ព័ត៌មានអន្ដរជាតិ
ថៃ ពិចារណាលុបបម្រាម ដែលហាមការលក់ស្រានាពេលរសៀល
នាយករដ្ឋមន្ត្រីថៃ លោក សេដ្ឋា ថាវីស៊ីន កំពុងពិចារណាលើគម្រោងលុបចោលនូវបម្រាម ដែលមានអាយុកាល៥២ឆ្នាំ ស្ដីពីការហាមឃាត់ការលក់គ្រឿងស្រវឹងនៅពេលរសៀល ដើម្បីជាការបើកផ្លូវទាក់ទាញភ្ញៀវទេសចរបន្ថែមទៀត ជាពិសេសគឺបង្កើនចំណូលចូលរដ្ឋ និងប្រជាពលរដ្ឋឲ្យបានកាន់តែច្រើន។
![](https://www.kampucheathmey.com/wp-content/uploads/2024/07/cheers-beer.webp)
សេចក្ដីថ្លែងការណ៍របស់រាជរដ្ឋាភិបាលថៃ បានប្រកាសនៅថ្ងៃទី៣ ខែកក្កដា ឆ្នាំ២០២៤ នេះ ថា “នាយករដ្ឋមន្ត្រី សេដ្ឋា រីករាយនឹងពិចារណាលើសំណើរបស់ម្ចាស់ភោជនីយដ្ឋាន ដើម្បីផ្លាស់ប្ដូរច្បាប់ដែលហាមការលក់ភេសជ្ជៈមានជាតិអាកុល ចាប់ពីម៉ោង២ ដល់ម៉ោង ៥រសៀល”។ សំណើនេះ បើធ្វើបានសម្រេចមែន នឹងជួយឲ្យមានកំណើនទេសចរជាច្រើនទៀតនៅក្នុងប្រទេសថៃ ជាពិសេសភ្ញៀវទេសចរដែលនិយមទទួលទានគ្រឿងស្រវឹង ព្រមទាំងអាចជួយបង្កើនចំណូលឲ្យភោជនីយដ្ឋាន បារ និងសណ្ឋាគារ ជាដើម។
ច្បាប់ហាមឃាត់ការលក់គ្រឿងស្រវឹងចំនួន៣ម៉ោងក្នុង១ថ្ងៃរបស់ថៃ ត្រូវបានអនុវត្ត ចាប់តាំងពីឆ្នាំ១៩៧២មកម៉្លេះ បន្ទាប់ពីប្រទេសអាស៊ីមួយនេះបានក្លាយជាទិសដៅទេសចរណ៍ដ៏ពេញនិយមមួយនៅលើពិភពលោក។
សូមបញ្ជាក់ថា លោក សេដ្ឋា កំពុងស្ថិតនៅក្រោមសម្ពាធ ក្នុងការស្ដារសេដ្ឋកិច្ចប្រទេសថៃឲ្យមានភាពល្អប្រសើរឡើងវិញ ខណៈបច្ចុប្បន្ន បើតាមការស្ទង់មតិ បង្ហាញថា ជាងពាក់កណ្ដាលនៃប្រជាជនថៃ កំពុងមិនពេញចិត្តជាមួយសមត្ថភាពដឹកនាំរបស់នាយករដ្ឋមន្ត្រីនោះឡើយ។
ប្រទេសថៃ មានគម្រោងចាប់យកទេសចរឲ្យបាន ៣៦,៧លាននាក់ សម្រាប់ឆ្នាំ២០២៤ ដើម្បីជួយបង្កើនកំណើន GDP ឲ្យបាន ៣%៕
ដោយ៖ ឈាង
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៥ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សុខភាព១៤ ម៉ោង ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
សេដ្ឋកិច្ច៦ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ៧ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ ថ្ងៃ ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានជាតិ៣ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស