ព័ត៌មានជាតិ
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
សម្ដេចធិបតី ហ៊ុន ម៉ាណែត នៅល្ងាចថ្ងៃទី២៧ ខែមិថុនា នេះ បានបង្ហើបឱ្យដឹងថា ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា។ សម្ដេចនាយករដ្ឋមន្ត្រី បានបង្ហើបឱ្យដឹងដូច្នេះ ក្នុងឱកាសអញ្ជើញ អញ្ជើញជាអធិបតីជួបសំណេះសំណាល និងពិសាភោជនាហារសាមគ្គីមហាគ្រួសារ សហគ្រាសធុនតូច មធ្យម និងសិប្បកម្មកម្ពុជា។
![](https://www.kampucheathmey.com/wp-content/uploads/2024/06/image-1515-1024x715.png)
សម្ដេចធិបតី ហ៊ុន ម៉ាណែត ថ្លែងសង្កត់ធ្ងន់ដូច្នេះ ៖« ក្រុមហ៊ុន BYD ក្រុមហ៊ុនឡានអគ្គិសនីរបស់ចិនមួយនឹងគ្រោងមកដាក់ទុនដើម្បីរៀបចំ…ផលិតរថយន្តនៅកម្ពុជា»។
ក្រុមហ៊ុន BYD គឺជាក្រុមហ៊ុនលក់ឡានអគ្គិសនីដ៏ធំមួយរបស់ចិន។ ក្រុមហ៊ុននេះ ប្រជែងបានទីផ្សាររថយន្តអគ្គិសនីលេខ១ និងពេញនិយមបំផុតលើពិភពលោក។ តាមការចេញផ្សាយរបស់ Reuters នៅចុងខែមករា ឆ្នាំ២០២៤ ឱ្យដឹងថា បើគិតត្រឹមចុងឆ្នាំ២០២៣ ក្រុមហ៊ុន BYD ជំរុញការលក់របស់ខ្លួនកើនឡើង ៨៦.៥% ធៀបទៅនឹងឆ្នាំ២០២២។
![](https://www.kampucheathmey.com/wp-content/uploads/2024/06/image-1516-1024x535.png)
ក្នុងក្របខ័ណ្ឌប្រទេសកម្ពុជា នាពេលបច្ចុប្បន្ន គឺមានរោងចក្រចំនួន៥ ដែលកំពុងផ្គុំ និងដំឡើងរថយន្តដូចជាទី១/រោងចក្ររបស់ក្រុមហ៊ុន DAEHAN AUTO (CAMBODIA) CO., LTD. មានទីតាំងនៅខេត្តស្វាយរៀង ជារោងចក្រផលិតរថយន្ត SAMYUNG។ទី២/ រោងចក្ររបស់ក្រុមហ៊ុន RMA AUTOMOTIVE (CAMBODIA) CO LTD. មានទីតាំងនៅខេត្តពោធិ៍សាត់ ជារោងចក្រសម្រាប់ផលិតរថយន្ត FORD។ ទី៣/ រោងចក្ររបស់ក្រុមហ៊ុន CAMKO MOTOR CO., LTD. ស្ថិតនៅលើទឹកដីខេត្តកោះកុង ជារោងចក្រផលិតរថយន្ត HYUNDAI។ ទី៤/រោងចក្ររបស់ក្រុមហ៊ុន HGB MOTORS ASSEMBLY CO., LTD. ស្ថិតនៅខេត្តបន្ទាយមានជ័យ ជារោងចក្រសម្រាប់ផលិតរថយន្ត KIA។ និងទី៥ គឺរោងចក្ររបស់ក្រុមហ៊ុន GTV MOTOR CO., LTD. កំពុងដំណើរការសាកល្បង។
ជាមួយគ្នានេះ សម្ដេចធិបតី បានដាក់ក្ដីសង្ឃឹមថា នៅថ្ងៃអនាគត នឹងមានក្រុមហ៊ុនធំៗផ្សេងៗទៀត នឹងចូលមកកម្ពុជា ហើយចាប់ដៃជាមួយក្រុមហ៊ុនធុនកណ្ដាល ធុនតូចក្នុងស្រុក៕
ដោយ៖ ង៉ិល ណារ៉ាត់
![](https://www.kampucheathmey.com/wp-content/uploads/2024/06/image-1517.png)
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ