ព័ត៌មានជាតិ
រដ្ឋមន្ត្រីអប់រំ ៖ ចំណេះដឹងភាសាបារាំងពិតជាមានសារៈសំខាន់ដល់យុវជនទទួលបានការងារល្អៗ ក្នុងទីផ្សារការងារជាតិ និងអន្តរជាតិ
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា ចំណេះដឹងភាសាបារាំង ពិតជាមានសារៈសំខាន់ដល់យុវជនក្នុងការទទួលបាននូវអត្ថប្រយោជន៍ជាច្រើន និងផ្ដល់ជាមធ្យោបាយដ៏មានប្រសិទ្ធភាពមួយក្នុងការទទួលបានការងារល្អៗ នៅក្នុងទីផ្សារការងារជាតិ និងអន្តរជាតិ ដែលកំពុងមានការប្រកួតប្រជែងខ្លាំង។
ក្នុងពិធីអបអរសាទរការដាក់ឱ្យអនុវត្តគម្រោង “Refaire le monde en français” នៅក្នុងក្របខ័ណ្ឌ នៃកិច្ចប្រជុំកំពូលហ្វ្រង់កូហ្វូនី ឆ្នាំ ២០២៤ នាពេលខាងមុខ និងមានអញ្ជើញចូលរួមពីលោក Jacques PELLET ឯកអគ្គរដ្ឋទូតបារាំងប្រចាំកម្ពុជា កាលពីល្ងាចថ្ងៃទី ០៣ កក្កដា លោកបណ្ឌិតសភាចារ្យ ឧបនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅដល់ស្ថានទូតបារាំងប្រចាំនៅកម្ពុជា ដែលបង្កើតគម្រោងបរិស្ថានប្រកបដោយអត្ថន័យនេះឡើង ជាប្រយោជន៍ដល់សហគមន៍ ក្នុងភាពជាដៃគូជាមួយ ក្រសួងអប់រំ យុវជន និងកីឡា បានផ្តល់ឱកាសឱ្យសិស្សានុសិស្សអាចស្វែងយល់កាន់តែស៊ីជម្រៅពីគំនិតផ្ដួចផ្ដើមប្រកបដោយការទទួលខុសត្រូវលើផ្នែកបរិស្ថាន និងដំណោះស្រាយឆ្លើយតបនឹងបញ្ហាបម្រែបម្រួលអាកាសធាតុ។
ទន្ទឹមនេះដែរ លោកបណ្ឌិតសភាចារ្យ ឧបនាយករដ្ឋមន្ត្រី បានលើកឡើងថា ចំណេះដឹងភាសាបារាំង ពិតជាមានសារៈសំខាន់ដល់យុវជន ព្រោះថាអ្នកចេះច្រើនភាសាក្នុងបរិបទបច្ចុប្បន្នទទួលបាននូវអត្ថប្រយោជន៍ជាច្រើន និងផ្ដល់ជាមធ្យោបាយដ៏មានប្រសិទ្ធភាពមួយក្នុងការទទួលបានការងារល្អៗ នៅក្នុងទីផ្សារការងារជាតិ និងអន្តរជាតិដែលកំពុងមានការប្រកួតប្រជែងខ្លាំង។
ជាថ្មីម្ដងទៀត លោកបណ្ឌិតសភាចារ្យ ឧបនាយករដ្ឋមន្ត្រី សង្ឃឹមយ៉ាងមុតមាំថា ការប្រើប្រាស់ភាសាបារាំងនៅតែជាគន្លឹះសំខាន់ក្នុងការលើកកម្ពស់ការផ្លាស់ប្ដូរវប្បធម៌ ភាពចម្រុះ នៃភាសា និងអាចឆ្លើយតបទៅនឹងតម្រូវការរបស់ប្រជាជនក្នុងតំបន់និយាយភាសាបារាំង។
គួរបញ្ជាក់ដែរថា ស្ថានទូតបារាំងប្រចាំកម្ពុជា ឡាវ និងវៀតណាម កំពុងចូលរួមក្នុងព្រឹត្តិការណ៍អន្តរជាតិ “Résonances nationalaux de la francophonie” ដែលបានស្នើឡើងនៅក្នុងកិច្ចប្រជុំកំពូល Villers-Cotterêts ជាមួយគំនិតផ្ដួចផ្ដើមដែលអនុញ្ញាតឱ្យមានការចល័តសិស្សវិទ្យាល័យ ថ្នាក់ភាសាបារាំងក្នុងប្រទេសទាំង ៣ ដើម្បីជួបជាមួយក្រុមអ្នកផ្ដួចផ្ដើមគំនិតអភិវឌ្ឍន៍ប្រកបដោយនិរន្តរភាព និងភាគីពាក់ព័ន្ធ អមដោយលោកគ្រូ អ្នកគ្រូរបស់ពួកគេ នឹងសម្របសម្រួលដើម្បីឱ្យពួកគេអាចទំនាក់ទំនងផ្សព្វផ្សាយអំពីគម្រោងនេះនៅក្នុងសាលារៀន និងសហគមន៍របស់ពួកគេ៕
អត្ថបទ ៖ សំអឿន
-
ព័ត៌មានអន្ដរជាតិ៤ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ