ព័ត៌មានជាតិ
ចិនចង់ឱ្យអឺរ៉ុបលុបចោលវិធានការបង្កើនពន្ធត្រឹមថ្ងៃ ៤ កក្កដា ខណៈភាគីទាំង២គ្រោងជួបគ្នាពិភាក្សាគ្នា
កាសែតរដ្ឋចិន Global Times បានរាយការណ៍នៅថ្ងៃចន្ទនេះថា រដ្ឋាភិបាលចិនចង់ឱ្យសហភាពអឺរ៉ុបលុបចោលវិធានការដំឡើងពន្ធលើរថយន្តអគ្គិសនីនាំចូលពីចិនត្រឹមថ្ងៃទី ៤ ខែកក្កដា ខណៈភាគីទាំង២ព្រមព្រៀងគ្នាសម្រាប់ជំនួបពិភាក្សារកដំណោះស្រាយសារជាថ្មី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
![](https://www.kampucheathmey.com/wp-content/uploads/2024/06/EU-and-China-flag-4-1024x614.jpg)
Global Times ផ្សាយដោយស្រង់សម្ដីអ្នកសង្កេតការណ៍ថា លទ្ធផលដ៏ល្អបំផុត គឺសហភាពអឺរ៉ុបលុបចោលនូវវិធានការពន្ធរបស់ខ្លួនមុនថ្ងៃទី ៤ កក្កដា ខណៈការបង្កើនគោលនយោបាយការពារនិយមរបស់ប្លុក នឹងបង្កឱ្យមានវិធានការតបត ហើយកំណើនភាពតានតឹងនៃជម្លោះពាណិជ្ជកម្មនឹងនាំទៅរកតែលទ្ធផលចាញ់សម្រាប់ភាគីទាំងសងខាងប៉ុណ្ណោះ។
គួរគូសបញ្ជាក់ថា វិធានការដំឡើងពន្ធលើរថយន្តអគ្គិសនីនាំចូលពីចិនរបស់សហភាពអឺរ៉ុប នឹងចូលជាធរមានជាបណ្ដោះអាសន្ននៅថ្ងៃទី ៤ កក្កដា ខាងមុខ ខណៈប្លុកបន្ដស៊ើបអង្កេតលើករណីរដ្ឋាភិបាលចិនផ្ដល់ឧបត្ថម្ភធនជាសណ្ធឹកដល់ក្រុមហ៊ុនក្នុងស្រុក ដែលអាចឱ្យពួកគេលក់ផលិតផលរបស់ខ្លួនក្នុងតម្លៃថោកជាងលើទីផ្សារបរទេស។
![](https://www.kampucheathmey.com/wp-content/uploads/2024/06/chinas-byd-car-at-the-port-5-1024x614.jpg)
ចិនតែងបដិសេធការចោទប្រកាន់ និងបានជំរុញឱ្យប្លុកអឺរ៉ុបលុបចោលវិធានការ ដោយលើកឡើងផងដែរថា ខ្លួនមិនចង់ប្រឡូកក្នុងសង្រ្គាមពាណិជ្ជកម្មមួយទៀតទេ។
ទោះបីជាភាពតានតឹងបន្តក៏ដោយ រ៉យទ័របានចុះផ្សាយថា ភាគីទាំង២បានយល់ព្រមគ្នាចាប់ផ្តើមកិច្ចចរចាឡើងវិញ បន្ទាប់ពីជំនួបរវាងស្នងការសហភាពអឺរ៉ុបលោក Valdis Dombrovskis និងរដ្ឋមន្ត្រីពាណិជ្ជកម្មចិនកាលពីថ្ងៃសៅរ៍ ក្នុងអំឡុងដំណើរទស្សនកិច្ចទៅកាន់ប្រទេសចិនជាមួយរដ្ឋមន្ត្រីសេដ្ឋកិច្ចអាល្លឺម៉ង់ ដែលបាននិយាយថា ទ្វារសម្រាប់កិច្ចពិភាក្សាគឺបើកចំហ៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ១ សប្តាហ៍ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៧ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៤ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សុខភាព២ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ២ ថ្ងៃ ago
លោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»
-
ព័ត៌មានជាតិ២ ថ្ងៃ ago
ខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា
-
ព័ត៌មានជាតិ៣ ថ្ងៃ ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង