សន្តិសុខសង្គម
សមត្ថកិច្ចបន្តបង្កើនការល្បាតចុះតាមមូលដ្ឋានមានការប្រមូលផ្តុំ របស់ក្រុមក្មេងទំនើងពេលរាត្រី
កម្លាំងសមត្ថកិច្ចនគរបាលរាជធានីភ្នំពេញ សហការជាមួយកម្លាំងនគរបាល នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបន្តអនុវត្តប្រតិបត្តិការចុះល្បាតពួនស្ទាក់គ្រប់ច្រកល្ហកក្នុងភូមិសាស្ត្ររាជធានីភ្នំពេញ ដើម្បីបង្ការទប់ស្កាត់ និងបង្ក្រាបក្រុមក្មេងទំនើង។
លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានប្រាប់ឱ្យដឹងថា សមត្ថកិច្ចនឹងបង្កើនការល្បាតជាប្រចាំ ទៅតាមតំបន់ងាយរងគ្រោះ ពិសេសនោះ គឺម៉ោងពេលយប់ជ្រៅជាថេរៈវេលាក្មេងៗ ឬយុវជនដែលមិនមានកិច្ចការងារគួរចូលផ្ទះ ដោយសមត្ថកិច្ចមិនបន្តអនុញ្ញាតិឱ្យមានការជួបជុំ ប្រមូលផ្តុំទៀតនោះឡើយ។
ប្រជាពលរដ្ឋ គាំទ្រចំពោះវិធានការដ៏តឹងរឹងរបស់សមត្ថកិច្ចចំពោះសកម្មភាពក្មេងទំនើង ហើយពួកគាត់បានមើលឃើញថា ក្នុងរយៈក្រោយនេះ សកម្មភានេះហាក់ថមថយច្រើនគួរកត់សម្គាល់ផងដែរ ដោយសារការប្រឹងប្រែងបង្ក្រាបរបស់សមត្ថកិច្ច។
គួរបញ្ជាក់ថា ប្រតិបត្តិការក្តៅជាលើកទី២នេះ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបង្កើតក្រុមសមត្ថកិច្ចចល័ត ដោយនឹងបើកការចុះបង្ក្រាបមុខសញ្ញាក្រុមក្មេងទំនើងដល់តាមខ្នងផ្ទះតែម្តង ក្នុងករណីកំណត់បានច្បាស់ពីអត្តសញ្ញាណ ដោយមិនបណ្តែតបណ្តោយឱ្យពួកគេរួចខ្លួននោះឡើយ ។ ហើយបើមុខសញ្ញានោះរត់គេចខ្លួនចេញពីផ្ទះទៅតាមបណ្តាខេត្តវិញនោះ នគរបាលក៏បន្តពន្លាតដែនសមត្ថកិច្ចរបស់ខ្លួន ស្រាវជ្រាវតាមចាប់យកមកផ្តន្ទាទោសតាមផ្លូវច្បាប់ឱ្យខាងតែបាន ដោយមិនមានការលើកលែងនោះឡើយ៕
អត្ថបទ៖ សុភា
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា