កំហុស ៣ យ៉ាង តាមជំនឿហុងស៊ុយ មិនគួរធ្វើដាច់ខាតសម្រាប់ទ្វារផ្ទះ

ទ្វារផ្ទះគឺជាផ្នែកសំខាន់នៃផ្ទះ​ យោងទៅតាមគោលការណ៍ហុងស៊ុយ ទ្វារគឺជាចំណុចចូលថាមពល ដូច្នេះតំបន់នេះប៉ះពាល់ដល់ជីវិត និងសុខុមាលភាពរបស់ម្ចាស់ផ្ទះ។ ​ អ្នកជំនាញហុងស៊ុយបានផ្តល់អនុសាសន៍ថា ការរចនាទ្វារ និងការដាក់មិនគួរត្រូវបានមើលរំលង។ ជាក់ស្តែង មានកំហុសចំនួន ៣ ដែលម្ចាស់ផ្ទះគួរតែចៀសវាងឲ្យខានតែបាន។

ទ្វារចូលផ្ទះទល់មុខទ្វារបន្ទប់ទឹក

នៅផ្ទះខ្លះបន្ទប់ទឹកទល់មុខទ្វារចូល ក្រៅ​ពី​មិន​ស្អាត វាក៏បណ្តាលឲ្យបាត់បង់ភាពឯកជនផងដែរ។ បន្ទប់ទឹកគឺជាកន្លែងដែលមានថាមពលអវិជ្ជមាន ខណៈពេលដែលទ្វារខាងមុខគឺជាច្រកចូលនៃថាមពលវិជ្ជមាន។ ការ​ដាក់​ទ្វារ​ពីរ​ទល់​មុខ​គ្នា​នឹង​បង្កើត​ជម្លោះ ហើយអាចបណ្តាលឲ្យមានភាពមិនស្មើគ្នានៅក្នុងគ្រួសារ។

សម្រាប់ភាពសមរម្យ ទីតាំងនៃបន្ទប់ទឹក និងទ្វារចូលគួរតែត្រូវបានកែសម្រួលតាំងពីដើមដំបូងនៃការរចនាផ្ទះ។ ប៉ុន្តែប្រសិនបើអ្នកមិនអាចផ្លាស់ប្តូរវាបាន។ អ្នកអាចបង្កើតភាគថាសដើម្បីទប់ស្កាត់ទិដ្ឋភាពរបស់អ្នក។

ដាក់គំនរសំរាមនៅមុខទ្វារ

ការដាក់សំរាមនៅតំបន់នេះ វាអាចធ្វើឲ្យផ្ទះមើលទៅមិនទាក់ទាញ។ លើសពីនេះទៅទៀត សំរាមទាំងនេះ វាក៏រំខានដល់ថាមពលល្អដែលហូរចូលផ្ទះផងដែរ។ ជាពិសេសទៀតសោត សំរាមជារបស់ស្អុយរលួយ មានក្លិនមិនល្អ ដែលយើងគ្រប់គ្នាមិនគួរដាក់មុខទ្វារឃាំងលាភសំណាងប្រុងចូលមកទេ។

កញ្ចក់បែរមុខទៅទ្វារ

វាមិនមានអ្វីខុសទេ ក្នុងការនាំយកកញ្ចក់ចូលទៅក្នុងផ្ទះរបស់អ្នក ដើម្បីឆ្លុះមើលរាងកាយឲ្យបានសមសួន មុនពេលចាកចេញពីផ្ទះ។ ប៉ុន្តែ​ការ​ដាក់​កញ្ចក់​ទល់មុខ​ច្រកចូល​ផ្ទះ​របស់​អ្នក ​ពិតជា​ខុស​ខ្លាំងណាស់​។ ជាលទ្ធផល សំណាងនឹងគេចផុត។ ចំណែកឯលុយកាក់ក៏លេចធ្លាយទៅតាមហ្នឹងដូចគ្នា៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូ ណុប

ចុចអាន៖គន្លឹះហុងស៊ុយ ៥ យ៉ាង លើតុធ្វើការ ជាពិសេសបុគ្គលិកការិយាល័យគួរដឹង