ជីវិតកម្សាន្ដ
ប្រាសាទ ដាវីន បេ្តជ្ញាដណ្តើមយកមកុដ MUC 2024 ដើម្បីមានឱកាសតំណាងកម្ពុជាលើឆាកអន្តរជាតិ
បន្ទាប់ពីមានដំណឹងនៃការប្រកួតក្នុងកម្មវិធី Miss Universe Cambodia 2024 គេកត់សម្គាល់ឃើញថាសន្ទុះនៃការគាំទ្រអ្នកនាង ប្រាសាទ ដាវីន ហាក់មានសន្ទុះខ្លាំង ខណៈសាមីខ្លួនបានប្រកាសប្ដេជ្ញាដណ្ដើមមកុដ MU 2024 ដើម្បីមានឱកាសតំណាងឲ្យប្រទេសកម្ពុជា ទៅប្រកួតនៅលើឆាកអន្តរជាតិ។
ប្រាសាទ ដាវីន បច្ចុប្បន្នគឺជាតារាសម្ដែង តារាបង្ហាញម៉ូដ ហើយក៏ជាអ្នកគ្រប់គ្រងកម្មវិធីដែលមានសមត្ថភាពប្រជាប្រិយភាព ទេពកោសល្យ បូករួមនឹងរូបសម្រស់ស្រស់សោភាដែលទាំងនេះគឺជាភាពជឿជាក់សម្រាប់នាងដែលគេដឹងដែរថាទាំងចំណេះដឹង និងការប្រើប្រាស់ភាសារបស់នាងក៏មិនធម្មតាឡើយពោលគឺ អាចដណ្ដើមមកុដបាន។
ដោយមើលឃើញពីសន្ទុះនៃការគាំទ្រ និងលើកទឹកចិត្តរបស់មហាជន ប្រាសាទ ដាវីន បានបញ្ជាក់ការតាំងចិត្តរបស់ខ្លួនថា នាងនឹងខិតខំឲ្យអស់ពីសមត្ថភាពដើម្បីដណ្តើមមកុដមួយនេះ។ នាងថា នាងសូមអរគុណមិត្តភក្តិ បងប្អូន បណ្តាអ្នកគាំទ្រទាំងអស់ដែលបានបង្ហាញសារគាំទ្រដល់រូបនាង។
ប្រាសាទ ដាវីន បានបន្តនិយាយថា” ពិតណាស់ក្នុងដំណើរឆ្ពោះទៅកាន់ការប្រកួតបវរកញ្ញាចក្កវាឡកម្ពុជានាឆ្នាំនេះ នាងខ្ញុំបានដាក់ការតាំងចិត្តខ្ពស់ និងធ្វើឲ្យបានល្អបំផុតដើម្បីមានឱកាសតំណាងឲ្យប្រទេសកម្ពុជារបស់យើង និងយកជ័យលាភីជូនបណ្តាអ្នកគាំទ្ររបស់នាងខ្ញុំទាំងអស់គ្នាផងដែរ”។
នាងបានលើកឡើងដែរថា ខ្លួននាងផ្ទាល់សង្ឃឹមថា បងប្អូន និងនៅតែបន្តការគាំទ្ររូបនាងរហូតទៅ ហើយសារគាំទ្រល្អៗរបស់អ្នកទាំងអស់គ្នាគឺជាថាមពលវិជ្ជមានដ៏អស្ចារ្យរបស់នាងផងដែរ។ ប្រាសាទ ដាវីន កាលពីកន្លងទៅក៏ទទួលបានតំណែងជាស្ត្រីឯកចក្រវាលកម្ពុជា Universal Woman Cambodia ២០២៣ ដែលជាកម្មវិធីសម្រាប់កម្ពុជាដែលផ្តល់ឱកាសសម្រាប់ស្ត្រីកម្ពុជាដែលរៀបការរួចហើយដើម្បីចូលរួមប្រកួតនៅទីក្រុងឌូបៃ ប្រទេសអារ៉ាប់រួម ដែលកាលនោះអ្នកនាងទទួលបានជ័យលាភីលំដាប់រងទី៤៕
អត្ថបទ៖ ចាន់រ៉ា
-
ព័ត៌មានជាតិ១ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា