កីឡា
លទ្ធផល២គូយប់មិញ ធ្វើឲ្យមានក្រុម៨បានឡើងវគ្គ១៦ក្រុមចុងក្រោយអឺរ៉ូ
ពេលនេះការប្រកួតជើងឯកទ្វីបអឺរ៉ុប (EURO) ឆ្នាំ២០២៤ រកឃើញ៨ក្រុមហើយឡើងវគ្គ១៦ក្រុមចុងក្រោយ បន្ទាប់ពីបញ្ចប់ការប្រកួតសន្សំពិន្ទុនៅក្នុងពូល B កាលពីយប់មិញ។
កាលពីយប់មិញ អេស្ប៉ាញ បានយកឈ្នះ អាល់បានី ១-០ ដើម្បីរកបាន៩ពិន្ទុពេញ ខណៈ អ៉ីតាលី បានស្មើ ក្រូអាត ១-១ ដើម្បីរកបាន៤ពិន្ទុ ដូច្នេះក្រូអាតមានតែ២ពិន្ទុប៉ុណ្ណោះដែលធ្វើឲ្យមានឱកាសស្តួចស្តើងក្នុងនាមជាក្រុមលេខ៣ល្អបំផុត ខណៈអាល់បានី ធ្លាក់ហើយ។ ដូច្នេះផ្តល់ឱកាសឲ្យក្រុមនៅពូលផ្សេងទៀតមានឱកាសឡើងវគ្គ១៦ក្រុមចុងក្រោយ។
![](https://www.kampucheathmey.com/wp-content/uploads/2024/06/euro-last-16-team-1024x445.png)
១-ម្ចាស់ផ្ទះអាល្លឺម៉ង់ ឡើងវគ្គ១៦ក្រុមចុងក្រោយក្នុងនាមជាក្រុមលេខ១ក្នុងពូល A បន្ទាប់ពីពួកគេចប់វគ្គសន្សំពិន្ទុក្នុងពូលគឺ ឈ្នះ២ និងស្មើ១ មាន៧ពិន្ទុ តាមរយៈជ័យជម្នះទី១លើស្កុតឡែន ៥-១, ប្រកួតលើកទី២ឈ្នះហុងគ្រី ២-០ និងចុងក្រោយបានស្មើស្វីស ១-១។
![](https://www.kampucheathmey.com/wp-content/uploads/2024/06/germany-1024x578.png)
២-ស្វីស បានឡើងវគ្គ១៦ក្រុមចុងក្រោយក្នុងនាមជាក្រុមលេខ២ក្នុងពូល A បន្ទាប់ពីរកបាន៥ពិន្ទុ តាមរយៈការប្រកួតឈ្នះ១ និងស្មើ២ គឺឈ្នះ ហុងគ្រី ៣-១, ស្មើស្កុតឡែន ១-១ និងចុងក្រោយ ឈ្មើ ម្ចាស់ផ្ទះអាល្លឺម៉ង់ ១-១។
![](https://www.kampucheathmey.com/wp-content/uploads/2024/06/switzerland-1024x620.png)
៣- អេស្ប៉ាញ បានឡើងវគ្គ១៦ក្រុមចុងក្រោយក្នុងនាមជាក្រុមលេខ១ក្នុងពូល B បន្ទាប់ពីឈ្នះ៣ប្រកួតជាប់គ្នា រកបាន៩ពិន្ទុ គឺឈ្នះក្រូអាត ៣-0, ឈ្នះអ៉ីតាលី ១-០ និងឈ្នះ អាល់បានី ១-០។
![](https://www.kampucheathmey.com/wp-content/uploads/2024/06/SPAIN-1-1024x620.png)
៤-ព័រទុយហ្គាល់ បានឡើងវគ្គ១៦ក្រុមចុងក្រោយក្នុងនាមជាក្រុមលេខ១ក្នុងពូល F បន្ទាប់ពីរកបាន៦ពិន្ទុ តាមរយៈជ័យជម្នះលើឆេក ២-១ និងឈ្នះតួកគី ៣-០។ ការប្រកួតចុងក្រោយ ព័រទុយហ្គាល់ ប៉ះហ្សកហ្ស៊ី នៅថ្ងៃទី២៦ ខែមិថុនា។
![](https://www.kampucheathmey.com/wp-content/uploads/2024/06/CRISTIANO-RONALDO-1-1024x1024.jpg)
៥- អ៉ីតាលី បានឡើងទៅកាន់វគ្គ១៦ក្រុមចុងក្រោយ ក្នុងនាមជាក្រុមលេខ២នៅពូល B បន្ទាប់ពីរកបាន៤ពិន្ទុ ពីការឈ្នះ អាល់បានី ២-១ ស្មើក្រូ ១-១ និងចាញ់ អេស្ប៉ាញ ០-១។
![](https://www.kampucheathmey.com/wp-content/uploads/2024/06/Italy-1024x582.png)
៦- អង់គ្លេស បានឡើងទៅកាន់វគ្គ១៦ក្រុមចុងក្រោយ ទោះបីមិនទាន់ប្រកួតសន្សំពិន្ទុលើកទី៣ បន្ទាប់ពីលទ្ធផលការប្រកួតបញ្ចប់នៅពូល B កាលពីយប់មិញ។ អង់គ្លេស មាន៤ពិន្ទុ ពីការឈ្នះស៊ែប៊ី ១-០ និងស្មើដាណឺម៉ា ១-១។
![](https://www.kampucheathmey.com/wp-content/uploads/2024/06/England-1-1024x574.png)
៧- បារាំង ក៏បានឡើងទៅកាន់វគ្គ១៦ក្រុមចុងក្រោយ បន្ទាប់ពីលទ្ធផលការប្រកួតបញ្ចប់ពូល B យប់មិញដែរ។ បារាំង កំពុងមាន៤ពិន្ទុ ពីការឈ្នះអូទ្រីស ១-០ និងស្មើ ហុល្លង់ ០-០។ បារាំងកំពុងស្ថិតនៅលេខ២ក្នុងពូល D ជាបណ្តោះអាសន្ន។
![](https://www.kampucheathmey.com/wp-content/uploads/2024/06/French-1024x680.png)
៨- ហុល្លង់ ក៏មិនខុសពីបារាំងដែរបានឡើងទៅវគ្គ១៦ក្រុមចុងក្រោយ ដោយសារតែលទ្ធផលបញ្ចប់ពូល B។ ហុល្លង់មាន៤ពិន្ទុ កំពុងឈរលេខ១ក្នុងពូល D បន្ទាប់ពីឈ្នះ ប៉ូឡូញ ២-១ និងស្មើបារាំង ០-០។ រវាងបារាំង និងហុល្លង់ ត្រូវប្រជែងគ្នាដណ្តើមយកលេខ១ក្នុងពូល៕
![](https://www.kampucheathmey.com/wp-content/uploads/2024/06/Netherlands.png)
![](https://www.kampucheathmey.com/wp-content/uploads/2024/06/third-best-team-euro-2024-1024x326.png)
អត្ថបទ៖ វីរបុត្រ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ