ព័ត៌មានជាតិ
ឯកឧត្ដម ហ៊ុន ម៉ានី ៖ គណៈកម្មាធិការគណបក្សក្រសួងមុខងារសាធារណៈ បានរួមចំណែកយ៉ាងធំធេង អនុវត្តគោលនយោបាយគណបក្សប្រជាជនកម្ពុជា
ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាសមាជិកគណៈអចិន្ត្រៃយ៍គណៈកម្មាធិការកណ្ដាល បានលើកឡើងថា «គណៈកម្មាធិការគណបក្សក្រសួងមុខងារសាធារណៈ បានរួមចំណែកយ៉ាងធំធេង ក្នុងការអនុវត្តគោលនយោបាយរបស់គណបក្សប្រជាជនកម្ពុជា សម្រាប់ការកសាង និងការពារមាតុភូមិ ឆ្នាំ ២០២៣-២០២៨»។
ការលើកឡើងនេះ ក្នុងឱកាស ឯកឧត្ដម ហ៊ុន ម៉ានី បានអញ្ជើញជាអធិបតីភាព ក្នុងពិធីប្រកាសបញ្ចូលសមាជិកគណបក្ស និងប្រកាសតែងតាំងគណៈកម្មាធិការគណបក្សមូលដ្ឋាន គណៈកម្មាធិការសាខាគណបក្ស នៃគណៈកម្មាធិការគណបក្ស ក្រសួងមុខងារសាធារណៈ កាលពីថ្ងៃទី ២១ ខែមិថុនា ឆ្នាំ ២០២៤ ម្សិលមិញ។
នាឱកាសនោះ ឯកឧត្ដម ហ៊ុន ម៉ានី លើកឡើងបន្តថា កន្លងមក ក្រៅពីការចូលរួមយ៉ាងសកម្មក្នុងការងារបក្ស និងការងារមូលដ្ឋាន ដែលគាំទ្រដល់គោលនយោបាយធំៗ ជាអាទិភាពរបស់គណបក្ស សមាជិក សមាជិកា នៃគណៈកម្មាធិការគណបក្សក្រសួងមុខងារសាធារណៈ បានចូលរួមយ៉ាងសកម្មក្នុងការពង្រឹងរដ្ឋបាលសាធារណៈគ្រប់ថ្នាក់ ជារដ្ឋបាលរបស់ប្រជាជន និងបម្រើផលប្រយោជន៍ប្រជាជន រួមទាំងការបន្តជំរុញការកែទម្រង់ ដើម្បីអភិបាលកិច្ចល្អ។
ឯកឧត្ដម ហ៊ុន ម៉ានី លើកឡើងបន្តទៀតថា សកម្មភាពទាំងនេះ ត្រូវបានមើលឃើញជាក់ស្ដែងតាមរយៈការចូលរួមក្នុងការកែលម្អប្រព័ន្ធជ្រើសរើសមន្ត្រីរាជការ និងការចូលរួមលើកកម្ពស់ប្រសិទ្ធភាព និងសមិទ្ធកម្មស្ថាប័ន រួមទាំងការអនុវត្តប្រព័ន្ធលើកទឹកចិត្តផ្អែកលើសមិទ្ធកម្មជាដើម។
ឯកឧត្ដម ហ៊ុន ម៉ានី លើកឡើងបន្ថែមថា ការចូលរួមក្នុងបេសកកម្មកែទម្រង់រដ្ឋបាលសាធារណៈ របស់សមាជិក សមាជិកាទាំងអស់ គឺជាការធានាដល់ការកសាងបាននូវរដ្ឋបាលសាធារណៈមានសមត្ថភាព ខ្លាំង វៃឆ្លាត ស្អាតស្អំ និងផ្តោតលើប្រជាជន សំដៅដល់ការផ្តល់សេវាសាធារណៈ និងការអភិវឌ្ឍសង្គមប្រកបដោយសមធម៌ យុត្តិធម៌ និងបរិយាបន្ន។
ជាមួយនេះ ឯកឧត្ដមឧបនាយករដ្ឋមន្ត្រី ក៏បានលើកឡើងបន្ថែមទៀតថា ក្នុងឱកាស នៃពិធីប្រកាសបញ្ចូលសមាជិកគណបក្ស និងប្រកាសតែងតាំងគណៈកម្មាធិការគណបក្សមូលដ្ឋាន គណៈកម្មាធិការសាខាគណបក្ស នៃគណៈកម្មាធិការគណបក្ស ក្រសួងមុខងារសាធារណៈ កាលពីរសៀលម្សិលមិញ ឯកឧត្ដម សូមចូលរួមអបអរសាទរដល់សមាជិក សមាជិកា ដែលទើបត្រូវបានអនុញ្ញាតរួមជីវភាពជាមួយគណបក្សប្រជាជនកម្ពុជា ដែលជាគណបក្សដ៏រឹងមាំ និងជាគណបក្សតែមួយគត់ដែលអាចសម្រេចបាននូវក្តីសង្ឃឹមជូនប្រជាជនកម្ពុជា និងរក្សាបានសុខសន្តិភាព ស្ថិរភាពនយោបាយពេញលេញជូនប្រទេសជាតិ។
ទន្ទឹមនេះ ឯកឧត្ដម សូមកោតសរសើរដល់សមាជិក សមាជិកា ទាំងអស់ ដែលបានបំពេញការងារអស់ពីកម្លាំងកាយចិត្ត ប្រាជ្ញា ស្មារតី ដើម្បីបម្រើផលប្រយោជន៍ជូនជាតិ និងប្រជាជន៕
អត្ថបទ ៖ ពិសី
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ