ព័ត៌មានអន្ដរជាតិ
ភ្លើងឆេះព្រៃនៅតួកគី ឆក់យកជីវិតមនុស្ស ១១ នាក់
មនុស្ស ១១នាក់ត្រូវស្លាប់ និងរាប់សិបនាក់ទៀតរងរបួស ខណៈភ្លើងឆេះព្រៃបានលេបត្របាក់ភូមិជាច្រើននៅភាគអាគ្នេយ៍ប្រទេសតួកគី។ នេះបើយោងតាមការចេញផ្សាយរបស់សារពត៌មាន Al Jazeera នៅថ្ងៃទី ២២ ខែ មិថុនា។
ភ្លើងឆេះពេញមួយយប់ចាប់ពីទីក្រុង Diyarbakir ដល់ Mardin កាលពីថ្ងៃសុក្រ ក៏បានបណ្ដាលឲ្យមនុស្ស ៧៨ នាក់រងរបួសផងដែរ ខណៈ៥នាក់ស្ថិតនៅក្នុងស្ថានភាពធ្ងន់ធ្ងរ។ អគ្គិភ័យបានផ្តើមចេញពីការឆេះដំណាំ បូករួមនឹងមានខ្យល់បក់ខ្លាំង បានរីករាលដាលយ៉ាងឆាប់រហ័សដែលប៉ះពាល់ដល់ភូមិចំនួន ៥។ ក្រុមអ្នកជួយសង្គ្រោះបានបញ្ជូនរថយន្តសង្គ្រោះនិងឡានទឹករាប់សិបគ្រឿង ដើម្បីជួយសង្គ្រោះផងដែរ។
ទន្ទឹមនឹងនេះ នៅទូទាំងប្រទេសភាគពាយព្យនៃប្រទេសតួកគី ក្រុមអ្នកពន្លត់អគ្គិភ័យកំពុងទប់ស្កាត់ភ្លើងឆេះព្រៃនៅជិតទីក្រុង Ayvacik ក្នុងខេត្ត Canakkale ។នៅទីនោះមិនមាននរណាម្នាក់រងរបួសនោះទេ ប៉ុន្តែអាជ្ញាធរបានជម្លៀសមនុស្សចេញពីភូមិដើម្បីជាការប្រុងប្រយ័ត្នជាមុន។
គួរបញ្ជាក់ថា នេះគឺជាភ្លើងឆេះព្រៃមួយក្នុងចំណោមភ្លើងឆេះព្រៃជាច្រើនដែលផ្ទុះឡើងនៅខេត្ត Canakkale កាលពីសប្តាហ៍មុន ចំពេលមានខ្យល់បក់ខ្លាំង និងសីតុណ្ហភាពរដូវក្តៅក្តៅខ្លាំង។ យោងតាមប្រព័ន្ធព័ត៌មានភ្លើងឆេះព្រៃអឺរ៉ុប (EFFIS) បានឱ្យដឹងថា ប្រទេសតួកគី ជួបប្រទះភ្លើងឆេះព្រៃចំនួន ៧៤ ដងក្នុងឆ្នាំនេះ ដែលបានបំផ្លាញផ្ទៃដីចំនួន ១២៩១០ ហិចតា៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា