សុខភាព

ទម្លាប់ពេលព្រឹកតូចៗ តែអាចធ្វើឲ្យធ្មេញលឿងដោយមិនដឹងខ្លួន

បានផុស

៧ ខែ មុន

នៅ

ថ្ងៃសៅរ៍ ២៩ មិថុនា ២០២៤

ដោយ

ជាធម្មតានៅពេលដែលយើងក្រោកពីដំណេក ភាគច្រើនតែងតែក្រោកភ្លាមៗ ដើម្បីងូតទឹកឬដុសធ្មេញ ឬអ្នកខ្លះប្រហែលជាជ្រើសរើសរង់ចាំបន្ទាប់ពីផឹកកាហ្វេពេលព្រឹក។ ប៉ុន្តែមានអាកប្បកិរិយាមួយចំនួនថែមទៀត ដែលអាចធ្វើឲ្យធ្មេញលឿងដោយអ្នកមិនដឹងខ្លួន។

ទន្តបណ្ឌិត Shaadi Manouchehri ម្ចាស់ Instagram dr.shaadi.manouchehri បានចេញការព្រមានថា ការដុសធ្មេញភ្លាមៗបន្ទាប់ពីផឹកកាហ្វេអាចបំផ្លាញស្រទាប់ធ្មេញ។

លោកស្រីវេជ្ជបណ្ឌិត Chadi បញ្ជាក់ដូច្នេះ “កុំដុសធ្មេញរបស់អ្នកបន្ទាប់ពីផឹកកាហ្វេ ព្រោះកាហ្វេមានជាតិអាស៊ីតខ្ពស់។ ប្រសិនបើអ្នកដុសធ្មេញភ្លាមៗ អាស៊ីតនឹងជាប់លើផ្ទៃធ្មេញដែលអាចធ្វើឲ្យស្រទាប់ធ្មេញពុក។ ដូច្នេះហើយ យើងគួររង់ចាំយ៉ាងហោចណាស់ ៣០-៦០ នាទី មិនចាំបាច់ដុសធ្មេញឡើយ។ គ្រាន់តែលាងមាត់ជាមួយទឹកខ្ពុរមាត់ ឬផឹកទឹកគឺគ្រប់គ្រាន់”។

ក្នុងនោះផងដែរ វេជ្ជបណ្ឌិតរូបនោះក៏ណែនាំកុំដុសធ្មេញក្រោយពេលញ៉ាំអាហារពេលព្រឹក ឬបន្ទាប់ពីក្អួតផងដែរ។ នាងបានពន្យល់បន្ថែម “យើងមិនគួរដុសធ្មេញរបស់យើងបន្ទាប់ពីញ៉ាំអាហារពេលព្រឹក។ ព្រោះបើដុសភ្លាមក្រោយញ៉ាំរួច វានឹងបំផ្លាញស្រទាប់ធ្មេញថែមទៀត។ នៅពេលអ្នកភ្ញាក់ពីគេងដំបូង នឹងមានបាក់តេរីជាច្រើនកកកុញនៅក្នុងមាត់របស់អ្នក ដែលគួរលាងសម្អាតមុនពេលញ៉ាំអាហារពេលព្រឹក។”

ចំពោះការក្អួត លោកស្រីវេជ្ជបណ្ឌិត Chadi ពន្យល់ថា “ក្រពះមានជាតិអាស៊ីតខ្លាំង ខណៈពេលដែលធ្មេញរបស់យើងត្រូវបានបង្កើតឡើងដោយសារធាតុរ៉ែ ដូច្នេះនៅពេលដែលអាស៊ីតចេញពីក្រពះចូលមកក្នុងមាត់ ប្រសិនបើអ្នកដុសធ្មេញភ្លាមៗ វាដូចជាការត្រដុសជាតិអាស៊ីតទៅលើផ្ទៃធ្មេញរបស់អ្នក បណ្តាលឲ្យ corrosion កាន់តែច្រើន អ្នកត្រូវរង់ចាំយ៉ាងហោចណាស់ ៣០-៦០ នាទីមុនពេលដុសធ្មេញរបស់អ្នក។ សម្រាប់អ្នកដែលមិនអាចរង់ចាំបាន គេបានណែនាំឲ្យលាងមាត់ជាមួយនឹងទឹកខ្ពុរមាត់ ដើម្បីបំបាត់ក្លិនមាត់មិនល្អ។ បន្ទាប់មកផឹកទឹក ជួយកាត់បន្ថយជាតិអាស៊ីតក្នុងមាត់បានលឿន៕