Salah ​សម្រេចចិត្តមិនចូលរួមជាមួយ​អេហ្ស៊ីបក្នុងព្រឹត្តិការណ៍អូឡាំពិក​

កីឡាករ Mohamed Salah បានបោះបង់ឱកាស​លេងឲ្យក្រុមជម្រើសជាតិអេហ្ស៊ីបនៅព្រឹត្តិការណ៍អូឡាំពិកក្នុងនាមជាកីឡាករអាយុលើស២៣ឆ្នាំ។

គ្រូបង្វឹកក្រុមជម្រើសជាតិអេហ្ស៊ីប លោក Rugero Micali មានសុទិដ្ឋិនិយមក្នុងការបញ្ចុះបញ្ចូល Salah ឲ្យចូលរួមក្នុងជម្រើសជាតិ។ ក្នុងព្រឹត្តិការណ៍អូឡាំពិកតម្រូវឲ្យក្រុមបាល់ទាត់ទាំងអស់ត្រូវរើសកីឡាករអាយុក្រោម២៣ឆ្នាំ ប៉ុន្តែក្នុងនោះក៏អនុញ្ញាតឲ្យរើសកីឡាករ៣នាក់។

ខ្សែប្រយុទ្ធ Salah ជាកីឡាករម្នាក់ក្នុងចំណោមកីឡាករដែលមានអាយុលើស៣នាក់ ត្រូវបានកោះហៅចូលរួមក្នុងក្រុមជម្រើសជាតិអេហ្ស៊ីប។ ប្រសិនបើកីឡាករ Salah ចូលរួមព្រឹត្តិការណ៍អូឡាំពិក នោះគេនឹងអវត្តមានការប្រកួត​បើករដូវកាលជាមួយ Liverpool នៅទឹកដីនៅសហរដ្ឋអាមេរិក។

យ៉ាងណាមិញកីឡាករ Mohamed Salah បានសម្រេចចិត្តមិនចូលរួមជាមួយក្រុមជម្រើសជាតិអេហ្ស៊ីបទេ ដោយរូបគេចង់ផ្ដោតអារម្មណ៍ជាមួយ Liverpool សម្រាប់​រដូវ​កាល​ថ្មី​ ស្របពេលគ្រូបង្វឹកថ្មីលោក Arne Slot ចូលកាន់តំណែង។ Salah អាយុ​៣២ឆ្នាំ​បាន​ឈានចូលដល់ឆ្នាំចុងក្រោយនៃកិច្ចសន្យារបស់គាត់ជាមួយ Liverpool ៕

ប្រែសម្រួល៖ ផា រតនា