ព័ត៌មានជាតិ
ស្រុកចំនួន៣ ក្នុងខេត្តត្បូងឃ្មុំ រងការបំផ្លាញពីដង្កូវហ្វូងលើដំណាំស្រូវ និងដំឡូងមីជិត៧០០ហិកតា
ហ្វូងដង្កូវស៉ីបំផ្លាញដំណាំស្រូវ និងដំណាំដំឡូងមី របស់ប្រជាកសិករនៅក្នុងភូមិសាស្ត្រខេត្តត្បូងឃ្មុំ អស់ប្រមាណលើផ្ទៃដី ៦៧៩ហិកតា (ដំណាំស្រូវ ៥៩០ហិកតា និងដំណាំដំឡូងមី ៨៩ហិកតា) តែករណីនេះ មន្ត្រីជំនាញនៃមន្ទីរកសិកម្មរុក្ខាប្រមាញ់ និងនេសាទខេត្ត បានចាត់វិធានការទប់ស្កាត់ កម្ចាត់ហ្វូងដង្កូវដែលរាតត្បាតស៉ីបំផ្លាញលើដំណាំរបស់កសិករបានទាន់ពេលវេលា នៅថ្ងៃទី២១ ខែមិថុនា ឆ្នាំ២០២៤នេះ។
លោក ហេង ពិសិដ្ឋ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត បានឲ្យដឹងថា បន្ទាប់ពីទទួលព័ត៌មានពីប្រជាកសិករមានករណីវត្តមានដង្កូវហ្វូងស៉ីបំបំផ្លាញដំណាំស្រូវ និងដំណាំដំឡូងមីរបស់ប្រជាកសិករ នៅក្នុងភូមិសាស្រ្តឃុំ ស្រុកមួយចំនួនក្នុងខេត្តត្បូងឃ្មុំភ្លាម មន្ទីរបានចាត់មន្ត្រីចុះស្រាវជ្រាវពិនិត្យ និងវាយតម្លៃឃើញថា លើទំហំផ្ទៃដីខាងលើ ពិតជារងការរាតត្បាតបំផ្លាញ់ពីដង្កូវហ្វូង នៅក្នុងស្រុកពញាក្រែក មាន៤ឃុំ ស្រុកតំបែរមាន៣ឃុំ និងស្រុកត្បូងឃ្មុំ មាន១ឃុំ។ ចំពោះមុខករណីនេះ មន្ត្រីជំនាញបានចុះពន្យល់ណែនាំពីវិធានការទប់ស្កាត់ និងកម្ចាត់ដង្កូវហ្វូងដែលរាតត្បាតបំផ្លាញលើដំណាំស្រូវ និងដំណាំដំឡូងមី។
លោកប្រធានមន្ទីរបានបញ្ជាក់ទៀតថា ក្នុងនោះមន្ត្រីបានធ្វើការណែនាំដល់កសិករចំនួន១១លើក ដែលមានបងប្អូនកសិករចំនួន២៥៥នាក់ ដោយចាត់វិធានការកម្ចាត់ប្រើវិធីសាស្ត្របង្កើតជម្រកសិប្បនិម្មិត និងបាញ់ថ្នាំសម្លាប់ដង្កូវហ្វូងសម្រេចលើផ្ទៃដីខាងលើ។ បានផ្សព្វផ្សាយ តាមវិទ្យុ ទូរទស្សន៍ និងតាមបណ្តាញសង្គមផងដែរ។ ជាងនេះទៀត ឲ្យមន្ត្រីកសិកម្មឃុំ សហការជាមួយលោកមេឃុំ និងអញ្ជើញលោកមេភូមិផ្សព្វផ្សាយពីបញ្ហាហ្វូងដង្កូវនេះ។ មន្ទីរនឹងបន្តសហការជាមួយអាជ្ញាធរមូលដ្ឋាន តាមដានពីប្រសិទ្ធភាព នៃការអន្តរាគមន៍ និងការរាលដាលថ្មីៗដើម្បីចាត់វិធានការឲ្យទាន់ពេលវេលា៕
អត្ថបទ៖ សាន វិឡែម
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២០ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ