ចរាចរណ៍
សមត្ថកិច្ចឲ្យអ្នកបើករថយន្ដដឹកកម្មករក្រឡាប់នៅកំពង់ស្ពឺ ចេញមុខទទួលខុសត្រូវ ក្នុងករណីមិនដោះស្រាយនឹងអនុវត្តតាមផ្លូវតុលាការ
បន្ទាប់ពីមានហេតុការណ៍គ្រោះថ្នាក់ក្រឡាប់រថយន្ដនៅផ្លូវជាតិលេខ៤ ចំណុចភូមិព្រៃផ្ដៅ ឃុំត្រពាំងគង ស្រុកសំរោងទង ខេត្តកំពង់ស្ពឺ បណ្ដាលឲ្យកម្មករកម្មការិនី៤៥នាក់រងរបួសធ្ងន់ស្រាលនោះមក នគរបាលខេត្តកំពង់ស្ពឺ បានឲ្យអ្នកបើកបរដែលជាម្ចាស់រថយន្ដត្រូវចេញមុខមកទទួលខុសត្រូវ ដោះស្រាយជូនជនរងគ្រោះតាមផ្លូវច្បាប់ ក្នុងករណីមិនមុខដោះស្រាយសមត្ថកិច្ចនឹងបន្ដនីតិវិធីអនុវត្តតាមផ្លូវតុលាការ។ នេះតាមការប្រកាសព័ត៌មានរបស់ស្នងការដ្ឋាននគរបាលខេត្តកំពង់ស្ពឺ កាលពីថ្ងៃ២៥ មិថុនាម្សិលមិញនេះ។
![](https://www.kampucheathmey.com/wp-content/uploads/2024/06/448899876_804697101773442_4260125342057100369_n-1024x768.jpg)
តាមរយៈការប្រកាសព័ត៌មាន ករណីគ្រោះថ្នាក់ក្រឡាប់រថយន្ដដឹកកម្មករកម្មការិនីនេះ គឺដោយសារកត្តាឆ្វេសប្រហែស និងជាការទទួលខុសត្រូវទាំងស្រុងចំពោះអ្នកដំណើរដែលជាអ្នកជិះរថយន្ដរក្សាកម្រៃសេវាឈ្នួលរបស់ម្ចាស់រថយន្ដ។ ដោយបានពិនិត្យ និងបានវាស់វែងស្រាវជ្រាវលើលក្ខណៈបច្ចេកទេសយានយន្ដក្នុងពេលបង្កគ្រោះថ្នាក់ ជំនាញចរាចរណ៍កំណត់បានថា គ្រោះថ្នាក់ចរាចរណ៍ខាងលើ គឺបណ្ដាលមកពីកត្ដាឆ្វេសប្រហែសរបស់អ្នកប្រើប្រាស់យាន។
ក្នុងន័យនេះ សមត្ថកិច្ចសូមឲ្យបុគ្គលដែលជាអ្នកបើកបរ និងជាម្ចាស់រថយន្ដមានឈ្មោះ តន សុខទីន ( TON SOKTIN ) អត្ដសញ្ញាណប័ណ្ណលេខ 031012772 រស់នៅភូមិបន្ទាយខ្មែរ ឃុំជើងរាស់ ស្រុកសាមគ្គីមុនីជ័យ ខេត្តកំពង់ស្ពឺ ត្រូវចេញមុខមកទទួលខុសត្រូវលើការផ្ដល់សំណង រ៉ាប់រងថ្លៃព្យាបាលជំងឺជូនអ្នករងគ្រោះតាមផ្លូវច្បាប់។ ជាមួយគ្នានេះ សមត្ថកិច្ចសង្កត់ធ្ងន់ថា ក្នុងករណីមិនចេញមុខមកដោះស្រាយ សមត្ថកិច្ចនឹងបន្ដនីតិវិធីអនុវត្តតាមផ្លូវតុលាការ។
![](https://www.kampucheathmey.com/wp-content/uploads/2024/06/449032740_804697128440106_912525599615799544_n-1024x768.jpg)
សូមជម្រាបថា កាលពីវេលាម៉ោង៦និង២៥នាទីព្រឹក ថ្ងៃទី២៥ ខែមិថុនា ឆ្នាំ២០២៤ មានហេតុការណ៍គ្រោះថ្នាក់ក្រឡាប់រថយន្ដដឹកកម្មករកម្មការិនីមួយគ្រឿង នៅលើផ្លូវជាតិលេខ៤ ចន្លោះគីឡូម៉ែត្រលេខ ៣៥-៣៦ ចំណុចភូមិព្រៃផ្ដៅ ឃុំត្រពាំងគង ស្រុកសំរោងទង បណ្ដាលឲ្យកម្មករកម្មការិនីចំនួន៤៥នាក់រងរបួសធ្ងន់ស្រាលត្រូវបានបញ្ជូនសងគ្រោះនៅមន្ទីរពេទ្យ។
![](https://www.kampucheathmey.com/wp-content/uploads/2024/06/448902931_804697108440108_777494877246884934_n.jpg)
តាមសេចក្ដីរាយការណ៍របស់ស្នងការដ្ឋាននគរបាលខេត្តកំពង់ស្ពឺ ករណីនេះកើតឡើងមកពីរថយន្ដបុករថយន្ដពីក្រោយរួចគេចទៅបុកម៉ូតូមួយគ្រឿងទៀតរួចក្រឡាប់តែម្ដង។ អ្នករងរបួសត្រូវបានសមត្ថកិច្ចនគរបាលបញ្ជូនទៅកាន់មន្ទីរពេទ្យសរុប៤៥នាក់ ប្រុស៧នាក់ ក្នុងនោះរបួសធ្ងន់១៩នាក់ និងរបួសស្រាល ២៦នាក់ និងគ្មានអ្នកបាត់បង់អយុជីវិតនោះទេ៕
អត្ថបទ៖ សុខុម
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព