ព័ត៌មានអន្ដរជាតិ
អ្នកប្រជាធិបតេយ្យ ២៥រូប ត្រៀមចេញសេចក្តីប្រកាស ទាមទារឲ្យលោក បៃដិន ដកខ្លួនពីការបោះឆ្នោត
តាមការចុះផ្សាយរបស់ Daily Mail កាលពីថ្ងៃពុធទី៣ខែកក្កដាឆ្នាំ២០២៤, មានសមាជិកសភាខាងគណបក្សប្រជាធិបតេយ្យយ៉ាងតិច២៥នាក់ គ្រោងនឹងចេញការអំពាវនាវឲ្យលោក ចូ បៃដិន ដកខ្លួនចេញពីការឈរឈ្មោះបោះឆ្នោតតទល់ជាមួយលោក ដូណាល់ ត្រាំ។
ទោះបីជាយ៉ាងណាក៏ដោយ អ្នកទាំង២៥នឹងរង់ចាំមើលសិនថាតើ លោក បៃដិន អាចស្តារកេរ្តិ៍ឈ្មោះខ្លួនឯងនិងអាចធ្វើអ្វីដើម្បីទាញប្រជាប្រិយភាពបានមកវិញដែរឬក៏អត់ ប៉ុន្តែបើលោកនៅតែបង្ហាញភាពទន់ខ្សោយដូច្នេះទៀត នោះពួកគេនឹងចេញសេចក្តីប្រកាសនៅប៉ុន្មានថ្ងៃខាងមុខនេះ ជាក់ជាមិនខានឡើយ។
នៅព្រឹទ្ធសភា, អ្នកកណ្តាលនិយមគឺលោក Joe Manchin ត្រូវបានគេមើលឃើញថា នឹងក្លាយជាសម្ព័ន្ធមិត្តរបស់លោក បៃដិន ដំបូងគេបង្អស់ ដែលគ្រោងអំពាវនាវឲ្យប្រធានាធិបតីរូបនេះ ដកខ្លួនចេញ។
ចំណែកលោកស្រី Tammy Baldwin ប្រចាំនៅរដ្ឋ Wisconsin ក៏ប្រកាសដែរថា លោកស្រីនឹងមិនឡើងឆាកជាមួយលោក បៃដិន ឡើយ នៅពេលប្រធានាធិបតីរូបនេះ ធ្វើយុទ្ធនាការឃោសនាបោះឆ្នោតនៅស្រុកកំណើតរបស់លោកស្រី ក្នុងទីក្រុង Madison។
មន្ត្រី៣រូបទៀត ដូចជា Jared Golden ប្រចាំរដ្ឋ Maine, Lloyd Doggett នៅ Texas និង Marie Gluesenkamp Perez នៅ Washington សុទ្ធតែបានប្រាប់ទៅលោក បៃដិន ឲ្យដកខ្លួនទៅព្រោះគាត់ប្រហែលមិនអាចឈ្នះលោក ត្រាំ បានឡើយ។
រឿងរកាំរកូសផ្ទៃក្នុងនេះ កើតឡើងបន្ទាប់ពីលោក បៃដិន ត្រូវលោក ត្រាំ បំបាក់មុខក្នុងការជជែកដេញដោលគ្នាយ៉ាងបែកផ្សែងរយៈពេល៩០នាទី សម្របសម្រួលដោយ CNN នៅទីក្រុង Atlanta នៃរដ្ឋ Georgia កាលពីសប្តាហ៍មុន។
ក្រោយធ្វើមិនបានល្អ អ្នកគាំទ្រគណបក្សប្រជាធិបតេយ្យមួយចំនួន បានជំរុញឲ្យដកឈ្មោះលោកបៃដិនចេញ ប្តូរវិញជាមួយបេក្ខជនថ្មីដែលក្មេងជាងនេះ ដើម្បីទៅប្រជែងជាមួយ អ្នកខាងគណបក្សសាធារណរដ្ឋក្នុងការបោះឆ្នោតនៅខែវិច្ឆិកា ព្រោះមើលឃើញថា លោក បៃដិន មានឱកាសឈ្នះលោក ត្រាំ តិចតួចណាស់។
ទោះបីជាយ៉ាងណាក៏ដោយ មកដល់ថ្ងៃពុធទី៣ខែកក្កដា លោក បៃដិន បាននិយាយការពារខ្លួន ដោយបញ្ជាក់ច្បាស់ថា មូលហេតុដែលគាត់ត្រូវចាញ់ក្រោមថ្វីមាត់លោក ត្រាំ គឺដោយសារតែគាត់ធ្វើដំណើរចេញក្រៅប្រទេសញឹកញាប់ពេក នាំឲ្យខ្លួនឯងហត់នឿយខ្លាំង។
ស្របពេលជាមួយគ្នានោះដែរ លោកធានាថានឹងធ្វើឲ្យល្អជាងនេះ ក្នុងការជជែកដេញដោលលើកក្រោយ នឹងប្រព្រឹត្តទៅនៅថ្ងៃទី១០ខែកញ្ញា ដោយមានការសម្របសម្រួលពីសំណាក់ទូរទស្សន៍ ABC៕
អត្ថបទ៖ សុខ សុវណ្ណ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា