បុរស បារាំង ម្នាក់ជម្នះកែប្រែ​រាងកាយ​ដូច​មនុស្ស​ក្រៅ​ភព មិនខ្វល់អ្នករិះគន់

បុរសជនជាតិបារាំងវ័យក្មេងម្នាក់​មានឈ្មោះដើមថា Anthony Loffredo មានរហស្សនាមថា The Black Alien ដែលចូលចិត្តការកែប្រែរាងកាយ ធ្វើការវះកាត់យកត្រចៀក ច្រមុះ និងម្រាមដៃមួយចំនួន បានប្រាប់ពីរឿងរ៉ាវនៃជីវិតរយៈពេល២ឆ្នាំ ។

យោងតាមសារព័ត៌មាន Daily Star លោក Anthony Loffredo បានបង្ហាញដំណើររបស់គាត់តាមរយៈការផ្លាស់ប្តូររូបរាងកាយយ៉ាងខ្លាំងរយៈពេលពីរឆ្នាំ ដើម្បីឲ្យស្រដៀងនឹងជីវិតក្រៅភពតាមដែលអាចធ្វើទៅបាន។ ការផ្លាស់ប្តូរនេះមិនទាន់ត្រូវបានបញ្ចប់នៅឡើយទេ។ ប៉ុន្តែ​បច្ចុប្បន្ន​វា​សម្រេច​បាន​ជាង ៦៥ ភាគរយ​ហើយ។

Loffredu បានធ្វើការវះកាត់យកត្រចៀក និងច្រមុះចេញ​ រួមទាំងម្រាមដៃមួយចំនួន​ ហើយគាត់បានចែករំលែករូបភាពនៃការផ្លាស់ប្តូរនេះនៅលើ Instagram @the_black_alien_project ដែលមានអ្នកតាមដានជាង ១.៣ លាននាក់ រូបថតពីមុនបង្ហាញថាលោក ធ្លាប់មានពុកចង្ការមិនក្រាស់ខ្លាំង​ ហើយស្នាមសាក់នៅលើក្បាលតិចជាងពេលនេះ។ចំណែកបច្ចុប្បន្នមានសក់ពណ៌ទង់ដែង និងរោមភ្នែក។ វាខុសពីរូបភាពចាស់ដែលមានក្បាលទំពែក។

ទោះ​បី​ជា​មាន​អ្នក​ដែល​កោត​សរសើរ​ការ​ផ្លាស់​ប្តូរ​របស់ Anthony ក៏​ដោយ។ ប៉ុន្តែ​មនុស្ស​មួយ​ចំនួន​បាន​រិះគន់​បុរស​ម្នាក់​នេះ​ថា​នៅឆ្ងាយពីមនុស្សលោកហើយបែរជាបំផ្លាញទាំងស្រុងនូវរូបរាងដើមរបស់ខ្លួនទៅវិញ។

Youtuber Rene ZZ ដែលមានអ្នកជាវច្រើនជាង ១.៥ លាននាក់នៅលើប៉ុស្តិ៍ បានរិះគន់ការខ្វះភាពស៊ីសង្វាក់គ្នារបស់ Loffredo ថា “គាត់បានបោះបង់ចោលអ្វីៗទាំងអស់ រហូតដល់គាត់បោះបង់ចោលគម្រោងថេរតែមួយគត់របស់គាត់ – បំផ្លាញជីវិតរបស់គាត់ឲ្យមើលទៅដូចជាមនុស្សក្រៅភព” ។ ម្យ៉ាងវិញទៀត មតិវិជ្ជមានបន្ថែមទៀត ទិដ្ឋភាពសំខាន់មួយបានលេចចេញជារូបរាង ប្រសិនបើ Loffredo បានផ្តល់អាទិភាពដល់ការផ្លាស់ប្តូរទាំងអស់នោះ វាមិនមានការផ្លាស់ប្តូរអ្វីសំខាន់ជាងការផ្លាស់ប្តូរចិត្ត និងឆ្ពោះទៅរកទិសដៅថ្មី។

ជាក់ស្ដែងកាលពេលថ្មីៗនេះ Loffredu បានបើកបង្ហាញអំពីការរួមភេទរបស់គាត់នៅលើ Instagram ​ ដោយ​ដោះ​សម្លៀក​បំពាក់​ចេញ​ដោយ​បន្សល់​ទុក​តែ​ខោ​ក្នុង។ ជាបិសេសលោកបានបង្ហាញពីការផ្លាស់ប្តូរនៅក្នុងខ្លួន រួមជាមួយនឹងការលើកឡើងពីផលប៉ះពាល់នៃការរួមភេទ ដោយ​ប្រៀបធៀប​ការ​រួមភេទ​ជា​អំពើ​ហិង្សាផងដែរ៕

អត្ថបទ៖ សាង ស្រីល័ក្ខ

ចុចអាន៖ស្រ្តី អាមេរិក ដែលសម្លាប់​ក្រុមគ្រួសារ១៦ឆ្នាំំមុន ​ ពេលនេះដាច់ចិត្តទម្លាយការពិតcx xa