សន្តិសុខសង្គម
អាជ្ញាធរខេត្តកំពត ឃាត់ខ្លួនអ្នកបើកគ្រឿងចក្រ៣នាក់ដែលលួចឈូសឆាយដីព្រៃសហគមន៍ភ្នំត្នោត
នៅថ្ងៃទី២៦ ខែមិថុនា ឆ្នាំ២០២៤នេះ លោក ជួន សារ៉ា នាយខណ្ឌរដ្ឋបាលព្រៃឈើខេត្តកំពត បានប្រាប់ឲ្យដឹងថា នាពេលថ្មីៗនេះមានជនឆ្លៀតឱកាសបានយកគ្រឿងចក្រចំនួន៣គ្រឿងមកឈូសឆាយដីព្រៃសហគមន៍ទន្ទ្រានយក ហើយកាយជីកធ្វើព្រំរំលោភយកដីព្រៃឈើសហគមន៍ភ្នំត្នោត ស្ថិតក្នុងឃុំល្បើក ស្រុកឈូក ខេត្តកំពត។ ប៉ុន្តែក្នុងការឈូសឆាយទន្ទ្រានដីព្រៃសហគមន៍ទាំងនេះ ត្រូវបានអាជ្ញាធរ និងមន្ត្រីជំនាញ និងស្ថាប័នពាក់ព័ន្ធបានចុះបង្ក្រាបទាន់ពេលវេលា ដោយបានដកហូតវត្ថុតាងត្រាក់ទ័របានចំនួន ៣គ្រឿង និងមនុស្សយកមកសួរនាំ និងរក្សាទុកនៅប៉ុស្តិ៍នគរបាលរដ្ឋបាលឃុំល្បើក កាលពីថ្ងៃទី២៤ ខែមិថុនា ឆ្នាំ២០២៤។
លោក ជួន សារ៉ា នាយខណ្ឌរដ្ឋបាលព្រៃឈើខេត្តកំពតបានឲ្យដឹងថា យោងតាមការចង្អុលបង្ហាញណែនាំពីលោក ម៉ៅ ធនិន អភិបាលខេត្តកំពត ឱ្យកម្លាំងខណ្ឌរដ្ឋបាលព្រៃឈើកំពត សហការជាមួយគណៈបញ្ជាការឯកភាពស្រុកឈូក នាំកម្លាំងអធិកាដ្ឋាននគរបាលស្រុកឈូក និងប៉ុស្តិ៍នគរបាលរដ្ឋបាលឃុំល្បើក ចុះទៅពិនិត្យទីតាំងជាក់ស្ដែងឃើញបទល្មើសកំពុងប្រព្រឹត្តសកម្មភាព ដោយមានត្រាក់ទ័រចំនួន៣គ្រឿង កំពុងភ្ជួររំលោភយកដី និងឈូសឆាយទន្ទ្រាន នៅលើដីព្រៃសហគមន៍ភ្នំត្នោត ទាំងនោះបានកម្លាំងជំនាញធ្វើការឃាត់អ្នកបើកអាត្រាក់ទ័រយកមកសួរនាំ និងដកហួតវត្ថុតាងរួមមានអាត្រាក់ទ័រ ៣គ្រឿង និងឃាត់ខ្លួនមនុស្សបានចំនួន៣នាក់។
លោក ជួន សារ៉ា នាយខណ្ឌរដ្ឋបាលព្រៃឈើខេត្តកំពត បន្ទាប់ពីបានបង្ក្រាបបានហើយក៏បានរាយការណ៍ជូន លោក ម៉ៅ ធនិន អភិបាលខេត្តកំពត រួចហើយអភិបាលខេត្ត ក៏បានធ្វើការណែនាំ ឱ្យកងកម្លាំងមានសមត្ថកិច្ច និងមន្ត្រីជំនាញ ប្រគល់ជូនត្រាក់ទ័រទាំង៣គ្រឿងនេះហើយព្រមទាំងដោះលែងអ្នកបើកអាត្រាក់ទ័រ ឱ្យវិលត្រឡប់ទៅផ្ទះវិញដោយធ្វើការណែនាំឲ្យបញ្ឈប់ការប្រព្រឹត្តបទល្មើសបែបនេះបន្តទៅទៀត។ ដោយសារអ្នកបើកបរអាត្រាក់ទាំង៣នាក់នោះសុទ្ធតែជាអ្នកមកស៊ីឈ្នួលឱ្យគេ ហើយក៏បានដោះលែងឱ្យពួកគាត់ទៅវិញដោយពួកគាក់មិនបានដឹងថាសកម្មភាពនេះ ជាបទល្មើសនោះទេ។
លោក ជួន សារ៉ា នាយខណ្ឌរដ្ឋបាលព្រៃឈើខេត្តកំពត បានបញ្ជាក់ឲ្យដឹងថា ជំនាញនឹងបន្តនីតិវិធី និងធ្វើលិខិតអញ្ជើញមុខសញ្ញា អ្នកដែលជួលអាត្រាក់ទ័រទាំងបីគ្រឿងឱ្យមកជីកកកាយដីព្រៃសហគមន៍ភ្នំត្នោតខុសច្បាប់ខាងលើនេះ ឱ្យមកចូលខ្លួនធ្វើនីតិវិធីនៅសប្តាហ៍ក្រោយនេះ។
បើយោងតាមលោក ជួន សារ៉ា នាយខណ្ឌរដ្ឋបាលព្រៃឈើខេត្តកំពតបានឲ្យដឹងថា ជនដែលបង្កជួលឱ្យត្រាក់ទ័រមកជីកកកាយនៅលើដីព្រៃសហគមន៍ភ្នំត្នោត ដោយខុសច្បាប់នោះ មានឈ្មោះ រំដួល វន ភេទប្រុស ដែលមានទីលំនៅរស់នៅភូមិទួលសាលា ឃុំស្អាងភ្នំ ស្រុកស្អាង ខេត្តកណ្ដាលដោយបានមកស៊ីឈ្នួលឲ្យគេហើយបានមកឈូសឆាយនៅចំណុចដីព្រៃសហគមន៍ភ្នំត្នោត ដែលស្ថិតនៅភូមិត្រពាំងកុយ ឃុំល្បើក ស្រុកឈូក ខេត្តកំពត។
បើយោងតាមមន្ត្រីរដ្ឋបាលព្រៃឈើខេត្តកំពត បានបន្តឱ្យដឹងថា ដីព្រៃសហគមន៍ភ្នំត្នោត ស្ថិតក្នុងឃុំល្បើក ស្រុកឈូក ខេត្តកំពត មានផ្ទៃដីប្រមាណ ៤៥៨ហិកតា។
ប្រជាពលរដ្ឋ នៅក្នុងមូលដ្ឋានបានប្រាប់ឲ្យដឹងថា ដីព្រៃសហគមន៍ភ្នំត្នោតខាងលើ ជាច្រើនឆ្នាំមកហើយ តែងតែមានក្រុមឆ្លៀតឱកាស មកធ្វើការឈូសឆាយទន្ទ្រានកាន់កាប់ ហើយមានការលក់ទិញដូរ ដោយសេរីទៀតផង ប៉ុន្តែអាជ្ញាធរមូលដ្ឋានមិនបានបញ្ជាក់លើឯកសារទិញលក់ណាមួយនោះទេ ដោយសំអាងថា ដីសហគមន៍ទាំងនោះសុទ្ធជាដីរបស់រដ្ឋទាំងអស់នៅក្រោមការគ្រប់គ្រងរបស់សហគមន៍តែម្តង៕
អត្ថបទ៖ សឹង រ៉ាត់
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក