សេដ្ឋកិច្ច
អាល្លឺម៉ង់ និងចិនចុះហត្ថលេខាលើសេចក្តីប្រកាសស្តីពីការចែករំលែកទិន្នន័យ ចំពេលមានភាពតានតឹងពាណិជ្ជកម្ម
រដ្ឋមន្ត្រីក្រសួងកិច្ចការឌីជីថល និងដឹកជញ្ជូនអាល្លឺម៉ង់ បានឱ្យដឹងកាលពីថ្ងៃពុធថា អាល្លឺម៉ង់ និងចិនបានចុះហត្ថលេខាលើសេចក្តីប្រកាសអំពីការចែករំលែក ក៏ដូចជាការផ្ទេរទិន្នន័យឆ្លងដែន ក្នុងជំហានមួយដើម្បីបើកផ្លូវឱ្យក្រុមហ៊ុនផលិតរថយន្តរបស់ខ្លួន អាចផ្ទេរទិន្នន័យចេញពីចិនបាន។ នេះបើតាមការចុះផ្សាយរបស់ទីភ្នាក់ងារព័ត៌មានរ៉យទ័រ។
អនុស្សរណៈនៃការយោគយល់គ្នានេះ ត្រូវបានចុះហត្ថលេខាដោយលោករដ្ឋមន្ត្រី Volker Wissing និងនាយករដ្ឋបាលអ៊ិនធឺណិតរបស់ចិន ដោយធ្វើឡើងក្រោយកិច្ចព្រមព្រៀងសហប្រតិបត្តិការរវាងប្រទេសទាំង២ លើរថយន្តបើកបរដោយស្វ័យប្រវត្តិកាលពីខែមេសា។
លោក Volker បានថ្លែងថា លំហូរទិន្នន័យដោយសេរីគឺជារឿងចាំបាច់ ខណៈនៅតែគិតគូរពីផលប្រយោជន៍ឯកជនភាព និងសុវត្ថិភាព ហើយសេចក្តីប្រកាសរួមនេះ បានផ្តល់មូលដ្ឋានសម្រាប់យន្តការកិច្ចសន្ទនាគ្នា។
លោកនិយាយក្នុងសេចក្តីថ្លែងការណ៍ថា៖ «យើងកំពុងបង្កើតការផ្លាស់ប្តូរគ្នាជាបន្តបន្ទាប់ និងការយល់ដឹងរួមនៃក្របខ័ណ្ឌច្បាប់គោលនយោបាយទិន្នន័យរវាងប្រទេសទាំង២»។
គួរគូសបញ្ជាក់ថា ការផ្ទេរទិន្នន័យចេញក្រៅប្រទេសចិន គឺជាបញ្ហាដ៏ចម្រូងចម្រាសសម្រាប់ក្រុមហ៊ុនបរទេសដែលធ្វើប្រតិបត្តិការនៅក្នុងប្រទេសនេះ។ ប៉ុន្តែទន្ទឹមនឹងនេះ សហភាពអឺរ៉ុប និងសហរដ្ឋអាមេរិក មានការព្រួយបារម្ភអំពីហានិភ័យសុវត្ថិភាពដែលអាចកើតមាន ចេញបច្ចេកវិទ្យារបស់ចិន ដែលចូលក្នុងទីផ្សាររបស់ពួកគេ ហើយប្រមូលទិន្នន័យក្នុងស្រុក។
និយតករចិនបានបង្ហាញពីការបន្ទន់ជំហររបស់ខ្លួន បន្ទាប់ពីបានរឹតបន្តឹងច្បាប់ទិន្នន័យសម្រាប់ឧស្សាហកម្មរថយន្តកាលពីឆ្នាំមុន ដោយស្នើឱ្យហាមឃាត់មិនឱ្យរថយន្តឆ្លាតវៃផ្ទេរទិន្នន័យដោយផ្ទាល់ចេញពីចិនទៅបរទេស។ ជាធម្មតា រថយន្តបើកបរដោយខ្លួនឯង ប្រមូលទិន្នន័យយ៉ាងច្រើន ទាំងអាកប្បកិរិយារបស់អ្នកដំណើរ និងអ្នកបើកបរ និងសភាពជុំវិញរថយន្ត។
ទោះយ៉ាងណាក៏ដោយ ការចុះហត្ថលេខាលើសេចក្តីប្រកាសស្តីពីការចែករំលែកទិន្នន័យរវាងអាល្លឺម៉ង់ និងចិននាពេលនេះ ធ្វើឡើងចំពេលមានភាពតានតឹងពាណិជ្ជកម្មរវាងសហភាពអឺរ៉ុប និងចិន ជុំវិញការដំឡើងពន្ធលើរថយន្តអគ្គិសនី ចិន៕
អភិបាលរាជធានី ឱ្យអាជ្ញាធរ និងកងកម្លាំងមើលថែទ្រព្យសម្បត្តិពលរដ្ឋដែលទៅស្រុកកំណើតក្នុងពិធីបុណ្យភ្ជុំបិណ្ឌនេះ
ខេមរ: សិរីមន្ត នាំយកសម្លៀកបំពាក់ខ្មែរដោយរំលេចនូវរូបអង្គរវត្ត ស៊ីក្លូ និងរទេះគោ ទៅសម្តែងនៅអាមេរិក
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
សិប្បកម្មដូងតាកែវ បច្ចុប្បន្នអាចកែច្នៃដូងទុំ ចេញជាផលិតផលប្រើប្រាស់បានប្រមាណជាង១០មុខ
លើកដំបូង! ក្រុមហេសបូឡា បាញ់មីស៊ីលដល់ទីក្រុងពាណិជ្ជកម្ម Tel Aviv របស់ អ៊ីស្រាអែល
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
លោក លៀក លីដា បង្ហាញការខកចិត្តចំពោះការរិះគន់របស់ Allan
ម្ចាស់ផលិតកម្ម LD ប្រកាសថា បើជំនួបវិនិយោគរឿងខ្ទង់ ៨មុឺនដុល្លារ របស់ Allan មិនជោគជ័យ មករកលោក
ទឹកជំនន់នៅភាគខាងជើងថៃ បង្កការខាតបងរហូតដល់ ៣ ប៊ីលានបាត
ភាគកណ្តាលវៀតណាម មានមនុស្សស្លាប់ដោយសារទឹកជំនន់ ខណៈជាង ១ម៉ឺននាក់ ត្រូវជម្លៀស
-
ព័ត៌មានជាតិ៦ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ២ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ
-
ជីវិតកម្សាន្ដ៩ ម៉ោង agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព