ព័ត៌មានអន្ដរជាតិ

ប៉ូលិសអូស្ត្រាលី រកឃើញសពក្មេងស្រី ដែលត្រូវក្រពើខាំពាំយកទៅ ពេលហែលទឹក

បានផុស

៣ ខែ មុន

នៅ

ថ្ងៃព្រហស្បតិ៍ ៤ កក្កដា ២០២៤

ដោយ

យោងតាមការចេញផ្សាយរបស់ទីភ្នាក់ងារពត៌មាន Reuters នៅថ្ងៃទី ០៤ ខែ កក្កដា, ប៉ូលិសបានរកឃើញសពក្មេងស្រីអាយុ១២ ឆ្នាំម្នាក់ ពីរថ្ងៃបន្ទាប់ពីនាងត្រូវក្រពើខាំពាំយកទៅ ពេលកំពុងហែលទឹកនៅក្នុងព្រែកមួយ នាភាគខាងជើងប្រទេសអូស្ត្រាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពក្មេងស្រីត្រូវបានគេរកឃើញនៅក្នុងទន្លេ ក្បែរកន្លែងនាងបាត់ខ្លួននៅឯសហគមន៍ជនជាតិដើមភាគតិច Palumpa ភាគនិរតីទីក្រុង Darwin។ ប៉ូលិសក៏បញ្ជាក់ដែរថា ពួកគេកំពុងតាមចាប់សត្វក្រពើនោះ ដែលប្រហែលជា កំពុងស្ថិតនៅក្នុងផ្លូវទឹកក្បែរនោះនៅឡើយ។

គួរបញ្ជាក់ថា ការបាត់ខ្លួនរបស់ក្មេងស្រីនេះ បានបង្កឱ្យមានការស្វែងរកទាំងផ្លូវគោក ផ្លូវទឹក និងផ្លូវអាកាសរយៈពេល ៣៦ ម៉ោងយ៉ាងសស្រាក់សស្រាំ។

ចំនួនសត្វក្រពើ បានកើនឡើងពាសពេញតំបន់ត្រូពិកភាគខាងជើង ប្រទេសអូស្រ្តាលី ចាប់តាំងពីពួកវាបានក្លាយជាប្រភេទសត្វដែលត្រូវបានការពារក្រោមច្បាប់របស់ប្រទេសអូស្ត្រាលីក្នុងឆ្នាំ ១៩៧០៕