ព័ត៌មានអន្ដរជាតិ
វៀតណាមរកចំណូលបាន ១ ពាន់លានដុល្លារពីការនាំចេញទុរេន ត្រឹមរយៈពេល២ខែ
ស្ថិតិពីសមាគមបន្លែ និងផ្លែឈើវៀតណាម បានបង្ហាញថា ការនាំចេញទុរេនរបស់ប្រទេសក្នុងឆមាសទី១ឆ្នាំនេះ បានកើនដល់ ១,៥ ប៊ីលានដុល្លារ ប៉ុន្តែជាង ១ ប៊ីលានដុល្លារក្នុងនោះ រកបាននៅខែឧសភា និងមិថុនា។ នេះបើតាមការចុះផ្សាយរបស់កាសែត Việt Nam News។
អគ្គលេខាធិការនៃសមាគមន៍បន្លែ និងផ្លែឈើវៀតណាម លោក Đặng Phúc Nguyên បានឱ្យដឹងថា ការនាំចេញទុរេនកំពុងកើនឡើងយ៉ាងខ្លាំង ដោយទំហំនៃការនាំចេញផ្លែឈើប្រភេទនេះ បានឈានដល់ ៤៥០ លានដុល្លារក្នុងខែឧសភា ឬស្មើនឹងកំណើន ១០៧ ភាគរយ ធៀបនឹងខែមេសា និង ៣៤ ភាគរយ ធៀបនឹងខែដូចគ្នាកាលពីឆ្នាំមុន។
ការនាំចេញប្រចាំខែមិថុនាវិញ ត្រូវបានប៉ាន់ស្មានថា នឹងកើនដល់ ៦០០ លានដុល្លារ ខណៈចំណូលប្រចាំឆមាសទី១ កើនដល់ជាង ១,៥ ប៊ីលានដុល្លារ។ ចិន គឺជាប្រទេសនាំចូលទុរេនស្រស់របស់វៀតណាមច្រើនជាងគេ ហើយបន្ទាប់មកគឺថៃ ដែលជាអ្នកនាំចូលទុរេនក្លាសេវៀតណាមច្រើនបំផុត។
តាមធម្មតា រដូវទុរេនហូរហៀររបស់វៀតណាម មានរយៈពេលចន្លោះពីខែឧសភា ទៅខែសីហា។
បើតាមស្ថិតិ ទុរេនបន្តនាំមុខទីផ្សារនាំចេញផ្លែឈើរបស់វៀតណាម ដោយមានចំណូលខ្ពស់ជាងផ្លែស្រកានាគ ដែលធ្លាក់ឈរនៅកំពូលតារាង ជិត៤ដង។ សមាគមបន្លែ និងផ្លែឈើវៀតណាម ប្រសិនបើទិន្នផលនៅតែបន្តក្នុងអត្រានេះ ការនាំចេញទុរេនរបស់វៀតណាមនៅឆ្នាំនេះ នឹងកើនដល់ ៣ ប៊ីលានដុល្លារ។ ជាមួយគ្នានោះ ប្រសិនបើពិធីសារនាំចេញទុរេនក្លាសេត្រូវបានចុះហត្ថលេខា នោះចំណូលនៃការនាំចេញ អាចឈានដល់ប្រហែល ៣,៥ ប៊ីលានដុល្លារ ខណៈតម្រូវការនៅតែមាន។
បើតាម Việt Nam News កន្លងមក កសិករវៀតណាមមួយចំនួនបានព្រមានថា ទិន្នផលទុរេនឆ្នាំនេះធ្លាក់ចុះបើធៀបនឹងឆ្នាំមុន ដែលជាមធ្យមមានត្រឹមតែ ១៥ តោនប៉ុណ្ណោះ/ហិកតា ប៉ុន្តែតម្លៃនៅតែខ្ពស់ដដែល ចន្លោះពី ៦០ ០០០ – ១០០ ០០០ ដុង/គីឡូក្រាម (២,៦-៣,៩៣ ដុល្លារអាមេរិក/គីឡូក្រាម)។ ដូច្នេះហើយ កសិករនៅតែអាចប្រមូលប្រាក់ចំណេញ ចន្លោះពី ៧០០លាន – ១ ប៊ីលាន ដុង/ហិកតា អាស្រ័យលើផលិតភាព និងតម្លៃលក់ បន្ទាប់ពីកាត់ថ្លៃដើមផលិតកម្ម៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា