ព័ត៌មានជាតិ
ម្ចាស់ហាងអាហារក្នុងក្រុងពោធិ៍សាត់ ប្តេជ្ញាមិនបម្រើអាហារសត្វព្រៃ តែនឹងជួយអភិរក្សថែមទៀត
ម្ចាស់ហាងលក់ម្ហូបអាហារ ស្ថិតនៅក្នុងក្រុងពោធិ៍សាត់ បានអះអាងដូចៗគ្នាប្តេជ្ញានឹងមិនជួញដូរសាច់សត្វព្រៃយកមកធ្វើម្ហូប ដើម្បីបម្រើឱ្យសេវាកម្មម្ហូបអាហារឡើយ បើទោះបីជាមានពលរដ្ឋយកមកលក់ឱ្យឬក៏មានភ្ញៀវឱ្យតម្លៃម្ហូបខ្ពស់ក៏ដោយ។
លោក អុល អូនចេម អ្នកគ្រប់គ្រងនៅហាង «សារ៉ា កាហ្វេ» នៅក្រុងពោធិ៍សាត់បានឱ្យដឹងថា ហាងរបស់លោកចាប់តាំងពីពេលបើកដំណើរការពីឆ្នាំ២០១៨ រហូតមកដល់ឆ្នាំ២០២៤ នេះ មិនមានលក់សាច់សត្វព្រៃឬជួញដូរឡើយ ប៉ុន្តែមានតែជួយអភិរក្សសត្វព្រៃឡើងវិញ។ ការជួយអភិរក្សសត្វព្រៃនេះទៀតសោត ហាងរបស់លោកក៏ទទួលបានបណ្ណសរសើរពីក្រសួងបរិស្ថានក្នុងការចូលរួមការពារមិនជួញដូរសាច់ព្រៃ។
លោកបានអះអាងថា «ដោយសារនៅក្នុងហាងបានប្រកាសពីការមិនជួញដូរ និងមិនមានធ្វើម្ហូបចេញពីសាច់សត្វព្រៃ ដូច្នេះរាល់ភ្ញៀវដែលមកទទួលទានម្ហូបអាហារនៅទីនេះ ក៏មិនដែលសួរនាំពីម្ហូបសាច់សត្វព្រៃឡើយ»។
បើទោះបីជានៅក្នុងហាងមិនមានលក់សាច់សត្វព្រៃក៏ពិតមែន លោក អុល អូនចេម បានបន្តថា ចំនួនភ្ញៀវដែលមកទទួលទាននៅតែមានចំនួនច្រើន ប៉ុន្តែមួយរយៈចុងក្រោយនេះមានការថយចុះ ដែលអាចមកពីកត្តាសេដ្ឋកិច្ចផង និងដោយសារតែមានការកើនឡើងនូវអាជីវកម្មហាងម្ហូបនៅក្នុងខេត្តផង។
ក្នុងនាមជាអ្នកបម្រើឱ្យសេវាកម្មម្ហូបអាហារ លោកមើលឃើញថា សត្វព្រៃជាប្រភេទសត្វកម្រមួយ ដូច្នេះប្រសិនបើពលរដ្ឋចាប់យកមកធ្វើជួញដូរ ឬធ្វើជាម្ហូបអាហារទៀត អាចនឹងធ្វើឱ្យសត្វព្រៃដាច់ពូជលែងមានតទៅទៀត។ ដូចនេះ លោកក៏អំពាវនាវដល់ម្ចាស់អាជីវកម្មដទៃទៀតផងដែរ គួរកុំបរិភោគ ឬសម្លាប់សត្វព្រៃ ប៉ុន្តែគួរនាំគ្នាងាកមកចូលរួមអភិរក្សសត្វព្រៃឱ្យបានល្អប្រសើរវិញព្រោះថាសត្វព្រៃមួយចំនួនជាប្រភេទសត្វកម្រ និងជិតផុតពូជដូច្នេះគួរជួយថែរក្សាដើម្បីឱ្យយុវជនជំនាន់ក្រោយបានឃើញ។
ជាមួយគ្នានេះ បុគ្គលិកបម្រើការនៅក្នុងហាង «សារ៉ា កាហ្វេ» កញ្ញា នឿន សុខណា បានបញ្ជាក់ដែរថា តាំងពីចូលធ្វើការនៅទីនេះមក កញ្ញាតែងឃើញខាងមន្ទីរបរិស្ថានខេត្តពោធិ៍សាត់ចុះណែនាំជាប្រចាំអំពីការទប់ស្កាត់ ក៏ដូចជាមិនឱ្យជួញដូរ និងបរិភោគសាច់សត្វព្រៃ។ ដូច្នេះ កញ្ញាគិតថា បើមានការចុះណែនាំបែបនេះ នោះមិនយឺតពេលនោះទេនៅក្នុងការទប់ស្កាត់ ពីព្រោះកញ្ញាសង្កេតឃើញថាភាគច្រើនហាងដែលបម្រើខាងសេវាកម្មម្ហូបអាហារនៅក្នុងក្រុងពោធិ៍សាត់ គឺមិនមានហាងមួយណាជួញដូរ ឬទទួលទានសាច់សត្វព្រៃឡើយ។
ទន្ទឹមនេះ លោក ឆន សុផាន់ណារ៉េត អ្នកគ្រប់គ្រងភោជនីយដ្ឋាន «ម្លប់ស្វាយ ពោធិ៍សាត់» ដែលជាភោជនីយដ្ឋានដ៏ធំមួយនៅក្រុងពោធិ៍សាត់ដែលប្រកាសមិនបម្រើអាហារសត្វព្រៃបានឱ្យដឹងដែរថា ការចូលរួមមិនទទួលទានសត្វព្រៃមានផលប្រយោជន៍ច្រើន ដោយទី១ អាចឱ្យចំនួនសត្វព្រៃមានការកើនឡើងវិញ ទី២ ជួយបង្កើនចំនួនភ្ញៀវទេសចរ ទី៣ ប្រជាពលរដ្ឋប្តូរគោលដៅពីការបរបាញ់សត្វព្រៃ ទៅជាប្រកបរបរអ្វីផ្សេង ដែលមិនធ្វើឱ្យប៉ះពាល់ដល់ការអភិរក្សសត្វព្រៃ។
ក្រោយប្រជាពលរដ្ឋបានយល់ដឹងកាន់តែច្បាស់ពីសារសំខាន់នៃសត្វព្រៃ លោកមើលឃើញថា រយៈពេលចុងក្រោយនេះ គឺមិនមានអ្នកមកសួរនាំពីការជួយដូរទិញសត្វព្រៃនោះដែរ។ កត្តាទាំងអស់នេះហើយ ដែលជួយការពារធនធានធម្មជាតិ ការកើនឡើងនៃសត្វព្រៃ ជាពិសេសការកើនឡើងនៃចំនួនភ្ញៀវទេសចរដែលអាចជួយឱ្យប្រជាពលរដ្ឋនៅតាមតំបន់អាចទទួលបានផលប្រយោជន៍។
ដោយឡែកយុវជន ឡេង ណារុន ជាសិស្សនៃវិទ្យាល័យពោធិ៍សាត់ បានលើកឡើងថា ការប្រកាសមិនលក់សាច់សត្វព្រៃនៅក្នុងភោជនីយដ្ឋានជាការរួមចំណែកមួយដ៏ល្អ ព្រោះការលក់សាច់សត្វព្រៃជាអំពើមួយដែលខុសច្បាប់ និងធ្វើឱ្យចំនួនសត្វព្រៃបាត់បង់ ហើយការអភិរក្សព្រៃឈើក៏ជាចំណែកមួយជួយដល់ជម្រកសត្វព្រៃ។
យុវជនរូបនេះបានបន្តថា «សត្វព្រៃពិតជាមានសារប្រយោជន៍ ព្រោះនៅពេលសត្វព្រៃបាត់បង់ ភ្ញៀវទេសចរជាតិ-អន្តរជាតិ ក៏បាត់បង់ទៅតាមហ្នឹងដែរ ដោយហេតុថា ភ្ញៀវទេសចរអន្តជាតិមួយចំនួនចង់មកលេងប្រទេសកម្ពុជា ដោយសារកម្ពុជាជាប្រទេសមួយដែលសម្បូរដោយធនធានធម្មជាតិ និងសត្វព្រៃ»៕
ជប៉ុន ក្លាយជាគូប្រជែងសម្រាប់ថៃ លើទិសដៅទេសចរណ៍កំពូលប្រចាំអាស៊ី
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រដ្ឋមន្ត្រីដាក់ចេញទិសដៅសំខាន់ៗដើម្បីលើកកម្ពស់វិស័យសុខាភិបាលឲ្យកាន់តែប្រសើរ
ខ្សែប្រយុទ្ធចូលសញ្ជាតិវៀតណាមថ្មី Rafaelson លេង២ប្រកួត ស៊ុតបាន៣គ្រាប់
ខេត្តរតនគិរី៖ ដំឡូងមីធ្លាក់ថ្លៃ អ្នកដាំស្នើអ្នកទិញកុំទម្លាក់តម្លៃខ្លាំងពេក តែអ្នកទិញថា តម្លៃទិញ វាអាស្រ័យលើតម្លៃលក់ចេញ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម២២ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ