កីឡា
គ្រូបែលហ្ស៊ិកថា អ្នកគាំទ្រមានសិទិ្ធរិះគន់អ្វីតាមចិត្ត
លោក Domenico Tedesco គ្រូបង្វឹកក្រុមបាល់ទាត់ជម្រើសជាតិបែលហ្ស៊ិក បានដឹកនាំកូនក្រុមរបស់ខ្លួនឈានដល់វគ្គ១៦ក្រុមចុងក្រោយ ពានរង្វាន់ EURO ដោយត្រូវជួបក្រុមខ្លាំងអាល្លឺម៉ង់ ប៉ុន្តែមានអ្នកគាំទ្រជាច្រើនមិនពេញចំពោះទម្រង់លេងរបស់ក្រុមបែលហ្ស៊ិកទេ។
ឆ្លងកាត់ការប្រកួត៣លើកក្នុងវគ្គសន្សំពិន្ទុ បែលហ្ស៊ិករកបាន៤ពិន្ទុ តាមរយៈជ័យជម្នះ១ ស្មើ១ និងចាញ់១ ស៊ុតចូលដៃគូតែ២គ្រាប់ ប៉ុន្តែលទ្ធផលនេះអ្នកគាំទ្រមិនពេញចិត្តទេ។ យ៉ាងណា គ្រូបង្វឹកក្រុមបែលហ្ស៊ិកមិនប្រតិកម្មចំពោះការរិះគន់ឡើយ។ លោកគិតថា អ្នកគាំទ្រមានសិទ្ធិបញ្ចេញមតិ និងអារម្មណ៍របស់ពួកគេតាមអ្វីដែលពួកគេចង់។
លោក Domenico Tedesco បាននិយាយថា ៖«អ្នកគាំទ្រត្រូវបានអនុញ្ញាតឲ្យធ្វើអ្វីគ្រប់យ៉ាង។ អ្នកដឹងទេ ប្រសិនបើពួកគេមានអារម្មណ៍បែបណា ពួកគេអាចបង្ហាញបែបនោះបាន។ រឿងនេះវាមិនមានបញ្ហានោះទេ អ្នកគាំទ្របានចំណាយប្រាក់យ៉ាងច្រើនសម្រាប់ការទិញសំបុត្រ។ ដូច្នេះវាមិនមែនជាបញ្ហាទេ ប៉ុន្តែខ្ញុំគិតថាជារឿងខកចិត្តមួយ សម្រាប់ក្រុមដែលបានឡើងទៅវគ្គបន្តហើយ បែរជាទទួលបានការរិះគន់បែបនេះ»។
លោក Domenico Tedesco ក៏បានទទួលស្គាល់ថាក្រុមបែលហ្ស៊ិកមិនមែនជាក្រុមលេចធ្លោនៅព្រឹត្តិការណ៍អឺរ៉ូឆ្នាំនេះទេ បន្ទាប់ពីពួកគេធ្វើមិនសូវបានល្អ ហើយចំពោះក្រុមជម្រើសជាតិបារាំងក៏មិនខុសពីក្រុមលោកដែរ ក្រោយពួកគេបញ្ចប់ក្នុងចំណាត់ថ្នាក់លេខ២ តាមពីក្រោយប្រទេសអូទ្រីស និងស៊ុតបញ្ចូលទីបានតែ១គ្រាប់ ក្នុងពូល D។
នាវេលាម៉ោង១១យប់ ថ្ងៃទី១ ខែកក្ដដា ក្រុមជម្រើសជាតិបែលហ្ស៊ិក ត្រូវជួបជាមួយក្រុមជម្រើសជាតិបារាំង ក្នុងវគ្គ១៦ក្រុមចុងក្រោយ ចាំមើលក្រុមមួយណានឹងធ្វើបានល្អ ហើយឡើងទៅវគ្គ៨ក្រុមចុងក្រោយ៕
ប្រែសម្រួល៖ ផា រតនា
-
ព័ត៌មានជាតិ៣ ថ្ងៃ ago
ព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
ជីវិតកម្សាន្ដ៧ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ២ ថ្ងៃ ago
ភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍៣ ថ្ងៃ ago
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានជាតិ៧ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ចរាចរណ៍៤ ថ្ងៃ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ១ សប្តាហ៍ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ សប្តាហ៍ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព