៀងសហប្រតិបត្តិការនេះ ត្រូវបានប្រារព្ធឡើង ក្រោមវត្តមាន លោក គ្រុយ វាសនា អគ្គលេខាធិការធនាគារជាតិ នៃកម្ពុជា និង លោក Jason Harrison សហស្ថាបនិក និងជាអ្នកគ្រប់គ្រងទូទៅ នៃមន្ទីរពេទ្យ អុីនធ័រឃែរ ព្រមទាំងវត្តមានកិត្តិយសពី លោកស្រីវេជ្ជបណ្ឌិត Carolyne Pung សហស្ថាបនិក និងជានាយកប្រតិបត្តិ នៃមន្ទីរពេទ្យ អុីនធ័រឃែរ ក៏ដូចជាថ្នាក់ដឹកនាំ និងមន្រ្តីបុគ្គលិកធនាគារជាតិ នៃកម្ពុជា។
![](https://www.kampucheathmey.com/wp-content/uploads/2024/06/photo_2024-06-21_15-15-21-1024x682.jpg)
តាមរយៈកិច្ចព្រមព្រៀងសហប្រតិបត្តិការនេះ មន្ទីរពេទ្យ អុីនធ័រឃែរ នឹងផ្តល់ជូននូវ ជំនួយផ្នែកវេជ្ជសាស្រ្ត ដោយផ្តល់ជាការបញ្ចុះតម្លៃពិសេស ជូនដល់មន្រ្តីបុគ្គលិកធនាគារជាតិ នៃកម្ពុជា ព្រមទាំងក្រុមគ្រួសារ។ ភាពជាដៃគូយុទ្ធសាស្ត្រនេះនឹងធានាឱ្យបានថា មន្រ្តីបុគ្គលិកធនាគារជាតិ នៃកម្ពុជា និងក្រុមគ្រួសារ ទទួលបានការថែទាំសុខភាពដែលមានគុណភាពខ្ពស់ ដែលជាការជំរុញឱ្យបរិយាកាសការងារកាន់តែមានភាពល្អប្រសើរ និងបង្កើនផលិតភាពការងារ។
![](https://www.kampucheathmey.com/wp-content/uploads/2024/06/photo_2024-06-21_15-15-21-2-1024x682.jpg)
កិច្ចព្រមព្រៀងនេះក៏នឹងជួយសម្រួលដល់គំនិតផ្ដួចផ្ដើមសហការក្នុងការរៀបចំសិក្ខាសាលាទាក់ទងនឹងសុខភាព សម្រាប់ធនាគារជាតិនៃកម្ពុជា។ លើសពីនេះ មន្ទីរពេទ្យ អុីនធ័រឃែរ មានបំណងជំរុញកិច្ចសហការក្នុងគម្រោងទំនួលខុសត្រូវសង្គមសាជីវកម្ម ដោយរួមបញ្ចូ លសកម្មភាពសប្បុរសធម៌ និងកម្មវិធីស្ម័គ្រចិត្តរបស់មន្រ្តីបុគ្គលិក។
![](https://www.kampucheathmey.com/wp-content/uploads/2024/06/photo_2024-06-21_15-15-20-1024x682.jpg)
តាមរយៈកិច្ចព្រមព្រៀងសហប្រតិបត្តិការនេះ មន្ទីរពេទ្យ អុីនធ័រឃែរ និងធនាគារជាតិ នៃកម្ពុជា មានទំនុកចិត្តក្នុងការលើកកម្ពស់សុខភាព និងការចូលរួមបង្កើនផលិតភាពការងារ។ បន្ថែមពីនេះ ក្រោមកិច្ចសហការនេះ នឹងធ្វើឱ្យមានការផ្លាស់ប្តូរបែបវិជ្ជមានជាច្រើនដល់សហគមន៍កាន់តែទូលំទូលាយ តាមរយៈការគាំទ្រគំនិតផ្តួចផ្តើមទាក់ទងនឹងសុខភាព និងសង្គមផ្សេងៗ។
![](https://www.kampucheathmey.com/wp-content/uploads/2024/06/photo_2024-06-21_15-15-23-2-1024x682.jpg)
គួរបញ្ជាក់ថា មន្ទីរពេទ្យ អុីនធ័រឃែរ ត្រូវបានបង្កើតឡើងក្នុង ឆ្នាំ២០២០ ដែលមានទីតាំងនៅក្នុង មជ្ឈមណ្ឌលវេជ្ជសាស្រ្តអូឡាំព្យា។ ការទទួលបានការថែទាំសុខភាពពីវេជ្ជបណ្ឌិតក្នុងស្រុក និងបរទេសដែលបានទទួលការបណ្តុះបណ្តាលជាអន្តរជាតិនៅមន្ទីរពេទ្យ អុីនធ័រឃែរ ជាការបង្ហាញពីអនាគតដ៏ល្អប្រសើរសម្រាប់វិស័យវេជ្ជសាស្រ្តក្នុងប្រទេសកម្ពុជា។ កត្តានេះនឹងជំរុញឱ្យមានក្តីសង្ឃឹម និងទំនុកចិត្តលើការជួយសង្រ្គោះជីវិត និងលើកកម្ពស់គុណភាពជីវិតរបស់ប្រជាជនខ្មែរគ្រប់រូប។ កិច្ចសហការនេះសង្កត់ធ្ងន់លើការទទួលបាននូវការថែទាំសុខភាពប្រកបដោយស្តង់ដាខ្ពស់ បែបអន្តរជាតិនៅក្នុងប្រទេសកម្ពុជា និងបង្ហាញពីការអភិវឌ្ឍ នៃសេវាថែទាំសុខភាពក្នុងប្រទេស ដើម្បីកាត់បន្ថយការទៅទទួលការថែទាំសុខភាពនៅក្រៅប្រទេស៕
![](https://www.kampucheathmey.com/wp-content/uploads/2024/06/photo_2024-06-21_15-15-21-3-1024x682.jpg)
អត្ថបទ៖ សំអឿន
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ