ព័ត៌មានអន្ដរជាតិ
ពាណិជ្ជកម្មវៀតណាម-ចិន កើនដល់ជិត ១០០ ប៊ីលានដុល្លារ នៅឆមាសទី១
ពាណិជ្ជកម្មទ្វេភាគីរវាងវៀតណាម និងចិន បានកើនឡើងដល់ជិត ១០០ ប៊ីលានដុល្លារ សម្រាប់រយៈពេល៦ខែដំបូងនៃឆ្នាំ ២០២៤។ នេះបើតាមការចុះផ្សាយរបស់កាសែត Việt Nam News ដែលស្រង់ទិន្នន័យពីការិយាល័យស្ថិតិទូទៅវៀតណាម។
![](https://www.kampucheathmey.com/wp-content/uploads/2024/07/Vietnam-and-China-leaders-1024x614.jpg)
ទិន្នន័យពីការិយាល័យស្ថិតិទូទៅ បង្ហាញថា ការនាំចេញរបស់វៀតណាមទៅកាន់ប្រទេសចិន បានឈានដល់ ២៧,៨ ប៊ីលានដុល្លារក្នុងឆមាសទី១នៃឆ្នាំនេះ កើនឡើង ៥,៣ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ ការនាំចូលទំនិញពីប្រទេសចិនវិញ មានទំហំជាទឹកប្រាក់ ៦៧ ប៊ីលានដុល្លារ ដោយកើនឡើង ៣៤,៧ ភាគរយ។
តួលេខនេះបង្ហាញផងដែរថា វៀតណាមមានឱនភាពពាណិជ្ជកម្មជាមួយចិន ទំហំ ៣៩,២ ប៊ីលានដុល្លារ ក្នុងរយៈពេល ៦ ខែដដែល ដោយតំណាងឱ្យការកើនឡើង ៦៧,៩ ភាគរយ។
ក្រសួងឧស្សាហកម្ម និងពាណិជ្ជកម្មវៀតណាម និយាយថា ពាណិជ្ជកម្មទ្វេភាគីរវាងប្រទេសទាំង២ កំពុងស្ទុះងើបឡើងវិញគួរឲ្យចាប់អារម្មណ៍ ទោះបីជាមានការលំបាកផ្នែកសេដ្ឋកិច្ចពិភពលោក និងជម្លោះភូមិសាស្ត្រនយោបាយក៏ដោយ។ ចិននៅតែជាដៃគូពាណិជ្ជកម្មដ៏ធំ ដោយប្រទេសនេះ គឺជាទីផ្សារនាំចេញធំជាងគេបំផុតទី២របស់វៀតណាម និងជាអ្នកនាំចូលផលិតផលមកវៀតណាមធំបំផុតជាងគេលើពិភពលោក។
![](https://www.kampucheathmey.com/wp-content/uploads/2024/07/China-port-1024x614.jpg)
គួរគូសបញ្ជាក់ថា កំណើននៃពាណិញ្ជកម្មទ្វេភាគីរវាងចិន និងវៀតណាមបន្តកើតឡើង ខណៈគូវិវាទដែនទឹកនៅសមុទ្រចិនខាងត្បូងទាំង២ ពង្រឹងកិច្ចសហប្រតិបត្តិការសេដ្ឋកិច្ច។
បើតាម Việt Nam News មានសក្តានុពលដ៏សំខាន់ក្នុងការជំរុញពាណិជ្ជកម្មរវាងប្រទេសទាំង២ តាមរយៈកិច្ចព្រមព្រៀងពាណិជ្ជកម្មមួយចំនួនដូចជា តំបន់ពាណិជ្ជកម្មសេរីអាស៊ាន-ចិន (ACFTA) និងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP)៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៧ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះផ្ទះពលរដ្ឋនៅខណ្ឌទួលគោក
-
ព័ត៌មានជាតិ៧ ថ្ងៃ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់