ព័ត៌មានជាតិ
សិស្សថ្នាក់ទី៧ សាលារៀនជំនាន់ថ្មី យកចិត្តទុកដាក់ គម្រោងក្លិបក្រៅម៉ោងសិក្សា ICT
សិស្សានុសិស្សថ្នាក់ទី៧ អនុវិទ្យាល័យអរញ្ញរង្សី សាលារៀនជំនាន់ថ្មី ខេត្តសៀមរាប បានបង្ហាញពីការចូលរួមយ៉ាងសកម្ម និងបានយកចិត្តទុកដាក់លើដំណើរការការងារគម្រោងរបស់ពួកគេ ក្រោមប្រធានបទ (Robotics Tecnovation girls និង STEM Skills for Girls) នៃក្លិបក្រៅម៉ោងសិក្សា ICT។
សិស្សបានប្រើប្រាស់គោលការណ៍ដែលបានរៀនដើម្បី “បង្កើតចំណេះដឹងថ្មី” ដោយការព្យាយាមឈ្វេងយល់ និងការច្នៃប្រឌិត។ ការសិក្សាបែបគម្រោង ជាគំរូទស្សនវិជ្ជាអប់រំដែលគេស្គាល់ថាជា “ការសិក្សាបែបស្ថាបនានិយម” ដោយសិស្សធ្វើសកម្មភាពសិក្សាច្រើនលើសពីការទន្ទេញផ្ទាល់មាត់ចាំតែទ្រឹស្តី ឬគោលការណ៍។ ផ្ទុយទៅវិញ សិស្សអាចបង្កើតចំណេះដឹងថ្មីៗក្នុងទម្រង់ជាគម្រោងសិក្សាដោយផ្សារភ្ជាប់នឹងការអនុវត្តជាក់ស្តែងស្របតាមទេពកោសល្យដែលពួកគេមានស្រាប់ និងចំណេះដឹងដែលពួកគេបានរៀននៅក្នុងថ្នាក់ដើម្បីឈានដល់ការបង្កើតផលិតផលជាស្នាដៃសម្រាប់ដោះស្រាយបញ្ហាជាក់ស្តែងណាមួយ។
ការសិក្សាបែបគម្រោង ជាវិធីសាស្ត្រមួយដែលគ្រូបណ្តុះបណ្តាលសកម្មភាពសិក្សាតាមរយៈការសិក្សាបែបសហការជាក្រុម ដោយសិស្សសិក្សា និងអនុវត្តចំណេះដឹង និងជំនាញ ដើម្បីកំណត់ និងដោះស្រាយបញ្ហាជាក់ស្តែងដោយប្រើប្រាស់វិធីសាស្ត្រដូចជា ស្រាវជ្រាវ ឬរិះរក ជាដើម។ ការសិក្សាបែបគម្រោង ជាវិធីសាស្ត្រសិក្សាតាមគោលវិធីសិស្សមជ្ឈមណ្ឌលដោយសិស្សមានការអនុវត្តផ្ទាល់ទៅតាមស្តង់ដារ និងជំហានជាក់លាក់នីមួយៗ៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា