ណាសា ចេញការព្រមានពីអាចម៍ផ្កាយធំមួយ ដែលហោះសំដៅមកផែនដី

តាមរយៈគេហទំព័ររបស់ ណាសា ផ្ទាល់, អង្គការមួយនេះកំពុងតាមមើលយ៉ាងយកចិត្តទុកដាក់ជាទីបំផុត ចំពោះអាចម៍ផ្កាយដ៏ធំមួយដុំដែលស្ថិតនៅលើគន្លងផ្លូវហោះមកតម្រង់ផែនដី ជាមួយល្បឿន ៣៣ ៦៧៣គីឡូម៉ែត្រក្នុងមួយម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ ណាសា ក៏ចេញការព្រមានផងដែរ បើមានករណីអាក្រក់ណាមួយកើតឡើង ប៉ុន្តែក្រោយការសិក្សានិងពិនិត្យតាមតេឡេស្កុប Pan-STARRS 1, ក្រុមអ្នកវិទ្យាសាស្រ្តរកឃើញថា អាចម៍ផ្កាយឈ្មោះ 2024 JJ25 មួយនេះ នឹងប្រហែលមិនបុកផែនដីឡើយ ពោលគឺវានឹងត្រូវប្តូរទិស ត្រឹមហោះកាត់ពិភពលោកប៉ុណ្ណោះ នៅរាត្រីថ្ងៃព្រហស្បតិ៍ទី៤ខែកក្កដាឆ្នាំ២០២៤ ជាមួយគម្លាតពីផែនដី ៤លានគីឡូម៉ែត្រ។

ទោះបីជាយ៉ាងណាក៏ដោយ ណាសា នឹងចេញសេចក្តីជូនដំណឹងជាបន្តបន្ទាប់អំពីព័ត៌មានបន្ថែម ទាក់ទងអាចម៍ផ្កាយនេះ ដើម្បីធានាកុំឲ្យមនុស្សជាតិ ព្រួយបារម្ភ។

អាចច៍ផ្កាយ 2024 JJ25 នេះ ត្រូវបានរកឃើញដោយតេឡេស្កុប Pan-STARRS 1 នៅកោះហាវ៉ៃ កាលពីថ្ងៃទី២ខែកក្កដា ហើយដំណើររបស់វាឆ្លងកាត់ផែនដី នឹងក្លាយជាឱកាសដ៏កម្រសម្រាប់ក្រុមអ្នកវិទ្យាសាស្រ្ត ដើម្បីសិក្សាអំពីវត្ថុហោះជិតផែនដី ដែលអាចបង្កជាការគំរាមកំហែង នាពេលអនាគត។

សូមបញ្ជាក់ថា ជាមួយនឹងអង្កត់ផ្ចិតជាង១១២ម៉ែត្រ ធ្វើឲ្យអាចម៍ផ្កាយនេះ ក្លាយជាវត្ថុមួយក្នុងចំណោមវត្ថុធំៗផ្សេងទៀតដែលហោះមកជិតផែនដី និងត្រូវបានតាមដានមិនដាក់ភ្នែកដោយអង្គការណាសា៕

អត្ថបទ៖ សុខ សុវណ្ណ

ចុចអាន៖ អាចម៍ផ្កាយមហាល្បឿនយ៉ាងធំសម្បើម ហោះកាត់ផែនដី ចុងសប្តាហ៍នេះ